影片
更多
2009-01-01
24 瀏覽
3 日前一行十人, 算少少慕名而去既, 因為睇過呀蘇介紹過. 其實我就不嬲唔係咁鐘意去個 D 有所謂名人介紹既食店, 因為多多少少有 D 商業推介成份. 再加上, 出名得耐既店, 實係生意好到做唔切, 然後就做得行貨. 不過十個人都話未去過, 咪試下囉. 點知真係唔試由止可, 一試把幾火.12 點去到, 有條龍係到等緊, 朋友就即刻發揮香港人精神, 有隊就排左先. 好彩, 都入到去. 點知呢, 佢地完全冇人安排 D 客人點坐, 由得你自己行入去搵位坐. 開頭一大堆人行晒入入面個到, 企後尾堆人又唔知入面夠唔夠坐. 再後尾入既人, 有 D 又已經坐晒出面既台...搞到夾係中間個堆人變成有 D 冇位囉, 我同一班朋友就差 D 變成其中一堆, 咁一開始係出面排隊黎為咩先...好彩朋友夠醒目, 見唔對路就飛番出去坐係張 6 人台到先. 最後 10 個人坐係 6 人台.講番食物, 真係行貨又難食到不知所謂囉. 我地叫叫左 4 款食物 , 一黎見 D 價錢都唔平, 2 黎諗住試下先, 好食再叫. 落左 order , 個呀嬸比左 d 飽我地, 有 5 個, 但係我地有 10 人. 唯有share
其實我就不嬲唔係咁鐘意去個 D 有所謂名人介紹既食店, 因為多多少少有 D 商業推介成份. 再加上, 出名得耐既店, 實係生意好到做唔切, 然後就做得行貨. 不過十個人都話未去過, 咪試下囉. 點知真係唔試由止可, 一試把幾火.
12 點去到, 有條龍係到等緊, 朋友就即刻發揮香港人精神, 有隊就排左先. 好彩, 都入到去. 點知呢, 佢地完全冇人安排 D 客人點坐, 由得你自己行入去搵位坐. 開頭一大堆人行晒入入面個到, 企後尾堆人又唔知入面夠唔夠坐. 再後尾入既人, 有 D 又已經坐晒出面既台...搞到夾係中間個堆人變成有 D 冇位囉, 我同一班朋友就差 D 變成其中一堆, 咁一開始係出面排隊黎為咩先...好彩朋友夠醒目, 見唔對路就飛番出去坐係張 6 人台到先. 最後 10 個人坐係 6 人台.
講番食物, 真係行貨又難食到不知所謂囉. 我地叫叫左 4 款食物 , 一黎見 D 價錢都唔平, 2 黎諗住試下先, 好食再叫. 落左 order , 個呀嬸比左 d 飽我地, 有 5 個, 但係我地有 10 人. 唯有share 囉. 之後唔駛十分鐘, d 野就黎, 其中一個係蝦, 有汁, 但係好多人一早用牛油食左個半邊包, 咁點呢, 就問呀嬸可唔可以再要包, 佢好無禮貌咁話唔得. 咁我地問比錢叫得唔得, 佢又好唔耐煩咁話 "無呀", ok, 算. 食物緊要,我地叫左以下
麵包 : 皮幾脆, 入面 lum lum 地, ok 既, 但係衰左唔熱囉, 熱應該好 d
燒豬 : 肉係唔熱既, 個皮有少少脆, 但係奇怪係, 肉係 lum 到有 d 梅, 好似煲湯豬肉咁. 我地懷疑佢係煲熟左, 然後用火槍燒個皮. 伴碟薯條 ok 既, 厚切. 但係都好明顯唔係岩岩炸, 一係就放左好耐, 再唔係就油未滾就放落去, 然後都冇咩炸就拎番上黎. 因為 d 薯條真係幾油下....
燒牛仔肉 : 肉質正常既 lum, 味道 ok 既但係唔係好食個隻, 仲要一d 都唔覺佢係燒架囉.
蝦 : 蝦肉唔彈牙但唔難食, 反而個汁幾好味, 好香蝦味. 可惜係我地 d 包一早食晒 ! 唯有用 d 薯條去食囉
鹽燒排骨 : d 骨又細又咸, 份量又少...成百蚊...真係唔知咁夠膽收你咁貴囉 !
好彩係佢碟碟都有大堆薯條同少少茶 salad, 如估唔係佢 d 主菜咁貴少份量, 都唔知點算 ! 仲要水都無杯, 要比 15 蚊一支...真係激死人 !
由入去到埋單, 用左唔駛 45 分鐘, 我地未出門口就已經諗定出去係街邊串燒. 最近埋單要 7 百幾, 但係大家都覺得唔知食左咩, 一致 comment 係...唔會 recommand 人黎 , 叫做試過咁解 ...
張貼