Vol.1 Cafe

營業中

休息中

銅鑼灣上班族想中午chill一下，在SOGO後面的一幢舊樓上，通過長窄的樓梯，開門便是另一個光景. 簡約的日系傢俬，透過露台曬進來的陣陣陽光，頓時會令人放鬆~ 親切的職員把我們帶到窗邊的位置，用QR code點了餐，安安靜靜的，很適合girls talk一下~ ❤ 卡邦尼手工圓粗麵 $138和想像中不一樣的卡邦尼，味道濃郁，鹹度適中~ 圓粗麵口質韌度十足，而煙肉更厚切粒狀的腩肉，更有口感，味道也更濃厚。❤ 忌廉明太子配手工原粗麵 $138明太子醬鹹香惹味，加上紫菜和蝦籽，增加了鮮味和口感之餘，直接變成和風style🥰 喜歡！👍🏼 百香果菠蘿桂花烏龍茶 $42微甜料足，清新可口，中和了味道比較濃郁的意粉，不錯！❤ 黑糖泡沫咖啡 $46輕盈綿厚的泡沫，使咖啡進口更順滑，加上甜蜜的黑糖，是令人開懷的飲料 😚❤抹茶巴斯克麻糬蛋糕 $68其貌不揚，卻內有乾坤！抹茶芝士蛋糕，切下便感受到厚實綿滑的質感，上面的忌廉徐徐流下，中間還有薄薄的一層麻糬，三層一起吃，不同的口感在口裡結合，味道也互相配合，可以encore！

餐廳坐得好唔舒服，想同朋友舒服傾計or拍拖唔好揀呢間，尤其是露台座位，成餐飯坐得好辛苦，食物係OK，但個環境真係令我地唔可以好好享受食物，搞唔掂，唔知點解咁多IG介紹，唔好去呢間

2年前黎過 一直對佢既手工意粉同南瓜湯念念不忘 2年後心血來潮諗住食個Happy Friday dinner又俾我book到位🥶 咁就滿心期待再訪一入去坐底 已經好感受到係冇服務 menu要自己行去門口scan code 再行去counter落單水都唔會主動俾 而要開聲問最重點係 2年前係冇加一 依家收加一但係所有野都係自己黎😥Order左龍蝦汁意粉 都足料既 冇以前食咁驚艷 但都係好食的有口感手工意粉然後 大伏出現！！！藍芝士意粉 望落都正正常常係咪？ 其實個芝士汁係好濃 好香blue cheese味 但兜意粉⋯我嚴重懷疑係冇倒走意粉水😂 係有一埋好似油既東西浸住啲意粉食到一半 佢係變成咁 完全唔開胃🤢而個層我完全唔知佢咩黎 又唔完全係油 𢳂出黎佢既流動性都係好高食完2碟意粉 好快就俾人收曬啲碟☺️都明既 小店座位有限 想做多幾檯 但真係冇服務唔值得收加一囉最後賣單 當然又係自己服務自己 行去counter俾錢啦😚呢間野唔會有第3次😂

之前的用餐體驗非常好，但現在卻遇到了漲價和缺乏服務的問題。連水杯都沒有，而且意粉的味道與以前相比差得太多了。很少會主動提出投訴，但這次真的讓人非常不滿意。雖然午餐要價百多元，但卻沒有得到適當的服務，食物品質也很差。對方解釋說廚師平時放假，但從一開始到現在都加了很多次價。每次的服務態度都一般般，現在連食物的品質都差到這個程度了。我原本是因為意粉好吃才來的，但現在連食物都差到這個地步，真的不想再光顧了。對此我表示不會再繼續支持了。

銅鑼灣有間手工意粉，唔貴，有靚嘢飲，仲要係free corkage。“Vol.1 Cafe”龍蝦汁意粉、牛肋條意粉、白松露雞翼，各有特色。抹茶奶蓋士多啤梨牛奶，更加係一嚟即影。當然最好飲都係自己帶去嘅紅酒😂

🍝忌廉明太子配手工圓粗麵 $138 (7/10)手工意粉口感比較偏煙靭有少少口感，明太子味都比較出，好Creamy，比較偏辣少，好多魚子好有口感口，但味就唔算好出，唔算好驚喜。🍝自家製龍蝦汁蟹肉手工寬麵條 $178 (8/10)相對嚟講闊條麵係比較有口感，軟硬適中，好香濃嘅龍蝦汁味，帶少少鹹味嘅蟹肉，加埋新鮮嘅蘑菇，幾好食。☕️焦糖燉蛋咖啡 $54 (8/10)個cream好有蛋同埋奶嘅香味，都好綿密，上面燒咗個焦糖幾香甜，咖啡幾香濃苦苦地！🍰抹茶巴斯克麻糬蛋糕 $68 (8/10)蛋糕有奶蓋同埋麻糬奶蓋係甜甜地，麻糬軟滑煙靭 ，有啲似牛奶麻糬嗰種質感，蛋糕抹茶味香濃，芝士比較輕盈，要食到抹茶！推薦指數: 8/10之前食過一次，今次再放質素都依然保持到，不過就收+1服務費，記得要預先訂枱， Walk in可能冇位。

