影片
更多
2017-08-10
290 瀏覽
澳門人都識嘅手工麵包店 Cafe Free ，聽講平靚正，所以早排同日本朋友去澳門都揀佐其中一站黎呢度！入到去見到好多包都好正咁，選擇繁多!揀佐呢個 肉鬆墨魚堡($17)，勁多肉鬆夾喺墨魚包度，外層有芝士烘面，好吸引。麵包嘅墨魚味唔算突出，但啖啖肉鬆勁正，甜甜辣辣咁，口感好豐富，同埋麵包完全唔係空氣包，食落好實淨，一問原來呢度所有麵包都係用自家培植嘅天然酵母，冇額外添加，真係一間好用心嘅小店。特濃奶露包有d似香港嘅麥上日光，但呢度大大個先$13，性價比好高。味道方面，奶香十足，鬆軟又有彈性， 毫不欺場。 除佐麵包，西餅都好高質，重點係價錢好抵食！好多個樣都好得意，我揀佐minion「微笑黃仔」（$19），以為係香蕉味，估唔到係芒果味！入面係芒果mousse加朱古力脆底，芒果部分酸酸甜甜，味道清新，香脆嘅朱古力底仲令口感更有層次。 「一脆傾心」（$25）都唔錯，入面層次分明，面頭朱古力mousse，中間蛋糕，最底層都係朱古力脆底，食落口感都幾豐富。 樽仔奶茶（$10）好滑，奶同茶都幾平衡，不過我個人就偏好茶味再重多少少， 但$10真係算係咁，上次喺大三巴附近買佐杯普普通通嘅飲品都十幾二十
入到去見到好多包都好正咁，選擇繁多!
揀佐呢個 肉鬆墨魚堡($17)，勁多肉鬆夾喺墨魚包度，外層有芝士烘面，好吸引。麵包嘅墨魚味唔算突出，但啖啖肉鬆勁正，甜甜辣辣咁，口感好豐富，同埋麵包完全唔係空氣包，食落好實淨，一問原來呢度所有麵包都係用自家培植嘅天然酵母，冇額外添加，真係一間好用心嘅小店。
特濃奶露包有d似香港嘅麥上日光，但呢度大大個先$13，性價比好高。味道方面，奶香十足，鬆軟又有彈性， 毫不欺場。
除佐麵包，西餅都好高質，重點係價錢好抵食！好多個樣都好得意，我揀佐minion「微笑黃仔」（$19），以為係香蕉味，估唔到係芒果味！入面係芒果mousse加朱古力脆底，芒果部分酸酸甜甜，味道清新，香脆嘅朱古力底仲令口感更有層次。
「一脆傾心」（$25）都唔錯，入面層次分明，面頭朱古力mousse，中間蛋糕，最底層都係朱古力脆底，食落口感都幾豐富。
樽仔奶茶（$10）好滑，奶同茶都幾平衡，不過我個人就偏好茶味再重多少少， 但$10真係算係咁，上次喺大三巴附近買佐杯普普通通嘅飲品都十幾二十蚊。至於樽仔豆奶（$9）同行友人話淡佐d，但我反而好鍾意，因為我試過自己homemade，冇咩落糖想健康d就係呢個味！簡簡單單飲到個豆香，好難得😋
張貼
