牛牛小食

營業中

休息中

呢間其實係賣緬甸菜嘅小食館，環境比較企理，亦係我成日去食嘢嘅地方，佢賣嘅食物喺香港我就未食過嘞！噚日我就去食佢最經典嘅出品－魚湯粉！呢個粉係澳門人日常都會食嘅，佢已經比正宗嘅緬甸魚湯粉用多咗配料。除咗招牌魚湯粉外，多咗魚餅同埋半隻鴨蛋，再加上炸豆餅同埋呈黑色嘅芭蕉芯！湯底係用整熟咗嘅魚拆肉再餚成湯羹，味道十分濃郁；河粉就非常幼滑，幼到有啲似金邊粉；魚餅同鴨蛋嘅味道都唔錯，我成日都食到碗底朝天架！部份餐仲有飲品送真係幾抵食，我今日就揀咗夏枯草嘞，清吓熱氣！