影片
更多
2023-03-14
610 瀏覽
咁大個人未坐過金巴，趁放假同豬朋狼友去玩吓。Fd 喺網上搵到呢間酒吧就情意結話要試, 中午摸門釘, 夜晚轉完氹仔都係要返去試。結果証明佢係啱嘅！酒吧面積唔大, 環境唔嘈坐落好舒服, 場內顧客都唔係買醉型, 感覺幾安全。最攪笑係bartender area 有唔同形狀嘅玻璃器皿, 裝住唔同顏色嘅液體仲有個玻璃球形狀嘅提煉器物體喺度轉, 好似喺實驗室咁。打開menu, surprise! 首先佢嘅cocktail 同mocktail 都係混合咗你意想不到嘅口味, 例如爆谷味嘅椰油rum, 楓糖溝梅再溝矛台, 而且mocktail 可變為cocktail。 而啲職員都會好細心解說每款酒, 按我地喜好去推介。初試嘅幾杯都易入口又有特色, 甚至連出場架勢都俾到驚喜, 好似會著火嘅黑雲，有一舊烏龍茶味嘅泡沫等等, 好正！另外仲點咗啲食物, 又係賣相滿分, 味道爆燈！點咗一碟fish and chips 原來係薯仔絲包住鱈魚, 外脆內滑嫩, 正！薯蓉烤八爪魚, 個薯蓉十分出色牛油味香濃, 八爪魚質感啱啱好！仲點咗一份辣肉腸菠菜蝴蝶粉鋪滿芝士絲又係100分！之後同老闆傾計原來飲品同食物都出自佢手, 仲
Fd 喺網上搵到呢間酒吧就情意結話要試, 中午摸門釘, 夜晚轉完氹仔都係要返去試。結果証明佢係啱嘅！
酒吧面積唔大, 環境唔嘈坐落好舒服, 場內顧客都唔係買醉型, 感覺幾安全。最攪笑係bartender area 有唔同形狀嘅玻璃器皿, 裝住唔同顏色嘅液體仲有個玻璃球形狀嘅提煉器物體喺度轉, 好似喺實驗室咁。
打開menu, surprise! 首先佢嘅cocktail 同mocktail 都係混合咗你意想不到嘅口味, 例如爆谷味嘅椰油rum, 楓糖溝梅再溝矛台, 而且mocktail 可變為cocktail。 而啲職員都會好細心解說每款酒, 按我地喜好去推介。初試嘅幾杯都易入口又有特色, 甚至連出場架勢都俾到驚喜, 好似會著火嘅黑雲，有一舊烏龍茶味嘅泡沫等等, 好正！
另外仲點咗啲食物, 又係賣相滿分, 味道爆燈！點咗一碟fish and chips 原來係薯仔絲包住鱈魚, 外脆內滑嫩, 正！薯蓉烤八爪魚, 個薯蓉十分出色牛油味香濃, 八爪魚質感啱啱好！仲點咗一份辣肉腸菠菜蝴蝶粉鋪滿芝士絲又係100分！
之後同老闆傾計原來飲品同食物都出自佢手, 仲話可以按我地口味DIY 飲品, 於是再點咗杯Good Morming Healer (有淡淡Espesso 味) 同埋特調混合咗檸檬馬鞭草同黃皮的cocktail, 真係有木嘅清香, 飲落又有fresh fresh 唱黃皮味, 好掂！We name it Wolf Bigbi Zoo
總括而言這一站真係金巴之旅的亮點, 同老板傾完會發現佢對經營這店充滿熱誠（食落飲落亦會feel到）而且主意唔少會陸續開發, 絕對係鍾意飲返一兩杯嘅愛好者尋寶好去處！
張貼
