何洪記

營業中

休息中

雲吞做到皮薄餡靚，蝦同肉比例啱啱好，而且調味好正宗。麵真係好有水準，爽口彈牙，比起我食過嘅竹升麵更好食，令我幾深刻。可惜係有少少梘水味，仍屬可以接受範圍。湯底好鮮甜，湯底係正宗大地魚湯嘅味道，甚至比一至嘅湯要濃。的確畀足料同花咗心機落去。可惜服務真係麻麻👎！其實一碗麵雲吞麵連加一接近$80唔算平。但係店員完全不好客不熱情，完全唔會主動斟茶。何洪記有唔少遊客想品嚐，遇到咁嘅服務真係體驗到本地文化！希望餐廳可以改善吓，對客人同遊客都主動d熱情d！短期內唔會再食。

食碗雲吞麵 🍜 收茶位費再收你加一服務費，（坐低斟杯茶記膠杯約250ml俾你，飲完侍應經過幾次都唔會refill俾你（何以收服務費？），碗麵🍜本身已經算收得貴（可能係因為我窮），湯清唔鮮，味淡麻油味重，雲吞標準大細，無金魚散尾，間野大把位（數過4成滿都無，有+-十張吉枱），仲要夾硬夾個內地男仔黎搭枱😥， 一碗算細既「大」蓉+杯淡而無味既茶，承惠$80.3

不滿 1:  乾炒牛河...入門處和他們網站有大張照片，展示含適量的牛肉片。 我們的牛河正好有6小片肉。 ……我們有 6 個人, 每人有1小片！?不滿 2:  揚州炒飯。 傳統材料 蝦、义燒、炒蛋花、蔥絲……我們的炒飯沒有肉，沒有炒蛋痕跡，還有3隻蝦，每隻蝦相當於香港十元硬幣大小。我們有 6 個人, 每人有半隻蝦餸一碗飯?以上項目和一些常見的點心，沒什麼非凡美味....這家族1940年開始經商。 米其林獎有可能是當時授予創辦人的嗎？ 最近沒有更新?  這分店（或其管理層）應該感到尷尬，並侮辱如此悠久的聲譽

真的不得不說，米芝蓮的頭銜讓我對他的招牌期待無比。於是特地約朋友前來探食。結果⋯⋯先不論其他，出餐速度確實快，效率很高，服務態度也尚算不錯。但是價格結合份量來說性價比確實不太高，體驗一次半次就好。但是想想，在銅鑼灣，這物價水平也是可以理解的。但提到雲吞麵，香港還有不少地方有更佳的選擇。拍照看起來好像挺大份，實際上只有正常飯碗大小（小份雲吞麵），四個雲吞➕一團面，卻要48元。好吃，但可以有更好的選擇。

唔想食西餐而希慎中菜唔係好多選擇，所以就去「何洪記」米芝蓮推介喎！✨🥢羊城荔灣艇仔粥$68: 粥底都幾杰無粥水分離，不過不失✨🥢白灼雙拼(豬潤、豬肚)：豬潤、豬肚都夠爽✨🥢干炒牛河$108: 好多人推介話好好食一定要點，我唔係話唔好食，但比我預期無咁有鍋氣，仲有點油膩✨🥢豉椒炒牛肉$126: 呢味一上檯大家都嘩嘩聲，唔係因為靚，係因為真真係好細碟，一個小飯碗份量，不論份量或味道都不值這價錢😠✨🥢酥炸蜆蚧鯪魚球四粒$52: 這味是唯一我覺得好食值得嘅餸，鯪魚球熱辣辣，還有淡淡陳皮味，點埋蜆蚧一起食，和味👍🏻米芝蓮嘅家持究竟係好定唔好呢？我唔覺得值得囉。待應服務態度反而接受到，我哋坐卡位吹水好舒服，食完無催我哋埋單，只是不停問仲有咩需要，咁自己識做結帳吧。

呢排好多人病，同朋友都有啲消化不良想食清啲，就去左希慎廣場嘅何洪記試下😏✨招牌牛腩撈麵牛腩入味，幼麵彈牙，配幾條嫩菜心，份量都唔少✨北菇滑雞粥粥底綿滑，不過就唔係生滾粥咁濃雞味，雞件都滑，配香菇同薑絲係想像able地match✨菜苗餃4粒，感覺係多菜蝦餃😎蝦彈牙爽口，但整體就唔算太突出✨炸鯪魚球上枱夠熱，表面都香口，魚味濃，個人比較中意呢個😌埋單連茶錢$332👌 隔離基本上都係遊客，打個卡快食走😂 如果同朋友想坐得舒服啲，呢間係ok，不過以性價比嚟講都有其他選擇🙂📍 何洪記 (銅鑼灣)銅鑼灣軒尼詩道500號希慎廣場12樓1204-1205號舖

