LeeLaksa

營業中

休息中

今日🐧 特登黎到上環，試下依間都幾多朋友推薦嘅平靚正新加坡菜餐廳🥰😘 入面環境渡假風滿滿😚 滕椅、木桌、加埋一片椰樹林嘅牆景，真係風情十足🤭 今日下午茶時段黎，本身想試下佢個超有特色嘅馬來街頭椰子雪糕同埋椰青☺️ 可惜太搶手一早賣曬🥲🥲🥲 🐧 最後㨂咗同樣出色嘅半熟蛋配咖央多士下午茶餐🤭 咖央多士勁香奶油味😋 蛋香滿滿，甜而不膩👍 加埋厚厚嘅一層牛油🤩🌟 超邪惡勁馥郁😚 多士烘得薄脆口感一流👍 整體非常高質🤭 另附上嘅半熟蛋超滑超嫩，入口鮮味十足，配搭醬油食用更添滋味😋 飲品㨂咗經典必飲嘅馬來拉茶🤩 甜奶味道出眾，飲落奶香濃厚，超滑超順口👍 加上恰到好處嘅茶香味道🥰 令人回味無窮🫶 還是口痕痕，就叫多咗個甜品🥴 㨂咗個椰汁芋圓❤️ 椰汁超香椰子味，同煙煙韌韌嘅芋圓神奇地合拍😳 食落甜甜地得黎帶點芋香，十分唔錯👍 裡面仲有綠珍多條條，口感一流👍👍👍

同朋友🙆🏼‍♀️一齊諗住食個early dinner，路過呢度，見到大大隻字寫住 Laksa，朋友🙆🏼‍♀️話有興趣試吓，咁就決定入去開餐🤣入到餐廳仲未夠 6pm，原來仲有 Tea Set，咁叫咗 $62「新加坡🇸🇬喇沙 Singapore Laksa」，有幾款飲品可以選擇，揀咗「馬來拉茶 Teh Tarik」🤣「新加坡🇸🇬喇沙」：喇沙湯底幾濃郁，有啲椰汁香味😋；材料有 開邊蝦仁🍤、魚蛋、魚片頭、豆卜、芽菜 等，都算幾豐富😂；喇沙麵條似乎係米線，夠晒滑😁「馬來拉茶」幾滑，仲甜甜哋😁$150「李派海南雞（半隻）Hainanese Chicken Lee Style (Half)」：海南雞 皮黃肉白肉質幾滑，仲有星洲黑醬油，辣醬、薑蓉可以沾雞食😋$72「炒通菜（蝦頭膏/馬拉盞/參醬）Stir Fried Water Spinach (Shrimp Paste / Belacan Sauce / Sambal)」：揀咗參醬，辣辣哋幾惹味🤣；通菜新鮮幾爽脆，份量都相當多😁

【$108雙拼雞飯+濃味喇沙🍜1個午餐夠2人飽】推薦指數： 🌕🌕🌕🌖🌑*:.｡..｡.:*･*:.｡. .｡.:* ･*:.｡. .｡.:*･゜ﾟ･*📍HK #上環 - 𝗟𝗲𝗲𝗟𝗮𝗸𝘀𝗮近排天氣凍，特別想食啲湯麵類嘅嘢🍜暖吓身！位於上環呢間星馬菜專門店，主打惹味喇沙麵& 海南雞飯🥢 午餐時段仲可以雙拼（Laksa +雞飯）配嘢飲，啱晒咩都想試吓嘅人～【𝗥𝗲𝘃𝗶𝗲𝘄 食評 💬】◐ 海南雞飯 拼 星加坡喇沙米線 $108｜8/10 🌟一次過滿足晒兩個願望嘅午餐套餐 ✌🏻海南雞好白嫩，唔會太多肥膏，配上三色醬汁（蒜蓉、甜豉油、辣椒醬）份量多到一個人食都有啲挑戰性🌝竟然仲有多個「迷你喇沙米線」‼️認真覺得朋友好醒，一次過就可以試晒兩個招牌菜式💥◐ 星加坡喇沙米線 $82｜8/10 🌟喇沙湯底非常之濃郁，個人覺得椰奶味偏重，對比起正宗星馬喇沙，辣到偏低，好適合BB班嘅我😂但食開馬來西亞喇沙嘅人，可能會覺得唔夠風味🥵🔥裏面有豆卜、蝦、魚片🥢 豆卜索晒湯汁非常之好食，米線煮得正常偏軟 ◐ 香茅青檸荔枝梳打（跟餐）午市跟餐，飲品可以揀啤酒、南洋咖啡、香茅橙茶、馬來拉茶、青檸紅茶、桔仔話梅水🥤選擇都幾多！

