餃掂手工餃子雲吞專門店

我自少就喜歡吃餃子，寧願不吃飯麵；我不能說是城中最好，但最近我去得最多，就是這家以手工餃子作招牌的「餃掂手工餃子專門店」。店舖後面真正見到有員工不停在包餃子，絕對沒有欺騙，而且醬汁及飲品都是自家製造，非常有媽媽的味道。四川辣椒醬、菜脯豆豉醬、酸蘿蔔全部自家製，尤其喜歡菜脯豆豉醬的香味。酸蘿蔔酸度温和自然，醒胃之選。至尊松茸豬肉餃湯餃子（中）$80我最喜歡至尊松茸豬肉餃，唔知道是松茸或是豬肉，覺得餡料又香又軟熟，亮點更是配備的黑白松露醬，味道昇華。不止於此，狀元九鼎湯狀元湯是非常合時的去濕老火湯，粉葛、赤小豆、扁豆、兩款魚、陳皮、蜜棗及排骨，味清但香醇，完全是住家湯的口味。龍鳳松茸煎餃（黑白松露）$98另一必選龍鳳松茸煎餃，我覺得煎更加好食，不會蓋過黑白松露之香，煎至微焦火喉剛好。細心看看顏色，很容易找到黑松露餃，松露香氣特別濃。香煎軟心芝士餃 $57芝士令煎餃子內心潤澤，反點傳統，時尚口味真不錯。餡料內尚有粟米粒，所以甜甜地更滋味。自家製山楂雪梨水 $28加了甘草、麥芽及糖，酸甜味都幾濃，非常潤喉。

一餐，咁就餃掂👍🏻⋯⋯⋯⋯⋯⋯⋯⋯發現辦公地點附近有餃掂，即刻餃子控上身，入去食返個簡單late lunch🍜🥢韮菜豬肉餃上海湯麵🥛熱豆漿有六隻上湯餃子，每隻脹卜卜夠大隻，加上正宗上海麵夠軟滑，湯底清甜，late lunch嚟講已經好足夠。🥢自家製酸蘿蔔西環分店有酸蘿蔔比客人作開胃小食，酸酸甜甜，不自覺地食左10件，真心好食。另外，3-6pm 有下午茶餐供應，不過餃子/小食份量相對會少D，價錢較為相宜。

「餃掂」，非常掂👍🏻 好多間分店分佈多區，我都食過好多次，西環呢間方便我。我呢啲常客，特別鍾意個個狀元九鼎湯，特登散叫一碗，好大碗，我真係自己一個人飲哂，無味精好清甜。招牌菜「至尊松茸豬肉餃」必點。我揀咗煎餃，煎得個皮好香脆，入面餡料十足，松茸好香，再包一碗細狀元湯，老公飲，點松茸湯餃會包埋湯，抵！！另外牛肉湯餃又係每次必叫，配埋湯麵。之前冇叫過湯麵，冇諗過意外驚喜，個麵又滑又彈牙，唔洗調味都好好味，兩個人share唔夠喉，冇諗過好味到再特登叫多碗浄麵。另外佢哋自家製嘅飲品，山渣雪梨水，好潤喉解喝。

近排見都好多人推薦呢間 餃掂 ，佢地店面亦有大大個招牌話自己係「天下第一餃」，咁就不如試一試啦～招牌龍鳳餃餃子裏面係豬肉，另外加上左黑松露同埋白松露，呢款餃我就選擇左白灼，想盡量食番食材既原味味道因為加左黑白松露所以都如想像中非常香，配搭上跟餃既魚湯，就更加鮮上加鮮，絕對推薦～粟米豬肉餃 併 元貝豬肉餃粟米好香甜，呢個絕對係經典組合冇得輸～而元貝+豬肉 第一次食呢種配搭，都出乎意料地好食，元貝既鮮味同豬肉都幾夾下～

