御膳房 (已結業)

其實好怕寫鍾意既餐廰，因為怕會愈黎愈多人去，不過今次本人覺得真係好抵食，所以點都要推介下。今次一行四人，連埋我兩位仔仔，早早訂定位食午餐。係凱悅交房之後行過去唔算好遠，上到去感覺風景一般，不過冇乜星級餐廳既拘緊感覺，同經理傾下原來都係香港過黎，有親切感。打開餐牌一睇三道菜$180，四道菜$220。嘩! 係香港五星酒店餐廰郁下都五六百落樓，呢度平過半價，真係搵度搵呀！平唔係最重要，最緊要味道丫嘛！首先黎小食，脆脆地幾開胃，麵包都唔錯，加分！跟住仔仔同我既兩度前菜，不過我麻麻地意大利米，覺得仔仔既好味D。主菜有三樣，當然叫齊晒，阿仔好，而我鍾意食羊，老婆就食魚。阿仔既鵝肝焗肉醬我冇食到，不過$220有埋鵝肝，真係超平。但睇落就有少少灟。至於我既羊肉三重奏又嫩又唔蘇，同我係8 1/2食差不多，不過錢就爭幾倍。最後老婆碟魚OK喇！食到呢度都飽飽地，跟住甜品，三母子要雪糕心太軟，我見冇乜特别試新野，香港經理推介新甜品，旁邊脆果仁等加中間芒果泡沬，好食到不得了，超鍾意，經理冇介紹錯。呢度最贵既相信係汽水，成$60蚊杯，同香港差唔多，不過整體黎講算超抵食，強烈推介。