澳門大利來記豬扒包 (已搬遷) 新店位置

每次去澳門，一定幫襯大利來豬扒包。今次星期四下午3:30 去到(係遲，佢\3:00出爐，上次去一早排哂隊至買到)，出乎意料唔多人，重有豬扒包賣($10個)，立即order一個包同一杯熱奶茶($5)。可惜呢次個包令我有失望，唔知係唔係因為個包出爐成半個鐘，個皮唔夠脆，好彩塊豬扒保持水準，半肥瘦，而且質地鬆軟唔乾爭爭。奶茶亦OK，俾個篩你自己將茶倒落杯奶到，腌尖或者會嫌茶味未夠濃。