新榮記咖啡麵食

營業中

休息中

今次到澳門之前，參考過澳門Openrice的食評，所以按圖索驥，來到這間食店食晏。舖面細細地，但人頭湧湧，個個都嗌了碟頭撈麵。對照番個餐\牌，呢D碟頭麵好似係叫「大、中、小雜麵」。是日想保留胃納去搜刮更多美食，所以只叫了一碗水餃麵、一碗豆腐花及一杯豆漿。呢間舖頭聲稱佢\地的拿手好戲係麵和豆腐花。先談一談佢\D麵，俾我的感覺幾特別，係介乎彈牙同淋之間，質感好似放得耐了的撈麵。初食的時候偏淋，跟著越食開始覺得越有彈牙感，十分奇怪；水餃用料就很新鮮，餡料有鮮蝦、雲耳等。至於豆腐花入口有一股好清新的黃豆味，好香，配上含有薑汁的糖槳，可以說是極佳的組合；豆漿同樣地有清香的黃豆味，個人認為這裡的豆品比麵更出色。一提這裡的衛生比較差，地上有食剩的雞翼，弄得我雙腳要左閃右避這些「障礙物」。埋單大約係廿蚊，都幾經濟抵食。