辣得過癮

營業中

休息中

元朗谷友介紹咗間新薄餅店，行過朗屏天橋又見佢派傳單，是日朋友過嚟屋企打機，便叫個外賣啦，一於就試下呢間新開嘅辣得過癮😋小店雖然係新開，但已經好受歡迎，淨係企喺門口望一陣都已經有兩三個人入去落order，去到自己落單嘅時候，見佢外賣單響個不停，認真犀利👍落完order週圍行下，大概20分鐘左右返返嚟，見自己嘅食物已經ready，擺咗喺長枱等店員包起就拎得喇，趁呢個時候影定張相先😆影相時已經搵到好香，拿拿林返屋企即刻開餐，返到去都仲係熱辣辣㗎😘⭐雙層牛肉漢堡 Double beef burger本身諗住叫薄餅，但朋友話想食漢堡包，最後叫咗兩份雙層牛肉漢堡套餐，個雙層牛肉漢堡真係厚過連鎖快餐店多多聲，拎上手勁重手，呢度係主打清真食品嘅，可以肯定塊漢堡肉係100%牛肉😋仲包咗生菜、蕃茄、芝士、酸青瓜同洋蔥，醬汁就係千島醬、茄汁同芥末，入口酸甜香味十足，勁好食，淨係一個包其實都飽咗😆不過美中不足快漢堡扒有少少筋，扣分😂⭐炸薯條 Fried potato chips餐牌寫跟餐係薯角，但其實係炸薯條黎，仲好啦，我自己鍾意薯條多個薯角。新鮮炸起好香脆，落咗黑胡椒同辣椒粉，香口惹味。唔好睇佢個包裝細細包

好耐無食ʜᴀʟᴀʟ ꜰᴏᴏᴅ了，呢樣野真係令人又愛又恨🤣 咁近西鐵站又可以放工嗰陣時嗌外賣返屋企食，無唔嗌嘅理由～ 而且呢間舖頭係香港人做老闆娘，全部嘢都係一手一腳自己整，超有心🫶🏻1️⃣ ʙʙǫ ꜰᴏᴏᴅ🍖呢度嘅串燒都唔少㗎，我就試咗雞肉串、羊肉串、燒雞翼、燒羊架、燒雞髀…… 如果想爽口啲嘅話，佢哋嘅雞腎串紅豬軟骨串都好正㗎😛咁多款入邊最欣賞嘅就係雞髀同羊架🤤因為大大件之餘，味道亦都好濃郁🥰2️⃣ 炸雞鎚🍗唔講真係會以為係普通野🫣 唔講都唔知原來呢個雞鎚係老闆娘經過多次嘅改良，先整到呢個咁靚嘅皮😍 外層嘅皮極脆，食落去仲有啲啲辣，唔食就走寶啦🤤3️⃣ 咖喱薯仔免治牛肉🥔食呢個一定要配埋ɴᴀᴀɴ ʙʀᴇᴀᴅ，將免治牛肉放喺煙煙韌韌嘅ɴᴀᴀɴ ʙʀᴇᴀᴅ上面🫓，先係最夾😛 免治牛肉嘅份量好多，唔使怕唔夠食🫣 薯仔就有四件，食落好爽口😚4️⃣ 咖喱角沙律🥗呀呢個係最多人嘅嘢食之一‼️ 除咗有咖喱角之外，呢個係有一大碗沙律㗎✨ 而家天氣熱熱地嗰陣時食，用嚟開胃就啱哂啦💯

