8

營業中

休息中

Item: 8
Rating: 5
Author: miffyeats

The Eight

4.5

113 食評

味道

環境

服務

衛生

抵食

5251

南灣

$401-800

粵菜 (廣東) 中菜館酒店餐廳

miffyeats

等級3

終於捱到放兩日假，去澳門同男朋友慶生🥳🥳！第一站我揀咗去新葡京嘅8，想一嘗米之蓮三星既點心午餐🤤其實我已經N年冇去澳門，今次一落船喺外港碼頭就見到好多免費穿梭巴士去唔同嘅酒店賭場，所以好容易就搵到去新葡京嘅巴士，雖然條隊好長，但係啲穿梭巴嘅密度真係好高，我哋上唔到第一架，第二架等都唔使3分鐘就來啦。而且好快有上門人即刻開走，又出碼頭到新葡京都係大約15分鐘左右嘅時間。新葡京係大馬路嘅路口，可能始終唔係國際連鎖大飯店，所以佢走返一啲中國風嘅設計同品味，主要都係玩金碧輝煌為主。8就係喺酒店嘅3樓，去到lobby 搭lift都好快搵到。我之前喺網上已經訂咗枱，本身諗住食中午定12點半，但佢哋當時回覆email就話中午要分兩輪，只能夠揀食11點半或者1點15分。咁我揀咗1:15啦，最尾1點鐘去到餐廳的確張枱未ready，不過門口既reception 都請我地喺門口旁邊既waiting room坐低等候。喺入面去左個toilet冇耐就入得了。我覺得呢間餐廳其中一個大賣點就係有門口入去餐廳裏面嘅呢一條路嘅設計，有侍應姐姐帶你係一道門感應到之後自己開咗，然後穿過一條好似黑色嘅隧道咁樣，兩邊有一啲流水

終於捱到放兩日假，去澳門同男朋友慶生🥳🥳！第一站我揀咗去新葡京嘅8，想一嘗米之蓮三星既點心午餐🤤
其實我已經N年冇去澳門，今次一落船喺外港碼頭就見到好多免費穿梭巴士去唔同嘅酒店賭場，所以好容易就搵到去新葡京嘅巴士，雖然條隊好長，但係啲穿梭巴嘅密度真係好高，我哋上唔到第一架，第二架等都唔使3分鐘就來啦。而且好快有上門人即刻開走，又出碼頭到新葡京都係大約15分鐘左右嘅時間。
新葡京係大馬路嘅路口，可能始終唔係國際連鎖大飯店，所以佢走返一啲中國風嘅設計同品味，主要都係玩金碧輝煌為主。8就係喺酒店嘅3樓，去到lobby 搭lift都好快搵到。
我之前喺網上已經訂咗枱，本身諗住食中午定12點半，但佢哋當時回覆email就話中午要分兩輪，只能夠揀食11點半或者1點15分。咁我揀咗1:15啦，最尾1點鐘去到餐廳的確張枱未ready，不過門口既reception 都請我地喺門口旁邊既waiting room坐低等候。喺入面去左個toilet冇耐就入得了。

34 瀏覽

0 讚好

0 留言

我覺得呢間餐廳其中一個大賣點就係有門口入去餐廳裏面嘅呢一條路嘅設計，有侍應姐姐帶你係一道門感應到之後自己開咗，然後穿過一條好似黑色嘅隧道咁樣，兩邊有一啲流水流到落地下，好似兩塊瀑布咁。你腳下就係有一個電子螢幕，有一啲電腦畫既金魚🐟🐟喺度游嚟游去，成件事就好似你穿嗰啲金魚一樣走咗入去一個水簾洞咁，而當你入到去餐廳入邊就見到一個好巨大嘅圓形水晶燈，成個感覺好華麗同埋驚艷💃🏼🕺🏼
宏觀餐廳都幾大，可能佢都係以大枱為主，所以二人枱等細枱相對地就要放喺角落頭。我哋比安排坐係一個角落，好處就係好靜，但壞處就係冷氣好似唔夠勁咁，有少少侷促。其實一開始坐低都唔係好覺嘅，係去到食食下野先至感覺到，所以當時都冇再要求轉枱啦。

店員為我地介紹有幾本唔同嘅Menu，去到最咪佢就問我地有冇需要啲咩餐飲，佢又提出果汁、汽水、餐酒等等，有少少奇怪佢唔講埋有咩茶。因為中午有點心，我哋都覺得唔係好襯飲酒，所以都係叫佢俾咗普里茶我哋就得啦。
男朋友有啲傻豬，攞住本a la Carte Menu問呢本既菜暫時仲有冇。佢嘅意思係因為驚當時已經1點15分，唔知會唔會有啲菜式唔會供應。個侍應姐姐回應嘅時候，令我覺得有啲odd，因為佢話：唔係暫時，係一直都有。你有咩想點？我覺得呢一下有少少blunt，其實你答，呵，我地呢本menu所有菜式都可以order架，咁就得啦。米之蓮三星餐廳咁樣去對答客人嘅提問，令我覺得有少少唐突。
我哋最咪都點左幾款有名嘅點心，包括金魚餃、燒賣皇、手袋酥。另外叫左個小食椒鹽龍利仔，同埋一個燒味雙拼（乳豬同叉燒）。兩個人應該都好夠飽了。