又到咗一月一度嘅月經飯時間，為咗方便呢位媽媽朋友可以快啲返屋企，我哋都係揀返喺公司附近嘅餐廳。今晚就試吓馬拉菜，平時行過都見到好多人嚟買外賣，應該都唔錯。我哋叫咗個串燒拼盤，原本個拼盤應該係有三款嘢食，包括魷魚鬚雞肉同埋蝦，但係因為魷魚鬚已經賣晒，所以變咗蝦同埋雞肉每樣兩串，佢嘅份量比我想像中大好多，串燒本身辣辣地，都真係好惹味。然後我哋原本想叫椰菜苗，不過又係賣晒職員就介紹我哋可以食佢哋嘅通菜。我哋揀咗蝦醬高炒通菜。佢個菜都好爽口，如果蝦醬都唔會太鹹，味道啱啱好。最後就叫咗個炒貴刁，呢個貴刁好得意除咗河粉之外，仲有一啲麵撈埋一齊炒，上面有蝦仁，都係辣辣地，同樣地份量都比我想像中大，其實我哋兩個人都食唔晒。而令我覺得最特別嘅係佢中間會有臘腸，甜甜地同個辣味中和返，味道都幾特別。

喺中上環行街行到攰🥵，醒起附近有間好食嘅馬拉菜餐廳😍。就行過去食啦，下午茶鐘數都好多人，呢度有新加坡嘢🇸🇬、印尼嘢🇮🇩等等。今次就嗌咗巴東牛肉配米飯、斑蘭咖吔多士、香茅青檸荔枝梳打🤤。.🐮巴東牛肉配米飯($85)份量非常多，一個人都未必食得晒。巴東牛肉味道非常惹味，小小辣🌶️，配埋旁邊啲小魚乾🐟，非常地道正宗。牛肉嘅口感都好嫩滑，非常送飯😍。.🥪斑蘭咖吔多士($28)一碟有四件多士，多士外皮烘到好脆口好香🔥。入面夾住一大片牛油🧈同埋斑蘭醬，超級邪惡😈。食落口好好味。

放假先來落雨，唔通連個天都唔鍾意我🥲。雖然今日紅色暴雨，但係搵咗一搵屋企雪櫃，實在冇嘢食，唯有落街行下，諗住去超級市場買啲食材，結果好開心見到附近嘅呢一間人氣喇沙店仲有開門，就即刻入去食返個午餐。～午市套餐價錢都幾抵食，大部份都有配埋嘢飲，本身諗住加$20要椰青，點知賣晒，所以就叫南洋咖啡同埋馬來拉茶試試。南洋咖啡個味有啲似低甜版嘅罐裝雀巢咖啡，個人幾鍾意喺中學回憶嘅味道。馬來拉茶就非常濃滑，叫咗走甜，飲落去都有種淡淡的奶甜味，剛剛好，個人覺得唔輸港式奶茶。～星加坡喇沙米線係佢哋嘅招牌之一，喇沙湯底奶白色中帶點橙紅，食落去唔會好辣，椰子味好突出，配料落得幾重，大量切絲魚片頭、魚蛋和蝦肉等，彈牙米線加上爽脆無青味的芽菜，坦白說沒什麼好挑剔，唔輸之前去新加坡食到嘅當地正宗味道。～個人最鍾意就係喇沙，不過海南雞飯拼白胡椒肉骨茶亦不錯，可以一次過滿足兩個願望，海南雞嫩嫩滑滑，雞油飯雞油香氣突出但又質感乾爽。白胡椒肉骨茶嘅白胡椒味就非常之重，鍾唔鍾意就睇個人口味，飲落好暖身，自問好鍾意白胡椒味嘅話可以一試。～LeeLaksa (上環)上環皇后大道中302號地舖

同事推薦既新加坡餐廳，因爲我平時幾中意食喇沙，今日就過黎食啦，樓面都幾大，好多座位，但係反聽講飯點都要排一下位，叫左新加坡喇沙米綫，湯底濃，少少奶味，剛剛好，配料半粒蛋、蝦、魚蛋等，食曬一碗都幾飽，馬來拉茶，好濃，帶少少澀，總體好飲。