朋友話要帶我去食餃子晚餐，揀左呢間位於堅尼地城被譽為「天下第一餃」嘅「餃掂手工餃子雲吞專門店」。坐低先食佢哋自家醃製酸蘿蔔，酸酸甜甜微辣，好開胃枱上的醬料都很齊全， 醬料有菜脯辣椒醬、四川麻辣醬、鹽、醬油同醋，照顧晒唔同口味既人至尊松茸豬肉餃外皮煎得香脆、裡面滿滿既嫩豬肉和松菌香，配搭非常香！而且松茸營養價值好高韭菜湯餃 大小標準好standard 皮薄餡靚 肉汁爆出好好食最鐘意佢哋嘅韭菜餃，每次都必點的🤤同埋佢哋既招牌零味精湯 - 狀元九鼎湯一定要飲，仲要襯熱飲壽喜燒牛肉餃餃子肉汁好多，咬下去立即爆汁！味道係又香又濃嘅壽喜燒牛肉味，仲有洋蔥喺入面，好特別！山楂雪梨水酸酸甜甜，天然無添加，真材實料。

好味餃子專門店！之前喺灣仔試過呢間嘅餃子店，覺得幾好味。喺堅尼地城再幫襯多幾次，覺得佢嘅湯冇乜味精，唔錯！餃子嘅質素都保持到一貫嘅水準，又有唔同嘅口味選擇，上菜速度都幾快。枱面上仲有酸蘿蔔提供可以夾住餃子一齊食，非常推介！壽喜燒牛肉餃10隻$72- 呢款牛肉餃子比較特別，壽喜燒汁調味會重啲，偏鹹。餡料充滿肉汁，食到牛嘅味道，相比起豬肉餃，肉質會實啲。食一啖餃子，呷一啖湯，剛剛好。大白菜豬肉餃10隻$56- 大白菜普通左啲，冇乜特別。芫荽豬肉餃10隻$61- 如果鍾意食芫荽，我極力推介呢款餃子！非常重芫荽香味，餡料好飽滿，好味道！一個人食晒10隻都完全冇問題。香煎軟心芝士餃10隻$68- 我建議煎餃可以同朋友share，呢度煎得油膩咗啲，餃子皮煎得香脆，但都沾上唔少油，加上軟心芝士都比較膩。芝士味道鹹香，同普通豬肉湯餃完全唔同食法，值得一試。大滿貫素餃10隻$66- 因為素餃只有焯餃，唔會跟湯，所以轉軚試吓煎餃。素菜餡料都幾飽滿，落重麻油，比較油膩，不過口感都幾爽口。

🌟龍鳳松茸雙餃 $92🌟呢個龍鳳松茸雙餃差唔多每次都會嗌，同推介身邊鐘意松露既朋友食，好少地方會有松露做既水餃，離遠已經聞到好濃郁嘅松露味🤤蒸餃會連埋佢既皇牌老火湯，零味精，又係每次都一定要飲!🌟雙拼煎餃$69🌟✨韭菜✨芫茜食過蒸同煎既韭菜餃都係覺得韭菜餃煎先最好食，外酥內多汁，皮脆煎至剛好，好香😌🌟四川涼皮 $32🌟涼皮口感好滑捋捋，係食到底個汁醬偏咸，滅味少少會更加好了👍🏻🌟山楂雪梨水 $20🌟山楂雪梨水反而係第一次飲，平時都係飲薏米檸檬水，味道酸甜好開胃😋

開到咁多間分店既餃子專門店 相信真係好好食 今次就黎試下！點左個特別啲嘅至尊松茸豬肉餃湯餃子跟狀元九鼎湯 肉餡非常飽滿 松茸嘅味道配上豬肉 非常濃郁 真材實料！香煎軟心芝士餃 芝士控嘅最愛 芝士處於半溶嘅狀態 一定要趁熱食四川涼麵 我地揀左小辣 裏面有花生碎 青瓜絲 辣椒醬 麻醬 撈勻黎食味道非常夾 夏天食一流黃金原味皮蛋 比起普通嘅皮蛋 呢個味道比較特別 配上醋 令皮蛋味更加突出蜜餞雞翼 香香蜜糖味👍🏻蜂蜜檸檬薏米水 自家製嘅飲料 健康清新每樣野食既味道都好好 餃子款式多 亦有其他小食 價錢合理 會再幫襯！

