黃枝記

營業中

休息中

我有一個習慣，就係好鍾意去研究食店嘅毯檯紙。對於一啲寫得動聽嘅，我會加倍留意。呢啲毯檯紙上嘅文章，通常會講到自己嘅嘢食幾乎天上有、地下無，作為一個食客，我當然要試其真偽，好嘅固然要傳揚開去，與所寫不乎嘅更加要大肆評擊。呢間「黃枝記」，老舖响十月初五街，我幫襯嘅係議事亭前地嘅分店。我响佢地嘅毯檯紙睇到一段寫得好正嘅文字嚟形容佢地嘅竹昇麵，「…幻如絲、滑如脂、爽中帶筋…」。講到咁勁，緊係要試一試啦，我於是叫咗碗水餃牛腩麵。 冇幾耐碗麵就嚟到，先試一試水餃，味道較淡，好普通，無乜特別；再試吓佢啲牛腩，所選嘅並唔係爽腩，而且火喉唔對勁，令牛腩纖維於煮嘅初期收縮得太快，攪到肉質好韌，又鞋口。食到呢度心已先涼咗半截，對佢嘅麵期望大減。終於食第一駐麵，果然如毯檯紙所講一樣……都冇，麵條唔係話特別幻，麵質卻鞋烚烚，又唔彈牙，一咬就斷。水準同毯檯紙所講簡直相距十萬八千里。講係冇用嘅，唔該啲食店下次攞啲實力出嚟，咁就功德無量喇！ 例牌都要講吓碗麵嘅價錢，承惠二十一大元。要食好味嘅竹昇麵，唔駛去到澳門咁遠嘅，响香港就有「佳記」喇。