🌶呢日同豬生去朋友度玩, 去之前我哋係朗屏站附近見到呢間新開嘅外賣店, 就順便買埋lunch上去😉 佢雖然係寫住賣清真食物, 但啲款式都幾多元化, 串燒, 薄餅, 漢堡, 炸物都有! 我哋揀咗chicken tikka pizza嘅厚批, 上面加咗蕃茄醬, 雞胸, 芝士, 洋蔥同香草! 即嗌即製作, 超有誠意! 仲要食落好好味😋 餅底夠煙韌~ 然後仲有唔少串燒, 包括雞肉串, 牛肉串, 羊肉串, 燒雞翼同原條燒茄子! 最愛燒茄子, 加咗好多蒜蓉同蔥, 勁爆香口! 燒肉同樣好正, 佢唔會燒到好乾好硬, 易入口, 好岩買番屋企同朋友啤啤佢🍻 最後都揀咗款菠菜雞肉配Naan bread, 將菠菜雞肉放上煙韌嘅薄餅上好夾, 超有份量的🥹🤤.外賣店依家仲做緊giveaway, 只要like & follow店舖, 即送一串雞肉串燒啊😲😱 正到暈!!!.#hkig #hkfoodie #foodporn #foodphotography #likesforlike #instalike #followforfollowback #yuenlong #halal #halalfood ##naanb

過朗屏站，想買外賣番屋企慢慢歎，見到間由香港人主理既清真菜，見到有唔同款式既食物可以叫，俾香味吸引下決定試一試。煙三文魚薄餅算係老闆娘新研發既新產品，每一塊都均勻鋪滿煙三文魚，即落單即放入烤爐，食落芝士可以拉到絲，餅皮煙韌有口感。魚柳漢堡魚柳係老闆娘親自製作，有別坊間直接用買番黎既魚柳，魚柳厚實但鬆軟，肉質鮮嫩，有濃郁既魚香味，炸皮厚厚剛剛好，配搭芝士和生菜食用。炸雞鎚雞鎚的炸皮非常有咬口，由粟米片似的東西包裹，非常脆口。咖喱角沙律這個沙拉是傳統的Halal 食物，運用了酸辣的醬汁，完全浸過了生洋蔥，生菜，鷹咀豆及咖哩角，咖哩角偏辣。沙拉如果配上白飯或薄餅，味道一樣不錯。薯條薯條粗度適中，灑上黑椒粉，可以自行加配茄汁。芒果乳酪特飲

📍# 辣得過癮🍔燒牛肉pizza (9吋 厚批) $75首先呢個厚批唔係厚到硬掘掘嘅，好鬆軟嘅批底，餡料都好豐富，有洋蔥青椒牛肉芝士等等，可能有青椒辣椒，令到成個Pizza好惹味好好食🫶🏻九吋嚟講呢個價錢真係好抵食😲🍕牛肉漢堡配炸薯條及汽水 $$60漢堡好大個，因為牛肉漢堡嘅都好厚身，食落都好Juicy，佢個醬汁就相對偏中東味道，唔係平時美式漢堡嘅醬汁，配搭都幾特別㗎👍🏻🍢串燒 (羊肉$18、牛柳$18、雞肉$16)舖頭入面有一個爐係專烤串燒嘅，今次叫咗三款肉類，羊肉同牛柳我認為最最好食，唔會燒得好乾同埋調味料比較濃，啱晒我哋重口味同埋配啤酒食👏🏻下次可以試埋佢嘅燒茄子🍆！——————————————- 📍 辣得過癮🏠元朗媽橫路7號富來商場地下20號舖#hkfoodstep#hkfoodstep元朗#hkfoodstep多國菜 #hkfood #hkfoodie #hkcouple#元朗美食

芝士薄餅($65/9”) + 魚柳漢堡包($38) + 炸雞漢堡包($35) + 脆炸雞粒($25/150G) + 脆炸雞鎚($25/3件) + 羊肉串燒($18) + 雞肉串燒($16) + 蒜蓉燒茄子($38) ★－:+:－:+:－:+:－:+:－:+:－:+:－:+:－:+:—★​朗屏站樓下開咗間小店，標榜賣清真食品，清真指係符合伊斯蘭教規條可食用食物，假如家中有屋企人/工人姐姐有特別信仰都食得👍🏻價位經濟，女闆娘親切非常nice💚漢堡包比預期中大個，試吓一啖咬唔咬得哂成個包，有啲難度🤣炸雞外皮超級脆，一啲都唔油炸魚柳係一大塊厚肉嘅Cod Fillet，炸得好好，好食，可另加$15配薯條同汽水薄餅揀咗厚批，芝士夠多夠晒香🍕炸雞鎚同雞粒卜卜脆，送啤酒汽水一流😎串燒即叫即燒，配香辣孜然粉勁香，雞肉串未算好滑但夠晒厚肉大串，羊肉串掂👍🏻燒得勁香脆！鋪滿蒜蓉加孜然粉，一絲絲拉起嚟食舔舔脷😋

