漢記咖啡

營業中

休息中

漢記位處偏僻嘅廢置船廠，一路行入去一路懷疑自己有無行錯路。由碼頭行入去大約10分鐘，沿路都無乜人，但一去到門口就見到人山人海。人太多而且唔憂做，所以完全係無服務。見到有空位就坐，坐咗10分鐘都無人執枱落單，忍唔住想去廚房落單，但又叫我坐翻低等下。眼見隔離d人等食物都等到個樣呆晒，我都知呢到係慢活體驗。坐多8分鐘，終於有人埋嚟，專程入嚟飲手打咖啡，叫咗一凍一熱。等了又等，10分鐘後，有咖啡飲了。飲落去發現奶泡綿密，真係估唔到咁好飲！平時非常普通嘅即溶咖啡多咗層奶泡之後完全昇華咗另一個層次！凍咖啡其實都做到同樣效果，但千其唔好搞均佢，一搞之後又變成普通茶餐廳凍咖啡，酸酸的。服務環境欠奉，唔趕時間又或者喺附近食開葡撻都可以過嚟試下。