因工作關係經過西環，上次吃過後餃掂後，今次和同事經過決定再試！晚飯時間這間餃子雲吞專門店光顧的客人不少！主打各款手工製特色餃子，灼、煎和湯三種製法為主打，加上各式涼菜小食！今次試嚐蜜餞雞翼（五件），外皮金黃，入口蜜味香濃，咬下去很多肉汁，口感嫩滑。四川涼麵份量很大碟，足夠二人份量，選了小辣，果然夠麻又不會過辣，紅油適中不會過油膩，麵身有咬感，軟硬適中煙韌又彈牙，加上青瓜絲盡掛辣汁，香氣撲鼻。招牌菜至尊松茸豬肉餃配狀元九鼎湯，豬肉餡料十足，口感嫩滑肉汁豐富，煎得金黃香脆，沾上濃郁的松茸醬提升了香味，老火湯葛味香濃，以順德活鯪魚和粉葛為主材料，湯底清香，沒有口渴感，證明沒加入味精，不錯！雙拼手工煎餃，今次選了雲耳椰菜和韭菜餃，同樣皮薄出色，夠香脆夠熱，餡料多的雲耳椰菜比例恰到好處，鎖住了肉汁，口感豐富，滿滿的韮菜豬肉很鮮嫩，多汁，加些醋後更惹味！上湯松茸時蔬，朋友保持健康想吃菜的關係，點了菜心，菜不會過淋或過硬，青翠脆綠，十分爽口，上湯松茸非常入味。配上招牌的熱豆漿，新鮮制作，淡淡的豆香不會過甜；加上凍可樂，馬上感到涼快及清爽。總括來說，小店用心製作的食物質素不錯，性價比高，店員態度友善，

呢間餃子店，食過佢九龍店，估唔到原來港島區都有分店店內裝修大同少異，被呢幅顏色鮮艷嘅餃子畫吸引住枱上有呈自家醃製嘅酸甜蘿蔔粒任食，味道甜中帶酸，蘿蔔粒爽脆，未開餐先開胃........首先出場係至尊松茸餃 ($80/8隻)，隻隻餃都幾飽滿，湯同餃係分上阿姐比埋碟至尊醬點餃食，味道微辣少咸; 咬開就食到原隻松茸，松茸味相當出，豬肉餡料相當札實，歡喜松茸嘅，呢客餃無令人失望。跟餃有埋碗狀元九鼎湯，以蛇果，生魚，淮山，無花果及豬尾骨煲，絶無味精，魚嘅鮮甜味道幾出，功效補氣健脾，飲落舒服。有D餃子係要煎先岩數，就例如芫茜餃 ($65/10隻)，煎得外皮香脆但又唔會油令令趁熱食，一咬先食到脆口外皮，之後就到芫茜香，點埋醋汁食就仲正斗。熱餃配四川涼麵 ($30)，大量花生碎灑係麵條上，加點綠色如青瓜絲及蔥粒，附上麻醬。可選擇辣度，當然試小辣先。將惹味辣汁與麵條撈均，麵條夠爽口，醬汁辣中帶少少酸味，加埋麻醬多一份芝麻香味，就咁單食都好味。加咗客回味手拍青瓜 ($25)作為小食，少少麻辣味幾惹味，清爽青瓜即時變得狂野咗。又重回下雨天，潮濕天氣個人都易攰D，飲番杯熱檸蜜薏米水 ($20)去吓濕好過飲汽水

餃子是由香濃新鮮豬肉，是愛吃的美吃，這店子爽口美味，棒～看到這店子有媽媽手工擀皮即叫即包～必試小店的煎餃採用慢烤煎法，讓底層形成鬆脆的脆皮。不少人也推薦黑白松露豬肉餃子，煎至外脆內多汁，而且充滿濃郁松露香。招牌至尊松茸豬肉餃鮮手工跟冷凍分別很大，這店子的現包水餃外皮不會變成軟爛，皮比較結實，較能抵抗糊化。龍鳳松茸雙煎餃，跟一碗狀元九鼎湯。龍鳳松茸是黑白松露，吃時層層味道～重松露味，餃子皮薄，煎得脆口，餡料足香，每次吃也會愛它。自家製山楂雪梨水山楂片, 雪梨, 甘草, 冰糖, 麥芽, 水，成個感覺非常潤口。芫茜豬肉餃香濃芫荽和新鮮嫩滑豬肉，店內供應湯底是沒味精，愛心重重，大家亦可選擇餃子湯面～棒。 新鮮製造的味道令人愛芫上茜，點可以沒有芫茜餃子，餡料加入大量芫茜，除豬肉餡料，配上有非常獨特之嚼感，箇中滋味非常有趣。棒，帶出餘韻這店子湯也很好的，厲害在用了九種材料熬製，能聞到很香的魚湯香氣。這碗湯跟街外的味精湯不可比較，非常吸引～