✍🏻李派海南雞飯拼喇沙+桔仔話梅水 $108午市有雙拼，一次過試哂兩款招牌菜，岩哂咩都想試又有選擇困難症既我趁熱食左喇沙先，有濃濃既椰奶味，但辣味就比較淡。配菜有蝦，蛋，豆卜，豆卜吸哂喇沙湯，好惹味海南雞飯份量都幾足，雞肉嫩滑，配上標準既三色醬，甜豉油係不可或缺既雞油飯粒粒分明，有淡淡既雞油香跟餐仲可以配桔仔話梅水酸酸甜甜好醒胃✍🏻李派海南雞飯拼白胡椒肉骨茶 + 香茅青檸荔枝梳打 $118另一款午餐可以選配肉骨茶濃濃既白胡椒有啲辣豬肋骨好入味，肉質鬆軟荔枝梳打就甜甜的，清掠解渴

上環呢間馬拉菜好有人氣，佢有午市同下午茶套餐，人均$100唔使包埋嘢飲，特別抵食！有新加坡喇沙、海南雞飯、巴東牛肉呢啲選擇，係平時比較少食到嘅菜式料理，性價比又唔錯，經過呢頭值得一試！-——————————————🥘◖新加坡喇沙米線◗ $82餐廳招牌菜式，一定要試一試！配料有蝦、魚蛋、魚片、豆卜，湯底食落微辣，好香椰奶味，米線口感順滑，整體味道唔錯！🍜◖檳城蝦麵摻摻◗ $86油麵米粉兩溝呢個摻摻，仲有芽菜，食落口感爽脆有層次，而且索味，呢個湯底會偏辣少少，特別惹味！配上蝦肉、豬腩肉、豆卜，仲有一個糖心蛋，好滿足！🥪◖斑斕咖吔多士◗ $28全麥多士烘得薄脆，裏面開邊夾住牛油，塗上斑斕咖吔醬，微甜香口🍢◖街頭雞串燒◗ $68有四大蒜雞肉串，外面燒得香脆夠乾身，配上秘製沙嗲醬，地道馬來風味嘅串燒，如果唔點醬就咁食，就會比較淡口～☕️◖馬來拉茶◗ 跟餐拉茶飲落有少少草本嘅味道，口感順滑，但略嫌味道甜咗少少🍹◖桔仔話梅水◗ 跟餐加咗小青柑同話梅，飲落酸酸甜甜，幾清爽🌟Encore指數：8.7/10

首先要講嘅就係佢嘅海南雞。佢嘅海南雞嫩滑多汁，皮薄肉嫩，煮得剛剛好。雞肉嘅鮮味同嫩滑口感令人回味。而且佢嘅海南雞伴隨嘅醬汁都好特別，有三種唔同嘅醬汁。仲有一個令我印象深刻嘅菜式係新加坡拼喇沙米線。佢哋嘅喇沙汁好濃郁，帶有香料嘅香氣，令人食指大動。而且佢哋嘅米線煮得剛好，彈牙有嚼勁，非常飽足。如果你鍾意飲椰青，呢度嘅椰青一定唔可以錯過。佢哋嘅椰青新鮮，甜度適中，每一口都帶有濃濃嘅椰子香味，真係好解渴又開胃。飯後想飲杯涼爽嘅飲品，我推薦試下桔仔話梅水（凍）。呢杯飲品酸酸甜甜，有桔子嘅清新香氣同梅子嘅酸味，冰凍嘅口感更加令人愉悅，係一杯消暑又開胃嘅飲品。最後，如果你鍾意芽菜，呢度嘅怡寶芽菜絕對係你嘅首選。佢哋嘅芽菜爽脆，帶有微微嘅酸辣味道。

餐廳喺上環位置就腳，而且鋪面都大，係一間食新加坡以及馬來西亞食品嘅餐廳，我當日去就係食下午茶時間，所以以下價錢都係下午茶時間嘅參考🐔 海南雞飯 💰$68雞份量唔少，唔係切得大大嚿嗰種，包埋油飯同埋冬瓜湯🍳 半熟雞蛋配珈吔多士 💰$48珈吔多士有四件，牛油都夠厚身，半熟雞蛋有兩隻，另外亦有俾豉油🍢 串燒拼盤雞肉大蝦 💰$68拼盤原先仲會有魷魚鬚，但當日未有，職員就幫我哋加咗雞肉同大蝦嘅份量，雞肉夠腍，大蝦彈牙🥥 椰青 💰$20/跟餐另加嘢飲方面除咗有新加坡馬來西亞地道飲品之外，亦都可以加$20有椰青飲，椰青好夠凍，夠鮮甜

