雅馨緬甸餐廳

營業中

休息中

尋日呢，賴生同屈小姐就試左氹仔新開間緬甸野啦，一路食既時候，賴生話三盞燈果個好食D(除左豆餅）⋯而且賴生發現屈小姐都幾鍾意食緬甸野，咁最後一日梗係要帶屈小姐去三盞燈食多次啦！因為今日係星期二，三盞燈既人流少左好多，就今日既情況去睇，店入面大部分都係學生客（謎：點解賴生做學生既時候冇呢D又平又好味既餐廳係附近嫁），所以今日我地好易就入到去坐，雖然係坐2樓，但佢地都專登安排左1位侍應專門負責2樓既客人嫁！今次呢我地叫左⋯1）魚湯粉：⭐️⭐️⭐️⭐️⭐️（左上角果碗）呢度既魚湯粉真係不得了，比起氹仔果碗，湯粉冇咁彈牙，但比較滑溜，湯底雖然無咁多魚肉絲，但個魚味仲濃D嫁！所以整體黎講，呢一碗好食好多好多，一啖湯連粉食，超滋味，好似食極都仲想食咁！ 論正宗，呢家正宗好多！唯一一樣真係輸蝕既，淨係個豆餅，呢度比較容易爛同埋薄身，豆味冇氹仔果間咁出！2）椰汁雞撈麵 ：⭐️⭐️⭐️⭐️⭐️呢度個椰汁雞撈麵跟一碟仔辣汁洋蔥，撈埋落去都幾好食，有D辣味麻！洋蔥係無煮過既，食落索索聲，幾夾呢個麵嫁！重點係呢度個椰汁味濃好多！個麵掛汁能力好高，用黎撈麵一流！加上呢度雞件較多，雪味亦較少，整體比氹仔果間高一班！#只要你喜歡我什麼都