南記煲仔飯

營業中

休息中

澳門尾站，喺隔離食完牛雜，牛雜18:00收檔就係呢度開檔嘅時候。檔仔風味十足，不過因為天氣太熱，所以都係選擇坐有冷氣嘅室內。一坐底，老闆溫馨放底一壷滾水。我哋因為今日食得太密口關係，所以兩個人都只係點咗一個黃鱔煲仔飯，老闆見我哋點得一個飯嘅關係，仲貼心咁即刻攞兩隻碗仔俾我哋。大概3個字左右，熱辣辣嘅煲仔飯上枱，一打開煲蓋，好香夾雜薑味，黃鱔同我喺香港食開唔同，未去骨，肉身比較淋，冇咁爽口，不過醃得好味，啲汁流咗喺飯度好香，我本人就覺得幾好味，唔落豉油都夠味。不過男友大人略嫌冇咩飯焦。