九如坊 (已結業)

旅遊書講到九如坊餐廳好勁好好味，據書上說此餐廳大廚為前澳督府廚師，咪試下去食。下晝3點去到，兩個人諗左當下午茶食下。書上講焗鴨飯係鎮店之寶，但點知去到話賣哂，侍應姐姐推介左個非洲雞同炸馬介休球，咪點左試下。先黎左個馬介休球，係我第一次食馬介休球，覺得炸得非常好食，外脆內軟，味道亦岩岩好，唔會太鹹。跟進黎左個非洲雞(半隻)，果然係推介喎，皮香肉嫩，有微辣，個汁超好味，侍應仲送左兩個面包俾我地，用面包黎yam面包果然係正，值得一試。