翠華餐廳

營業中

休息中

係賭場搵野食有時都幾煩 所以今日就求其係場邊搵左間香港茶餐食—翠華肉絲炒麵餐 首先講一下價錢 唔算好平$88，但我覺得賭場餐廳算係差唔多 加上食物質素都算有水準麵底夠脆口，汁料份量足夠唔算太鹹。但個人口味問題 汁料好多冬菇 唔鍾意食菇既人要考慮一下。牛肩扒餐—$155（+$3）先講餐湯 例牌有忌廉 羅宋湯 兩選一但忌廉湯非常難飲 無味 飲水一樣鐵板牛肩扒都唔錯 當然無可能係西餐廳質素，牛味唔係話好濃 但肉質都做到多汁，幼嫰。我地叫左5成熟 配黑椒汁。奶茶就而度不嬲出名 真係幾好飲 ，不過我會推薦冰鎮奶茶。-乾炒牛河$98我覺得普普通通 不過不失。總結我覺得鐵板牛扒餐係抵食之選。而翠華亦都係賭場入面既一個唔錯之選。