影片
更多
2020-06-26
839 瀏覽
飄亭系列第三個post來到塔石巴士站對面專食蛋包飯的「飄亭GOTTE」，主打當然是各式各樣蛋包飯，配菜亦隨自己搭配，每到放飯時段經過門外都三五成群等位，要唔要訂定位自己考慮啦～.先提店中主打日式蛋包飯，有一版餐牌比你每步跟住揀。第一步先選自己喜歡配菜（油炸、非油炸、素食、特色類），第二步有四款醬汁可選，第三步挑選蛋包飯的蛋類型，🥚傳統日式蛋係偏全熟蛋，🥚旋渦蛋將蛋外表整成旋渦形狀，🥚流心蛋*則係切開蛋中線有流心蛋漿攤平包裹住飯，最後係飯底（白珍珠米、蕃茄玉米炒飯、蕃茄雞肉炒飯*）。特別注意有啲選擇要額外加錢。.是日餐點：浦燒原條鰻魚蛋包飯 ($88)岩石燒·特級菲力牛柳 ($178)*串燒類盛合5串 ($48)*芝士蛋糕 ($38).🍱自選組合（浦燒原條鰻魚·不用選汁·旋渦蛋·蕃茄玉米炒飯底）配菜鰻魚大條，但較難整開，要稍為用少少力分開皮同肉位置，偏向有咬口，皮個部分彈牙，味道還算可以。由於無得揀汁，只好用鰻魚燒汁撈飯，當日出品係有點少鹹，要靠沙律菜緩和番，可以一讚是旋渦蛋夠嫩滑，係我喜歡個種蛋的質感，整體不過不失啦，無期待中咁驚喜。.🥩菲力牛柳放係極高溫岩石上燒，貼心的是有一塊圍裙布
.
先提店中主打日式蛋包飯，有一版餐牌比你每步跟住揀。第一步先選自己喜歡配菜（油炸、非油炸、素食、特色類），第二步有四款醬汁可選，第三步挑選蛋包飯的蛋類型，🥚傳統日式蛋係偏全熟蛋，🥚旋渦蛋將蛋外表整成旋渦形狀，🥚流心蛋*則係切開蛋中線有流心蛋漿攤平包裹住飯，最後係飯底（白珍珠米、蕃茄玉米炒飯、蕃茄雞肉炒飯*）。特別注意有啲選擇要額外加錢。
.
是日餐點：
浦燒原條鰻魚蛋包飯 ($88)
岩石燒·特級菲力牛柳 ($178)*
串燒類盛合5串 ($48)*
芝士蛋糕 ($38)
.
🍱自選組合（浦燒原條鰻魚·不用選汁·旋渦蛋·蕃茄玉米炒飯底）
配菜鰻魚大條，但較難整開，要稍為用少少力分開皮同肉位置，偏向有咬口，皮個部分彈牙，味道還算可以。由於無得揀汁，只好用鰻魚燒汁撈飯，當日出品係有點少鹹，要靠沙律菜緩和番，可以一讚是旋渦蛋夠嫩滑，係我喜歡個種蛋的質感，整體不過不失啦，無期待中咁驚喜。
.
🥩菲力牛柳放係極高溫岩石上燒，貼心的是有一塊圍裙布防止油濺到落衫，全程自理，燒到個人喜歡熟成程度。每份岩石燒免費跟白飯，今次驚飽無要到。牛柳煎到香噴噴，表面焦香，我諗自己整到大約七八成熟，內在唔會太韌，隔離亦有跟蔬菜中和下油膩感。
當日🍢串燒廚師精選有雞皮、雞肉、雞軟骨、雞腎同牛肉串燒各一，正常發揮。
.
🍰至於飯後甜品蛋糕唔會話好特別，但油膩完補充番少少糖分，又覺得意外地加分。整體來講環境唔錯，食物外表精緻，但有進步空間。
.
*晚間限定
_
⭐️ 需加一服務費
張貼
