葡韻美食店 (已搬遷) 新店位置

一直覺得"馬交"D麵及麵包都好有水準、特別好味，唔知點解呢? 可能"馬交"朋友對煮食有heart D掛! 好似今次試咗"葡韻美食店"， 出發前由香港send e-mail去book位(攪到好似好serious咁)，因星期日好想試但又驚去到無位！但當日去到又無嘜人，激氣！不過食完之後都覺得無選擇錯嘅，食物質數相當高。麵包 - 好好味。檸檬蜆 - 超甜、超新鮮、粒粒都有肉唔會離殼!乳豬 - 好嫩滑!沙甸魚 - 燒烤程度剛剛好，唔會燶又好juicy！黑白啤 - 即黑啤、普通啤mix 一齊又幾好飲味道幾特別。熱情果cooler - 小小酸、好開胃。補充一句: "馬交"D野真係貴咗好多好多，有D野直情貴過香港呀，真攞命!