影片
更多
2015-06-18
9321 瀏覽
幾年前來過新陶陶食魚翅，印象唔錯，所以今日再來，點知谷氣到爆！叫了個最出名的雞包翅，$980!點知中招，翅少左好多，漿粉水就杰達達！味道有少少苦！咁既價錢，是旦係香港一間酒樓食最平的翅都好過佢，都唔知為乜來食！叫左個蠔王北菇，北菇冇味，又係得個杰達達的漿粉水！不過已經係最好的一樣食物！最後一個係咸魚肉餅，豬肉有怪味，唔新鮮，咸魚薄薄如紙！食完餐飯已經覺得被搵笨，埋單時仲激氣，我聽唔清楚幾錢，以為找小左，我好客氣問左句，點知個老闆好惡，碌大對眼啤住我好大聲咁講：1,273呀！嘩！使唔使咁惡呀，咁客氣問下咁都唔得！今時今日咁既服務態度，真係頂唔順，只好講一句，永不回頭！回到酒店，個肚好唔舒服！唉！
叫了個最出名的雞包翅，$980!點知中招，翅少左好多，漿粉水就杰達達！味道有少少苦！咁既價錢，是旦係香港一間酒樓食最平的翅都好過佢，都唔知為乜來食！
叫左個蠔王北菇，北菇冇味，又係得個杰達達的漿粉水！不過已經係最好的一樣食物！
最後一個係咸魚肉餅，豬肉有怪味，唔新鮮，咸魚薄薄如紙！
食完餐飯已經覺得被搵笨，埋單時仲激氣，我聽唔清楚幾錢，以為找小左，我好客氣問左句，點知個老闆好惡，碌大對眼啤住我好大聲咁講：1,273呀！嘩！使唔使咁惡呀，咁客氣問下咁都唔得！今時今日咁既服務態度，真係頂唔順，只好講一句，永不回頭！
回到酒店，個肚好唔舒服！唉！
張貼