福龍葡國餐廳

營業中

休息中

因為朋友食素，我哋搵咗好耐先至搵到一間有提供素食嘅葡國菜。夜晚七點去到冇訂枱，所以要等到9:30先有枱。等到9:00左右就有位。裝修係滿滿嘅葡國風格，幾有氣氛。餐前會附一人一個小餐包。我哋點咗素葡式雜菜焗魚、素薯蓉青菜湯、素葡國雞。個湯有少少似忌廉湯，但係佢係薯蓉做嘅，夾埋啲菜幾惹味。焗魚好有驚喜，雜菜有少少焦香味，底有少少汁，點素魚好開胃。店員話素魚柳係豆製，咬落比真魚實淨，但整體嚟講係好好味。素葡國雞就有少少失望，葡汁味道比較淡，素雞係傳統中式齋舖嗰種素雞，口感麻麻。埋單嗰陣，店員話有甜品送，仲有幾款揀。我揀咗焦糖雞蛋，唔太甜好濃嘅雞蛋味幾好食。