譚家魚翅 (已結業)

舊年聖誕節過澳門一日遊，唔夠時間 去食翅，今次復活節再過大海，一定要補番數 ！是日由我帶豬仔去食出名足料翅 嘅《添發》，點知去到，再次大排長龍 ！我哋時間緊密，唯有轉去附近嘅《譚家》試試喇……《譚家魚翅》係新馬路呢頭有兩家店，我哋等嘅呢間已經full咗，侍應姐姐就帶我哋去另一間分店。甫坐低，侍應生就送上小食一碟~棋子杏仁餅，香脆好味 ，食住等……唔覺意下，好快畀我ko咗一半 熱辣辣嘅煲仔翅到~1.蠔仔中鮑翅($60) :  豬仔揀咗有蠔仔嘅翅，蠔仔都唔細隻，翅明顯少得可憐 ，得一兩片迷你細梳翅 。2.花膠海参中鮑翅($68) : 檔次高嘅花膠又薄又細件 ，反而炸魚肚就一大舊。迷你魚翅又係只得一兩片 , 海参欠奉 ！食飽鮑参翅肚，點番碗甜品先 3.椰汁燕盞官燕($68x2) : 椰汁清甜潤喉 ，又有啲燕碎食下 ，反而呢個甜品唔錯囉！整體屬偏貴，性價比低 , 試一次便夠！