影片
更多
2008-10-23
102 瀏覽
趁未放暑假就過澳門玩咗兩日, 啲friend帶咗我吔去 "煥記海鮮飯店" 到食晚飯, 之前都聽過吓話啲嘢平, 靚, 正, 食過之後, 果然係名不虛傳. 食過一次, 就好想再番噚味, 佢哋不單係價廉物美, 而且仲唔收加一添, 員工態度又親切,唔怪得每到假日如果無訂位, 想搵位就難啦!睇住個菜牌, 真係唔知食乜好, 因為樣樣餸都好想食, 望吓隔離張枱, 擺喺到既餸真係色,香,味俱全, 睇見都流口水, 即刻行動叫餸.於是叫咗呢6個餸:椒鹽九肚魚: 超好食! 外面脆脆地裏面滑嘟嘟, 味道唔會太鹹, 唔怕搶咗啲魚味, 必食之選. 菜膽雞: 此乃招牌菜, 嗜雞者非食不可.肉質非常嫩滑, 烹調手法恰到好處, 唔會過熟影響質 感. 炸大腸: 炸完之後唔會乾淨淨咁, 入口少脆, 仲有肉汁添, 點埋啲酸甜醬嚟食, 簡直是絕配.果皮蒸烏魚: 蒸魚魚一定要新鮮, 用既配料味道要夾, 咁蒸出嚟先至好食, 呢味餸完全做得 到. 火喉控制得啱啱好, 梗梗熟, 好味到連汁都撈埋.豉椒炒蜆: 雖然係普通既菜式, 但整得好夠鑊氣, 又有洋葱同青椒
趁未放暑假就過澳門玩咗兩日, 啲friend帶咗我吔去 "煥記海鮮飯店" 到食晚飯, 之前都聽過吓話啲嘢平, 靚, 正, 食過之後, 果然係名不虛傳. 食過一次, 就好想再番噚味, 佢哋不單係價廉物美, 而且仲唔收加一添, 員工態度又親切,唔怪得每到假日如果無訂位, 想搵位就難啦!
睇住個菜牌, 真係唔知食乜好, 因為樣樣餸都好想食, 望吓隔離張枱, 擺喺到既餸真係色,香,味俱全, 睇見都流口水, 即刻行動叫餸.
於是叫咗呢6個餸:
椒鹽九肚魚: 超好食! 外面脆脆地裏面滑嘟嘟, 味道唔會太鹹, 唔怕搶咗啲魚味, 必食之選.
菜膽雞: 此乃招牌菜, 嗜雞者非食不可.肉質非常嫩滑, 烹調手法恰到好處, 唔會過熟影響質
感.
炸大腸: 炸完之後唔會乾淨淨咁, 入口少脆, 仲有肉汁添, 點埋啲酸甜醬嚟食, 簡直是絕配.
果皮蒸烏魚: 蒸魚魚一定要新鮮, 用既配料味道要夾, 咁蒸出嚟先至好食, 呢味餸完全做得
到. 火喉控制得啱啱好, 梗梗熟, 好味到連汁都撈埋.
豉椒炒蜆: 雖然係普通既菜式, 但整得好夠鑊氣, 又有洋葱同青椒做配料, 色香味齊晒.
冬菇小棠菜: 呢個係當晚既特價菜, 話明係特價, 梗係唔會收得貴, 好就好在佢哋唔會將貨就
價, 求其煮俾啲客食, 用料十足兼好味.
連埋白飯同粥, 埋單每人都係50幾蚊, 果然抵食! 如要幫襯又係假期既話, 記得預先訂定位, 真係好爆架.
張貼