講真，食喺何洪記嘅雲吞麵同乾炒牛河，真係讓我回味無窮 🤤。呢碗雲吞麵，啲麵條食落去真係爽口得嚟又彈牙，個個雲吞咬落鮮嫩嘅蝦肉，同埋滿滿嘅肉香我真係食到停唔到口。湯底清甜不膩，幾口落肚，已經覺得今日啖啖正！乾炒牛河就更加勁爆啦，河粉滑溜溜黐住欖菊籽油嘅香味，啲牛肉條條分明，細嚼中有肉汁飄香，一句「鑊氣十足」真係岩哂形容。而家講起另一焦點嘢--xo醬煎腸粉，好滑，呢個煎腸粉，忍唔住要再加一句：“夠曬味”！😋 Xo醬將佢嘅鮮味提升咗唔知幾多倍，煎得啱啱好，既金黃外皮又唔會煎硬咗，軟熟得嚟有咬口，一於係絕配。😍 大家下次想食地道港式美食，記得嚟何洪記攞一份吖！

何洪記拎咗好多年嘅米芝蓮推介，味道上應該有返咁上下水準。之前食過幾次都係食雲吞麵覺得味道唔錯，直到有一次唔係咁舒服，去咗嗰度食碗粥嘅時候發覺原來粥先係最好食🤣😋咸瘦肉粥佢哋嘅粥煲得好綿滑，唔會太多水或者太多米，啱啱好～撈埋啲鹹瘦肉，帶出咗個鹹香。瘦肉亦都唔會好乾，係我喺香港食過最好食嘅食粥地方🥹乾炒牛河炒得多乾身嘅，但係偏油咗少少，味道方面不過不失同出邊嘅差唔多～菜心冇乜特別，純粹嗰時咁啱想食碟菜，所以就叫左🤣係貴嘅差唔多$100一碟，大家如果要食菜建議都係喺屋企食好啲🤣我會話總括嚟講水準係OK嘅，但係價錢都係偏貴，最值得食既係粥，其他嘅話就自行決定啦

係呀，我又去食雲吞麵，不過今次不是一個人，而是兩個人諗住食飽去開工。在希慎廣場10-13樓幾層有不同的食肆選擇，開工之前沒有太輕鬆的心情去享受一餐，反而食碗雲吞麵簡簡單單更輕鬆。何洪記這老字號，我由銅鑼灣街鋪吃到現在希慎靚靚商場樓上鋪，味道靠得住，當然是食飽去開工的首選。當我話「簡簡單單」食一餐，千祈不要相信我，我行得入何洪記，又點會只叫一碗雲吞麵呢😆 大雲吞麵一碗，肉丸粥一碗，白灼腰潤腸，蝦餃，鮮竹卷，油炸鬼！回想以前吃街鋪雲吞麵檔，不離主打的雲吞或水餃麵，加碟油菜已經是一餐。早年我幫襯的何洪記街鋪除了雲吞麵，已經有其他粉麵飯，我還吃牛肉的年代，經常去何洪記吃乾炒牛河，非常好味夠鑊氣。近年在商場上樓了，餐牌選擇也多了，還有我最喜歡的幾樣點心，與其說是「去吃雲吞麵」，其實更應該說是「去飲茶但有老字號雲吞麵吃」，成件事聽落精彩得多，但又不失傳統老字號的招牌，完全是我的口胃。

何洪記 銅鑼灣 香港 米芝蓮🌟2010年舊店首次奪得米芝蓮🌟榮譽，其後因搬遷關係，在2015年希慎廣場新店重獲米芝蓮🌟蟬聯至今，可以說首間香港粥麵店獲得多次榮譽。 何洪記由1946年以雲吞麵及粥品創業起家至今，是一間香港老字號的食店，其何洪記三寶（乾炒牛河、雲吞麵、及第粥）亦深得外國客人歡心。 作為香港人雲吞麵、粥品、乾炒牛河及點心由小童年代到大人年代經常品嘗，所以好難晌呢幾款食品搵到太多驚艷之處，審視味道亦會較為苛刻，不過講真何洪記無論味道同價錢都算係合理範圍。 服方面有少許短板，唔算係無禮貌，但可以再改善，上菜方面不要🙅一次上太多，有需要可以連蒸籠蓋一起放上防治客人食唔切點心太快變冷。粥品麵食可以主動提供多一隻湯匙，爭取較為貼心的服務。 正斗生腸及第粥：這個粥綿綿、滑滑、食落又有少少鮮甜，非常對胃口。材料亦唔少，有豬肚三片、豬肉丸兩粒、生腸兩片、豬潤兩片，沒有任何豬腥味。豬潤非常精粹煮到剛剛熟唔老，保持嫰口，平時唔多喜歡食佢的我都忍不住吃清光。 ，正斗鮮蝦淨雲吞：沒有選擇，淨雲吞就是細粒😩明明雲吞麵有粒的雲吞。蝦肉爽口比例還比豬肉多。湯底有大地魚及蝦籽淆製。

