影片
更多
2008-11-13
78 瀏覽
喺澳門工作期間，屋企人話過嚟探我，其實喺想我帶佢哋食葡國菜！好啦，我哋雖然揀咗呢間勁多人話係掠水黑店兼伙記寸爆嘅餐廳，不過我諗閒日始終無星期六日咁容易受不必要嘅氣，我同大佬同阿媽一行三人就叫咗： 馬介休球﹕賣相真係唔錯架！ 炸得外脆內軟唔油膩，入面嘅纖維都幾細密，食到有一絲一絲嘅咸魚，味道都唔會太鹹，不過梗係同林記差少少﹗要讚佢嘅係個菜以黑水欖作配碟，頗有心思！ 葡式羊煲：有驚喜！ 好似炆牛尾啲汁咁濃咁香咁正，除咗羊肉外，仲有薯仔！另外仲有幾嚿蒜蓉包放喺煲邊，索晒啲汁勁好味！羊肉好香好稔好重肉味，一啲都唔羶，啲汁咁濃，唔食包再叫碗飯嚟送都咁一流！ 葡式白烚：呢個就真係葡國經典菜嘞！個樣睇起嚟勁似煲湯肉，但每樣食材嘅味道都可以獨當一面，咸香有味。材料方面有豬耳、雞、椰菜、薯仔、紅蘿蔔、紅腰豆飯、一字骨、仲有葡式香腸同血腸。我自己覺得最好味都係葡式香腸，成個菜分量都算幾多，冇三個人食都唔好叫，一定食唔晒，食時可放些欖油味道更香！食咗咁多嘢都係二百幾，其實都叫抵嘅！
喺澳門工作期間，屋企人話過嚟探我，其實喺想我帶佢哋食葡國菜！好啦，我哋雖然揀咗呢間勁多人話係掠水黑店兼伙記寸爆嘅餐廳，不過我諗閒日始終無星期六日咁容易受不必要嘅氣，我同大佬同阿媽一行三人就叫咗：
馬介休球﹕賣相真係唔錯架！ 炸得外脆內軟唔油膩，入面嘅纖維都幾細密，食到有一絲一絲嘅咸魚，味道都唔會太鹹，不過梗係同林記差少少﹗要讚佢嘅係個菜以黑水欖作配碟，頗有心思！
葡式羊煲：有驚喜！ 好似炆牛尾啲汁咁濃咁香咁正，除咗羊肉外，仲有薯仔！另外仲有幾嚿蒜蓉包放喺煲邊，索晒啲汁勁好味！羊肉好香好稔好重肉味，一啲都唔羶，啲汁咁濃，唔食包再叫碗飯嚟送都咁一流！
葡式白烚：呢個就真係葡國經典菜嘞！個樣睇起嚟勁似煲湯肉，但每樣食材嘅味道都可以獨當一面，咸香有味。材料方面有豬耳、雞、椰菜、薯仔、紅蘿蔔、紅腰豆飯、一字骨、仲有葡式香腸同血腸。我自己覺得最好味都係葡式香腸，成個菜分量都算幾多，冇三個人食都唔好叫，一定食唔晒，食時可放些欖油味道更香！
食咗咁多嘢都係二百幾，其實都叫抵嘅！
張貼
