影片
更多
2019-03-30
736 瀏覽
一大班親戚朋友食飯，首選多數都係中餐，但長老們👴🏻對中菜有一定要求，今日決定嚟呢間米芝蓮中菜試下，睇下長老們👴🏻嘅評價！我地一行十人有大有細嚟到時，店內雖然有大量空位，但店員不足，等咗又搵咗幾分鐘先有店員理我地，而想安排嬰兒座椅💺時，店員消失咗成十分鐘先覆我地餐廳🍴冇提供，點菜時店員就好醒目地即刻出現，佢地嘅行動力真係難猜透😩上菜都算快，首先上嘅醉雞🐔用咗個小酒瓶嚟裝，初時睇落以為得好少，但原來有差唔多半隻雞，雞嘅酒味🥃唔太重，雞亦都好嫩滑。再嚟就係招牌燒叉燒，燒得啱啱好叉燒好腍，小朋友都咬到，但長老們👴🏻覺得唔夠肥，但我就覺得啱啱好喇。之後上嘅水煮魚🐟麻味比辣味重，配菜比例過多，魚塊好滑係送飯之選。煎餃🥟好香脆，熱騰騰嘅一口咬落，肉汁當場飛濺到對面位，食時要小心喔！羊肉🐑串係成串上，自己整出嚟食時有啲論盡，雖然孜然味好夠，但仲係食到羊肉嘅羶味，好彩長老們都接受到。最後嘅上湯豆苗係長老們嘅今晚至愛，可能肉類太多，爽口清淡嘅豆苗🌱好快就畀長老們一掃而空喇！今晚呢餐長老們都好滿意，下次可以再嚟💋
我地一行十人有大有細嚟到時，店內雖然有大量空位，但店員不足，等咗又搵咗幾分鐘先有店員理我地，而想安排嬰兒座椅💺時，店員消失咗成十分鐘先覆我地餐廳🍴冇提供，點菜時店員就好醒目地即刻出現，佢地嘅行動力真係難猜透😩
上菜都算快，首先上嘅醉雞🐔用咗個小酒瓶嚟裝，初時睇落以為得好少，但原來有差唔多半隻雞，雞嘅酒味🥃唔太重，雞亦都好嫩滑。再嚟就係招牌燒叉燒，燒得啱啱好叉燒好腍，小朋友都咬到，但長老們👴🏻覺得唔夠肥，但我就覺得啱啱好喇。之後上嘅水煮魚🐟麻味比辣味重，配菜比例過多，魚塊好滑係送飯之選。煎餃🥟好香脆，熱騰騰嘅一口咬落，肉汁當場飛濺到對面位，食時要小心喔！羊肉🐑串係成串上，自己整出嚟食時有啲論盡，雖然孜然味好夠，但仲係食到羊肉嘅羶味，好彩長老們都接受到。最後嘅上湯豆苗係長老們嘅今晚至愛，可能肉類太多，爽口清淡嘅豆苗🌱好快就畀長老們一掃而空喇！
今晚呢餐長老們都好滿意，下次可以再嚟💋
張貼
