新海灣

營業中

休息中

黎澳門一日遊，點都要食返餐葡國菜，經一位澳門朋友熱烈推介呢間餐廳之後，都打算黎試下。免費提供的麵包:坐低之後，店員就位我地送上餐牌同埋麵包，麵包雖然係免費提供，但係細食加上下午已經食左好多小食既我，真係唔係好敢食，怕食唔落黎緊想食既美食，不過同行既朋友試過話麵包真係相當鬆軟呀。葡式炒蜆: 呢個炒蜆真係非常好味。d蜆好新鮮，D穀炒起後全部都開晒，入口鮮甜得黎又食到果種鹹鹹地既海水味。馬介休球: 呢味菜係段件叫既，想食幾多就叫幾多隻，可能因為呢個原因，所以賣相一般，可以改善一下。做法方面，其實係用薯茸釀入馬介休之後再拎去炸，入口外脆內暖，食落又唔會話好漏。海鮮飯: 上檯時真係會令人「哇」一聲，因為賣相真係好吸引，顏色又鮮艷，海鮮飯裡面有各式各樣既海鮮，好似龍蝦呀，蜆呀等等，湯底味道亦都好濃，似係帶有少少蕃茄味既海鮮湯，加埋D飯落去真係會令人食到停唔到口。不過，呢個海鮮飯雖然話係二人份量，但係其實3-4個人食都還可以。原本都想叫樣甜品試下既我地，最後都因為太飽所以食唔落啦。不過想讚既係，餐廳水準真係非常高，服務又好，連我都會再推仲俾D會黎澳門玩既朋友呀。