影片
港鐵土瓜灣站A出口, 步行約4分鐘
繼續閱讀
電話號碼
23335995
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
招牌菜
5月31日，眼科， 新舊同事，羅漢請觀音，在呢間有38年歷史，將龍蝦價錢大眾化，打入平民百姓家，令到普羅市民，上酒楼食龍虾風氣嘅酒楼，為萬歲玲姐，擺生日宴，今餐揾食肥華，選擇咗食此店嘅，慶祝開業38週年，漢寶龍情盛宴。此圍酒席，可以講喺超值，每款菜餚味道評分，肥華都俾A級嘅評分，加上有廳房及麻雀供客使用，服務顧客個位，女侍應又提供到，優質報務態度俾顧客，價錢又貨真價實，所以令到今晚，到賀同事都非常滿意，在此肥華， 代表各同事，祝萬歲玲姐，生日快樂，身體健康，工作愉快🎉🎊🎂👍👍👍
繼續閱讀
長輩揾食飯，長輩好小食啲「古靈精怪」餐，不如傳統啲約佢食返啲酒樓，佢話想食龍蝦，咁記得n年前啲廣告乜乜大皇，好耐無去過，一於揀佢試試。依家啲食肆由其係酒樓，真係好難生存，難得佢仲屹立倒，都真係有佢哋生存之道。揀咗個上湯焗龍蝦（伊麵加$60）配蒸龍躉骨腩～呢set嘢龍蝦得二個做法，一係上湯焗，一係蒜蓉開邊蒸，其實二款都唔係好合我杯茶，夾硬上湯焗，唉～出嚟嘅味道真係嘛嘛，上湯焗真係唔夾龍蝦味，龍蝦又煮得過咗火，口感無咗爽嘅口感，而係太實，不過份量很夠。蒸龍躉骨腩，正正常常，但食骨腩唔係個個人都啱食，下次都係正正常常蒸條魚。馬拉盞通菜同埋乳鴿，馬拉盞通菜炒得唔錯，聽到馬拉盞一定會同泰菜比下去，覺得佢哋炒得唔錯，唔辣，味道夠之餘帶啲微甜～不俗。乳鴿唔洗講啦，依家飲茶隨時都係三幾拾一隻，二個人，如果叫半隻雞，好似會有啲過份，叫乳鴿當係打麻雀蹬腳咁，有啲肉咁嘅意思，唔太咸我已經收貨。二個人，加埋一，$680，不過不失，話晒都有龍蝦同「魚」，唯獨是龍蝦選擇煮法太小，多啲選法咪好啲囉，唔洗浪費咗隻龍蝦。
繼續閱讀
永遠唔會再去，本人與家人一共7大人1小童晚上於土瓜灣漢寶酒樓晚餐，於安排坐位後本人研究貴酒樓餐牌，貴酒家當日供應特選餐單8選1優惠，由於有疑問，我便向每侍應招手，當時一位身穿白色工衣負責海鮮的人向我行埋嚟問我有咩需要幫助，我便問他8選一優惠是否八人都只可以選一款，他向我表示只可選一款，隨後我便問他，如果我想食龍蝦，這個是$16.8一兩嗎？他即時回答我是，隨後再向我表示如果我需要$16.8享用龍蝦，我便不能選購8選一優惠如果我需要享用8選一優惠，龍蝦便需要正價$18.8一兩，我立即計算，因為我想要兩斤半的龍蝦即是一斤貴$32 ，如果我要食龍躉兩味，原價是$268特價是$168，這是便宜了$100 ，但如果我正叫$18.8的龍蝦，我要兩斤半都不過$100 ，所以我當刻同佢講咁我龍蝦要正價，而8選一優惠我要了龍躉兩味，其後我再點了其他餸，當晚所有餸都是偏涼的，就像是全部都煮好，放進微波爐再拿出來的感覺，而大班兩味的其中一味還是未煮熟，我們都沒有投訴或供給意見，當晚消費$1969，本人於簽賬後發現單據出現錯誤，所以向收銀的那位女士說，收銀的那位女士向我說：龍蝦及八選一優惠不能同時享用，我向他說白色衫那位海鮮部部長不是這樣向我講，我再跟那位女士說：白色衫那位海鮮部部長是根據我以上形容嘅說法，收銀那位女士堅持龍蝦及八選一優惠不能同時享用，最後酒樓部長過來查詢發生什麼事，我再向酒樓部長說一次白色衫那位海鮮部長是這樣跟我說的，收銀那位女士說白色衫那位海鮮部長已經下班，當時是晚上九時左右，我跟酒樓部長說你打電話跟他確認，最後我返回座位，經酒樓部長與白色衫那位海鮮部長確認後，應該係口誤問題，我向他說我們這裏八個人都聽到同一番說話，隨後我的家人再向部長說一次，當時我哋跟白色衫那位海鮮部長的對話，酒樓部長說：大家可能誤會，我便向酒樓部長說如果我要用$268大班兩味，為何不叫清蒸一條沙巴龍躉，為何要叫死嘅魚，酒樓部長堅持不肯退回$100 ，轉身便返回自己嘅枱繼續和酒樓員工晚膳。我希望你哋酒樓可以正視一下酒樓嘅問題，$100唔係什麼大數目，我當日8個人消費咗差不多$2000 ，問題出在員工身上，酒樓是不是有責任去解釋菜單，而不是因為口誤要令客人承受負擔，一句對唔住都沒有，收銀女士講的每一句說話沒有正視客人眼睛，回答狂妄，酒樓部長九時之前已經坐在酒樓當眼處與其他員工一齊晚膳，而沒有為員工錯誤口述承受責任。
繼續閱讀
各位食友，講真，今次去漢寶食茶，真係有啲出乎我意料嘅驚喜喎🤤！烧贊系列啲烧卖，真係爽口得嚟彈牙，潮州粉果也係粉嫩滑溜，一啖齊心係好過癮。至於馬拉糕，蒸得啱啱好，每逢特價時我都必須點一份✌️。馮爪比起其他地方，賣相潔白，骨吱吱鬆，又有微微嘅麻香，一啖一啖真係好過癮。跟住嚟個南乳醬豬手，肥瘦相間，猪手皮膠質豐富，啖啖肉，口感零售嫩滑。🥢而家啲餐廳少左咁嘅平民價格，但漢寶真係保持到。地方又大又舒服，裝修古色古香，唔使太嘈吵，坐落嚟飲杯茶嘆住啲點心，真係一個悠閒嘅下午。特別推介佢哋個燒鵝，皮脆肉嫩同嗰個咕嚕肉，真係岩哂愛食肉嘅朋友！喺呢度飲茶，你可以真正放鬆，又唔洗擔心荷包大失血。下次想飲茶，記得嚟間漢寶，保證你食得開心又滿足😋！咁好滋味，我下次一定仲會再黎！
繼續閱讀
18/12/2023來做冬，點了情嚐聚晚飯全包宴-供8位餐。閒日都差不多滿，好彩朋友一早訂咗位。自剪皇子乳豬（一隻），熱辣辣，皮很脆，自己親手剪，原來都幾麻煩，又熱又大份。上湯焗珍寶蝦球伊麵，好多蝦，伊麵爽口。古法洋腩煲，太多肉，多D配菜重好。家鄉燒汁茄子，最滿意這道菜，超好味，朋友個個都讚。清蒸大沙巴龍躉高湯灼唐生菜港式片皮鴨二食涼瓜炆鴨件瑤柱蛋白炒飯，炒得很乾身，好味，但太飽啦，打包。皇母蟠桃
繼續閱讀
您可能會有興趣的...