影片
更多
2016-06-01
2229 瀏覽
近日發覺在南灣AIA的壹仔燒味突然大裝修，切雞搖身一變成了烤雞。咁又係，身邊的女仔朋友個個都在追「太咩的咩咩」，韓國菜始終是比麻甩燒味有市場的。Goobne Chicken是從韓國開過來的連鎖餐廳，香港都有分店，澳門店就與旗艦集團合作開業。我初頭以為又～是千頌伊韓式炸雞，冇咩特別。但今天坐低仔細看看餐牌，才知其實這家的主打是烤雞才對。聽落係咪好似冇咁肥？（少少咁啦⋯⋯）一入門口就見到EXO排排企做知客。抽水趁呢鋪。其實裝修同以前都冇咩點變，好彩留番以前壹仔個通風高樓底。不過加左個狂播K-POP的大電視，氛圍與以前完全不一樣，Yo Check this out。Deja vu！！！！冇錯，呢度係有午市套餐的。餐牌有好多款雞，淨係烤雞類都有六七種，仲未計其他做法。今日人少少，好不容易選了幾個菜。Goobne原味烤雞 MOP148首先梗係要試下原味。有成隻雞，份量不少，顏色也烤得幾靚！跟一個甜醬和一個沙拉醬，但冇乜機會俾佢地出場。因為烤雞本身醃得夠入味，不需借助旁門左道。食炸雞又好，烤雞也一樣，用手食是常識吧。放心，店裡有提供手套。（但我好明顯係唔鍾意用套果批）肉質都算喜出望外喎！雞皮脆脆地
Goobne Chicken是從韓國開過來的連鎖餐廳，香港都有分店，澳門店就與旗艦集團合作開業。我初頭以為又～是千頌伊韓式炸雞，冇咩特別。但今天坐低仔細看看餐牌，才知其實這家的主打是烤雞才對。聽落係咪好似冇咁肥？（少少咁啦⋯⋯）
一入門口就見到EXO排排企做知客。抽水趁呢鋪。
其實裝修同以前都冇咩點變，好彩留番以前壹仔個通風高樓底。不過加左個狂播K-POP的大電視，氛圍與以前完全不一樣，Yo Check this out。
Deja vu！！！！冇錯，呢度係有午市套餐的。
餐牌有好多款雞，淨係烤雞類都有六七種，仲未計其他做法。今日人少少，好不容易選了幾個菜。
Goobne原味烤雞 MOP148首先梗係要試下原味。有成隻雞，份量不少，顏色也烤得幾靚！
跟一個甜醬和一個沙拉醬，但冇乜機會俾佢地出場。因為烤雞本身醃得夠入味，不需借助旁門左道。
食炸雞又好，烤雞也一樣，用手食是常識吧。放心，店裡有提供手套。
（但我好明顯係唔鍾意用套果批）肉質都算喜出望外喎！雞皮脆脆地，有些微煙燻香烤味。雞腿咬落有肉汁，可算是雞有雞味。用烤的確實比炸雞乾爽很多，唔怕食到油淋淋，食多幾舊都冇罪惡感！
雞胸位會乾身少少，不過不至於柴皮。其實我覺得雞胸的鮮味更明顯。都好食！
Goobne蒜香水果醬油烤雞（無骨） MOP150呢一款就在烤雞表層加一層醬。烤到脆的雞皮沾滿蜜甜醬汁，甜中又帶些醬油的鹹。果味比蒜味要強一些，女仔會好鍾意。我就鍾意剝粒烤軟了的蒜頭，壓到烤雞上來增強蒜味！
無骨雞啖啖肉，可以用叉食，同男仔撐枱腳都唔怕失儀態。
但在座還是一致認為有骨雞肉比較嫩和比較多汁，有骨雞普遍貴10蚊左右，是貴得有道理的。出得黎食雞，還是別顧儀態鳥～
每盤雞都會跟一兜酸蘿蔔，俾你解膩。
Goobne芝士烤雞串 MOP168呢個好食！！
大舊雞腿肉夾住大蔥，烤到邊位燶燶地，包圍著雞肉的燒汁很香，聞到都流口水！
還嫌不夠煞食，仲要加埋牽絲水牛芝士！贏晒啦～～雞腿肉很嫩滑，烤得香口，醬汁濃香惹味，帶點甜辣，正呀！
雖然一客得4碌，但一碌都幾大份，滿足！！
濟州海鮮超辣拉麵 MOP120其實就是「辛拉麵+冷凍海鮮」，話自己超辣，最終又係一個美麗的謊言。
好彩湯底都叫做有鮮味，算係咁啦。
總的來說ＣＰ值不高，我自己煮一定好食過佢（首先一定夠辣）。
鯊魚之淚沙冰 MOP78其實除左烤雞選擇繁多外，飲品都好多野玩。近期就好流行呢隻「倒樹蔥鯊魚」。
這裡的有分有酒精與無酒精版本，細路都可以幫襯下。
表層是藍色沙冰，底層是血海，其實咪又係果味糖漿，勝在夠過癮！一路飲，鯊魚內部的紅色糖漿就會流出來，Blend埋入藍色沙冰裡面。酸酸甜甜咁，起初好甜，沙冰融左之後會好飲些。
遇溺鯊魚的真面目。
藍橙沙冰 MOP58呢杯好靚，Tiffany綠，好清新！
口味也是很清新的橙味。冇乜特別但真的好呃like。
韓國米酒特飲 MOP65是一個有米酒味的芒果奶昔，唔會好甜，酒味也不是很濃。淡淡有些米酒香咁樣啦。
蘋果酒沙冰 MOP88上期流行的Rita，很忠實的蘋果酒味。朋友點的，據說連沙冰也有酒精，飲完Wing Wing地。
咁足料，唔怪得之是四杯飲品之中最貴的。
是晚四人用餐，埋單Mop900多。不便宜呀！不過在澳門扮韓仔就是要有點銀兩。好彩烤雞比想像中有誠意，下次再來時最緊要是約多幾個朋友，有多幾把口，試多幾款！
張貼
