影片
更多
2019-05-28
812 瀏覽
又係同太太一年一度喪飲喪食澳門之旅，澳門美食係人都知道好多，今次未到舊區三盞燈，一個好似深水埗嘅地方，幾年前嚟過，依家都係冇乜點變，之前聽聞謝霆鋒介紹過呢間小店，只有露天小食檔，幾有90年代感覺，名人介紹梗係要試吓，一碗細細碗嘅豬腳薑要$45，個汁完全唔係平時食開甜甜地，辣辣地果種，佢係非常之酸，豬手入晒味，又軟熟，雞蛋因為浸左啲醋，都係偏酸，我個人麻麻哋隻蛋，反而啲老姜好粉好好食，一啲都唔覺得辣，好似粉葛咁樣，幾好味！其實去澳門唔係食就係食，一日食五六餐是常識的，食到流流地，過嚟食下啲超級酸既豬腳薑，又有胃口再去食晚餐
張貼