同朋友行完誠品上12樓搵嘢食，個friend話想清清哋食粥麵於是去咗何洪記，感覺幾特別。接待員安排咗近門口嘅卡位位置，好鬼靚，tiffany blue色嘅梳化，有盞小小吊燈，勁襯港女下午茶。呢個位幾好，好似自成一角，唔會嘈可以傾下計。鮮蝦雲吞麵果然係粥麵專家，麵質彈牙，湯鮮甜忍唔住成碗飲晒。雲吞剛好一啖一粒，蝦同肉嘅比例都啱啱好，我勁自私食晒啲雲吞留返晒啲麵畀個Friend哈哈。乾炒牛河開頭都怕肥膩，但聽講就連蔡瀾都推介，咁就試下啦。真係好驚喜，一啲都唔油，食得出夠鑊氣，同埋炒得好勻，唔會有啲咸有啲無味咁。牛肉明顯新鮮，唔係嗰啲腌到變味嗰種。XO醬煎腸粉值得推介，少辣惹味，腸粉唔係厚皮嗰種，最出色係個豉油，一倒出嚟已經好香，食落唔係咸，係鮮味，可惜豉油無得散買，如果唔係都想買返枝~

同朋友喺希慎行完誠品搵嘢食，於是上咗十二樓食何洪記。入到餐廳嚇一跳，咩事裝修得咁鬼靚，一啲都唔似粥麵舖，坐出面嗰排卡位勁似港女下午茶嗰啲feel，tiffany blue梳化再加小小吊燈，不得了。去何洪記一定要食雲吞麵，碗麵熱辣辣好鬼過癮，食到殊殊聲。麵好彈牙，雲吞好得，湯底鮮甜，我成碗飲晒，飲完唔覺口渴。另一個一定要試嘅係乾炒牛河，聽講連蔡瀾都讚好。試完覺得好有鑊氣，每條河粉都炒得好均勻，最緊要係唔油膩，你知啦，乾炒牛河同油係掛勾架，但何洪記嗰碟我又唔覺油喎，最起碼隻碟食完係唔油呀。最後唔夠飽叫多個xo醬煎腸粉。頂呀，係我食過最出色嘅煎腸粉！少辣好惹味，個醬油好香，腸粉唔係嗰啲硬到可以打人嗰種，煙煙un un，好可惜個醬油無得另外買，如果唔係都想買返枝。

今日叫咗外賣， 送到嚟嘅時候嚇咗我一跳 炸醬麵 70蚊 連半個飯碗都冇 基本上一啖 咁多。 我平時撞食冇咁少， 真係以後都唔敢叫佢啲外賣。 之前堂食 冇咁細碗 擺明 因為外賣所以搵笨。

晚上8點到機場，reception 態度很差！🤮叫到我號碼比飛佢但一眼不看，以為佢忙緊就再等等，但過幾秒佢再叫下一個。我先再比飛佢，佢：下！過左啦喎，再等過！（黑人問號）明明一直企佢前面遞飛比佢。🫠🫠🫠一坐低飲茶，個杯仲有陣咸味（大嘔）無人斟過茶仲收茶錢。傳菜的也不好禮貌🫠🫠一聲不吭一野飛啲麵過黎。。。叫左正斗水餃麵，雲吞撈麵，2樣都好難食！麵好硬，雲吞好難食🤮🤮超市買即蒸的都比佢好🫠總分：0分

啲咖喱汁超級稀睇影出嚟嗰幅相就知道望落去一啲都唔吸引牛腩雖然幾嫩但係一啲都唔入味同佢賣廣告上面個圖完全係圖文不符好在我哋都嗌咗碗雲吞麵如果唔係嘅話我可以話佢啲咖喱牛腩係非常之唔好食大快活都好食過佢多多聲佢哋提供嘅辣椒醬有啲太鹹食得多有機會腎虧搞唔掂同埋一開始我哋兩隻碗望落去雖然乾淨，但係仔細睇有勁多油好彩服務態度都算好同佢講聲之後即刻換返兩隻乾淨啲嘅碗俾我哋同埋加茶嘅頻率都高唔使特別叫佢幫我哋加茶