貝隆 (已結業)

呢度係我去過最靚最抵最好嘅bar! 到目前為止我去過咁多地方呢度嘅happy hour is #1 of my list! 如果你鍾意飲酒，而且飲得，來澳門一定要嚟呢度，仲要係weekend嚟! 因為呢度weekend sunset hour只需要$248 for unlimited free flow and unlimited tapas tray! 星期一至四價錢平啲$198但係食物唔係unlimited. 係五星級酒店頂樓呢個環境同質素真係抵到冇得再抵! 平時喺酒店飲杯野閑閑哋都百幾二百，呢度你飲幾多杯都得! 再講食物，唔好以為任食就普普通通，成個tapas tray每一件食物都好好味完全食得出係精心炮製。佢哋嘅串燒仲好味過喺泰國餐廳食嘅，而且其他鹹點好特別超好食! 真係唔好錯過! 我第一日去完其實已經book咗第二日再去，但係前一晚飲得實在太醉所以最後取消咗好可惜！希望可以快啲再去澳門再嚟呢度。