南翔饅頭店 (已結業)

去澳門飲飲食食，食得太多太heavy, 諗住食少d先返酒店，嚟咗百老匯大街呢間食小籠包。餐牌上有幾款小籠包選擇，揀咗蟹肉小籠包，78蚊。包內嘅湯都好甜，皮都算薄，冇厚疊疊嘅感覺; 不過就真係一d都唔覺係蟹肉餡，完全食唔出。普通小籠包賣55蚊，平23蚊架，早知就order 普通就得啦!上海粗炒，超多油，味道算okay , 唔會好鹹，少d油會好d。豆漿微甜，有豆香，值得一試。整體員工服務都可以，只有一位態度好差，拖低整體員工服務表現。