首先餐廳嘅環境唔錯，侍應嘅態度也不錯！order咗招牌嘅新加坡叻沙。首先賣相好，基本食材齊備。叻沙嘅湯美味，有椰子香味和蝦的味道。個人喜好會把小粒個「酸柑」擠D汁落湯，更加好味！碗底嘅芽菜爽口，正！三隻蝦都非常新鮮，最喜歡食豆卜，因為嗦晒D湯汁，好好味！整體評價唔錯！還配有一杯特飲，不錯！

我今日約同好友去上環漫遊，順道去位於上環皇后大道中302號舖的LeeLaksa 食星加坡午餐，環境舒適開揚，坐得舒服，店員服務態度親切。我點左個李派海南雞飯拼白胡椒肉骨茶$118，好友點左個李派海南雞飯拼新加坡喇沙米線$108；另加斑蘭咖吔多士$28，餐飲係（凍）桔仔話梅水（跟餐），及椰青$20（跟餐）。海南雞的雞肉嫩滑好味，肉骨茶的肉夠淋好食，湯底好飲；喇沙配菜豐富好味，斑蘭咖吔多士香口好食；桔仔話梅水好清涼解渴，椰青好新鮮又好飲。

餐廳：LeeLaksa地點：上環皇后大道中菜式：新加坡馬拉菜式餐牌：茶餐14選一，有多款飯粉麵，仲有多士同沙律小食，配冷熱飲品8選一。另收加一。海南雞飯 $68 另加一海南雞有十幾件，有雞脾，雞胸同雞翼，肉質好嫩滑，雞皮有彈性，點甜豉油最好食，另外仲有辣醬同薑蓉。配片爽口青瓜。油飯好香，暖暖地上枱，都大大碗。跟有一碗冬瓜湯，飲落鹹鹹哋，都好清，仲有一舊冬瓜食。新加坡喇沙 $62 另加一新加坡喇沙有去殼蝦兩隻幾開邊，炸魚蛋3粒，彈牙炸魚蛋絲幾條，吸汁豆卜4件，半隻糖心蛋，好多爽口芽菜同通菜，面頭灑上洋葱絲同脆脆，材料豐富。個喇沙湯好香滑，辣度剛好，梛汁又夠，好惹味。白色麵條滑溜煙韌都吸湯，唔錯。另上青檸一粒同參峇醬比你自己調味。參峇醬燒豬頸肉 $65 另加一參峇醬燒豬頸肉一客10片左右，半肥瘦所以食落爽口兼啖啖肉。個參峇醬少少辣，好惹味。伴有青瓜粒，洋葱絲同半粒車厘茄可解膩。呢個小食都跟飲品。大蝦青木瓜沙律 $68 另加一大蝦青木瓜沙律有去殼蝦三隻開邊，下底係青木瓜絲，青瓜絲，紅蘿蔔絲，少量青豆角加紫梛菜絲，伴有兩粒車厘茄。面頭加上花生碎同脆脆，仲有薄荷葉。味道完全少少辣，酸酸甜甜好開胃

呢間餐廳門口有好大個招牌，好吸睛，而且望入去裝修都好別緻。檳城蝦麵：是慘慘來的，有油麵和米粉，湯底很濃味，配料也多，除了蝦還有豬腩肉和溏心蛋。海南雞飯拼喇沙：如果一個女仔一定食唔晒，男仔就應該可以。佢個喇沙湯底好香椰汁味，我覺得比起蝦麵更加優勝，海南雞係無骨嘅，啖啖肉，油飯亦都好香。燒牛柳柚子沙律，店員說要等30分鐘，我哋覺得食住嘢等冇問題，所以照要。呢個超好食，牛柳一啲都唔韌，而且好香牛味。柚子很清甜，份量亦多。最喜歡他的焗蒜頭，配埋牛柳食好襯。值得等待，下次再去一定會再食呢一味菜。餐廳好多外賣單，店員雖然繁忙，依然維持住應有的服務和笑容。