贏到粥

營業中

休息中

一早已經聽聞依間野好多人食，加上佢地好出名嘅wasabi手撕雞要預早訂，所以我一星期前已經上網訂左座，店家亦回覆得好快。於是我地準時7:30pm一到餐廳就即時入座啦，可能因為一早預定好食物嘅關係，上菜速度亦非常快！首先，個卜卜蜆鍋真係非常有份量，大得好緊要我地3個女仔一望到都好擔心食唔曬，不過因為d蜆真係粒粒都鮮味十足，食左幾十粒蜆，居然可以無一粒蜆係有沙！真係令我非常喜出望外，食到停唔到口！百幾蚊一個鍋，質素又高份量又多，非常推薦不過如果唔鍾意蒜味就千奇唔好叫依個鍋，因為成個湯底都係由非常大量嘅蒜頭煲成，蒜味勁濃！至於wasabi手撕雞，好彩我地只係叫左半隻，如果唔係就一定食唔曬，個蜆鍋實在太大啦！手撕雞同樣係好有鮮味，最特別嘅係，中間混左d炸到好脆嘅芋頭絲，對我依個芋頭控來講，真係回味無窮整體來講我好滿意今餐嘅質素，每人只係百幾蚊就食到咁多野，好抵食下次再來一定要試試個冬瓜盅！