今晚嚟到西環呢間餃子店-餃掂, 呢度嘅至尊松茸豬肉餃(大碗$120)最吸引我，猪肉餡料唔會太肥，咬開充滿松茸獨特香氣，令人一試愛上，每次都食到停唔到口。 餃子跟嘅狀元九鼎湯，有健脾去濕作用，湯頭味道自然，很清甜。今日仲試左元貝餃(中碗$50)餃子每粒都好飽滿，餃子皮柔軟得嚟有口感，咬開元貝鮮味出眾，肉味香濃。重慶鮮肉餛飩($42)雲吞皮好軟滑，重慶酸辣湯辣得過引。唐芹拌豆筋($32)，唐芹爽甜，豆筋味道簡樸，拌上麻辣醬料惹味非常。

最近忙到不得了，連煮晚餐時間都無，去了屋企附近的一間餃子專門店，平，靚，正…..食完可快速回家繼續工作。好喜歡嚟度嘅醃蘿蔔，免費任食，非常開胃。至尊松茸豬肉湯餃餃子皮好薄，餡料十分飽滿，啖啖肉香，微微松茸的香味，增添味蕾感覺。狀元九鼎湯古法熬製，採用多種材料，粉葛，鯪魚，鰂魚，新會陳皮……味道濃厚，潤喉，好飲到停不了。酸辣雲耳爽脆雲耳，酸酸辣辣，惹味十足。薏米檸檬水夏日炎炎飲番杯薏米檸檬水去濕，效果不錯。

間唔中諗唔到食咩好就會嚟呢間餐廳度食餃子因為款式多之餘又好味必定要推介大家試呢個「菜脯豆豉醬」「野味酸辣雲耳 $25」酸酸辣辣嘅味道，開胃一流！「龍鳳松茸雙灼餃(跟湯) $92」呢個可以話係佢哋嘅招牌餃子所謂嘅龍鳳就係一邊白松露一邊黑松露一咬落去松露嘅香氣四溢再配埋狀元湯飲一齊，妙！「粟米餃 $45」香甜嘅粟米粒藏住喺餃子入邊粟米嘅營養價值高，小朋友都啱食「韭菜餃 $49」韭菜餃係我餃子排行榜頭三名之一去邊度食餃子都一定要叫韭菜餃整舊餃子外脆內軟，餡料豐滿，煎餃更能鎖住湯汁喺入面總括而言，食物水準一如既往嘅好，必定會再次光顧！

今晚好浪漫💕同老公去咗堅尼地城海旁散步加睇日落🌄睇完日落梗係要周圍睇吓有咩食，行咗去士美菲路見到一間餃子店，差唔多坐滿，老公話熱辣辣不如食餃子🥟，大約等位等咗10分鐘左右👍👍👍👍店員推介我們食至尊松茸餃（狀元九鼎湯） $86這間店舖的餃子全部都是每日用新鮮食材包製的，這樣才可以保持餃子皮的彈性，，咬落非常多汁，皮脆肉嫩，食完一隻想再食多一隻🥟🥟🥟🥟（狀元九鼎湯）是用九種材料熬製而成的，非常鮮味，有我最喜愛的濃濃粉葛味，完全沒有味精🤤🤤🤤🤤🤤龍鳳松茸雙煎餃 $98餃子裏面有很重的松茸和黑松露香味，配他們自家製的菜脯豆豉醬，增加層次感，口感煙韌😋😋😋😋黃金原味皮蛋 $28晶瑩剔透一啖一口，蛋白外層的質感似軟身啫喱，滑嘟嘟，仲有流心效果，賣相一流。檸檬薏米水 $20甜度適中，非常解渴，滿滿的檸檬味，薏米煙韌有咬口，非常適合37度的今天飲😝😝😝😝😝爽爽爽