呢間餐廳位於朗屏站下面行1分鐘就到既路程，職員好友善，我地叫左一份炸咖哩角入面包左薯仔同埋免治牛肉少少辣外皮即叫即炸超級大件同脆卜卜好香口，平時食果d好細件，呢個真係好抵食仲配有秘制醬汁。 Pizza叫左一個職員推介比較特別既用左穆斯林國家出產既辣肉腸，呢款辣肉腸好香濃腸仔味，咬落比平時既肉腸厚身少少辣辣地配埋香草芝士又同個pizza好夾。我地叫左牛肉串肉質好軟淋好入味，羊架燒到岩岩好支持小店店鋪細細但食品選擇多到你講得出佢就整得出甘，好似多國菜甘

喺元朗試左間外賣鋪, 有pizza burger 炸雞 印度食品, 另外鋪頭寫住 Halal food, 食清真食品嘅朋友都啱食!『牛肉漢堡』HK$45麵包有加牛油烘過, 本身包身又厚同鬆軟, 單係個包就幾好食🤗牛肉漢堡好大好厚一塊, 牛味濃🐮有蕃茄片🍅生菜🥬少許沙律醬。『炸雞扒漢堡』HK$35好味大件版麥香雞🐓個雞扒厚又juicy, 微微辣, 加上沙律菜🌱剛好!漢堡包加HK$15轉套餐有薯條加一罐汽水, 薯條一定要講講, 係粗薯條, 薯仔好夠粉, 而且超多!! 好好食🍟『美味燒雞髀』HK$20Tandoori chicken 嘅做法, 鐘意食印度嘢嘅我哋就好喜愛啦, 另外仲有個炸雞, 見有原味同藤椒味, 望落唔錯!『咖哩雞飯』HK$30同港式咖哩雞飯唔同, 冇汁乾身但好夠味🥘雞肉同飯都充滿印度咖哩味🍴見飯裡面有啲唔識嘅香料, 配上印度長身米, 非常印度嘅咖哩雞飯🍽️小總結, 性價比好高嘅一間外賣店, 想食印度口味啱哂!°°°°°°°°°°°°°°°°°°°°°°°°°°°°°°辣得過癮 @deliciouslyspicy_halalfood 📍 元朗媽橫路7號富來商場地下20號舖#Mr

喺元朗帶完亞女補習，經過見到一間新開嘅外賣店，門口個牌寫住咖喱雞飯$30，嘩！咁抵嘅！睇真啲，原來係清真菜😳，清真菜我又真係未食過喎。睇吓個menu，發現佢嘅菜式有啲似西式，店員話係融入左香港人嘅口味，所以係新一代嘅清真菜。佢話清真菜只係唔食豬肉，咁又ok 喎，同埋價錢好平，所以就買番屋企試吓，要撐吓本地小店💪🏻，如果唔食得辣，記得同店員講呀！我叫咗1個Pizza，串燒、炸雞同咖喱雞飯。Chicken Tikka Pizza 9” $70Pizza 可以揀厚批或者薄批，我就揀咗厚批，佢厚得嚟又唔會好似啲連鎖店咁厚，個批同配料都好Juicy，亞女好鍾意食。串燒 雞翼/雞肉/羊肉/牛肉 $16-$18串燒係即燒嘅，食到用咗好多唔同嘅香料去醃製，燒得剛剛好，我最鍾意就係佢嘅雞翼，又滑又多汁。脆炸雞粒 150g $25炸雞都係即炸，熱辣辣，脆卜卜。咖哩雞飯 $30呢個咖喱雞飯同平時嗰啲唔同，佢冇另外一個咖喱汁，佢用咖喱煮咗啲雞放係飯上面，飯就用咗印度長生米，另外配搭咗一包乳酪，用嚟加入咖喱雞飯食嘅，好特別啊！有食印度菜嘅感覺😍。