自家製龍蝦汁蟹肉寬麵條 $178龍蝦汁好香，而且蟹肉份量足，食到最後仲可以用塊麵包嚟沾醬食，讚👍🏻 寬麵條軟硬度適中，口感彈牙😋卡邦尼手工圓粗麵 $138呢到嘅卡邦尼比起平時食到嘅唔同，可能係用嘅芝士唔同？芝士味超濃郁～ 圓粗麵嘅質感比寬麵條唔同，但都係有咬口嘅，值得一提嘅係佢嘅豬腩肉粒，煎到好香脆，食到唔停口😆炙燒白松露雞翼 $58雞翼好juicy嫩滑，有淡淡嘅松露香氣，好食👍🏻百香果菠蘿桂花烏龍茶 $42〰️〰️〰️〰️〰餐廳極具人氣，好彩我提前一日book到位，當日眼見好多人都因為冇book位而失望而回。餐廳嘅食物質素唔錯，手工意粉係好食嘅，但味道未到驚艷，反而雞翼做得好好，好少地方會做到又滑又多汁，呢個幾有記憶點👍🏻餐廳要自己係門口scan menu，然後出去cashier先落order，用完餐再出去cashier俾錢嘅，算係半自助形式？所以冇乜服務體驗可言，但照樣收足你加一服務費㗎😆〰️〰️〰️〰️〰️食物: 4/5性價比: 3.5/5 環境: 4/5服務: 3/5Revisit: Maybe〰️〰️〰️〰️〰️

因為試過walk-in唔成功，今次就預早一星期book位餐廳地點都算方便，內部環保都舒適係正常Cafe價錢同份量，但賣相一般無咩特別🙈手工意粉就...手工意粉囉😂但兩碟意粉嘅醬汁都好食，加分👍抹茶麻糬巴斯克蛋糕有啲失望，無令我眼前一亮廚房細出菜慢本身啲食物已經唔係熱辣辣出煙想等齊一檯食物影相的話一定預左要食冷飯我同朋友太肚餓等唔切，只好分開每碟影相打卡啦食完一碟意粉吹左陣水先黎第二碟不過拉長用餐時間可以吹耐啲水，其實都幾好嘅😂

我覺得食物都不錯 算係中上 份量唔係好大 同埋價錢偏貴 性價比唔係超高但係重點 服務態度真係好差！上菜速度慢 我一個意粉等左差唔多一粒鐘 一次唔好意思都無 只係同我講要d時間🫠 上完菜過一陣就趕人走 絕對無咩時間同朋友傾計都幾失望😞

龍蝦汁意粉$178份量極少Cafe環境收西餐廳價正常食量男士一定唔夠飽「手工意粉」只不過係比普通意粉硬 粉感很重食唔出任何蛋香味 彈牙感一般普通意粉比此「手工意粉」仲好食🤷🏻‍♂️龍蝦汁同意粉分離 墨魚汁意粉質素更差 重點係：上菜極慢！！！特飲更加係一絕飲落似梳打水加糖漿加冰 完咁樣收你$50蚊😸侍應態度差 工作散漫要求要杯水都等咗好耐 態度不屑食完極不滿足 性價比低 絕不再訪 銅鑼灣有更多好食cafe/西餐廳

❀ Vol.1 Cafe #銅鑼灣 ❀❗被譽為世一嘅手工意粉Cafe ？❗——————————————————見到人唔少人推介呢間Cafe嘅手工意粉🍝甚至稱讚為世一✨價錢基本上都係少於$200，性價値好高。星期日下晝兩三點去到都座無虛席，等咗約40分鐘先有位，建議想食嘅要提早book位。Cafe位於一棟唔起眼嘅舊樓中，唔係預先上網查過絕對唔會留意到。餐廳唔大，不過都有露台位置，但座位就唔算特別舒適🙈.✷𝑀𝑒𝓃𝓊✷☞ 自家製龍蝦汁蟹肉手工寬麵條 $178 (3.7/5)似乎係招牌菜，唔少人都有點🤣幾欣賞佢哋手工闊條麵真係幾有咬口，而且非常掛汁。龍蝦汁都算幾突出，濃郁得來唔會太膩。不過蟹肉嘅份量相對較少，整體味道有啲單一，食多幾啖會有少少悶😶‍🌫️.☞ 煙三文魚墨魚汁手工墨魚圓粗麵（辣） $148 (3.8/5)表面有兩塊煙三文魚，不過同墨魚汁意粉關係有啲分離😓意粉圓粗麵同樣彈牙掛汁。呢個除咗墨魚汁嘅香氣之外，仲加咗少許辣椒，味道層次豐富少少🤏。.☞ 黑糖鮮奶米麻糬 $52 (4/5)呢個米麻糬飲品反而幾得我心。牛乳非常濃郁，加上黑糖甜甜地。最特別係入面有一patpat米麻糬，口感煙煙韌韌，

好少cafe主打手工意粉，高質又抵食，座位闊落，坐得好舒服，仲有户外户內座位，所以好多人幫襯，記得要訂位啊！*卡邦尼手工圓粗麵 $138圓粗麵有咬口、有韌度，彈牙又唔會太硬。卡邦尼汁用「曉」嘅蛋黃、巴馬臣芝士、Pancetta意式煙肉+Guanciale豬面頰肉，就係正宗意大利做法。醬汁濃厚到包住每一條意粉，芝士味好濃，但又唔會太膩，大推！牛油果醬煙三文魚墨西哥脆片 $98牛油果夠腍，有果蓉又有牛油果粒，夾雜煙三文魚塊。紫洋蔥好大塊，辣又攻鼻，切碎啲會更加易入口。Dorito(?)好脆，份量啱啱好食晒所有牛油果醬。抹茶巴斯克麻糬蛋糕 $68奶蓋奶香好濃，一切即變流心。蛋糕抹茶味好淡，芝士味奶味未夠濃郁，焦香味幾乎零。麻糬黏到似漿糊，好似鼻涕，完全冇加乘效果。

🍝自製龍蝦汁蟹肉手工闊條麵雖然賣相平平無奇，但係自製龍蝦汁非常濃郁。手工闊麵條彈牙、掛汁。💚抹茶麻糬巴斯克蛋糕同朋友不約而同要嗌呢一個甜品！淨係面頭嘅芝士奶蓋已經會令人食唔停口！然後原來一切開仲會有瀑布般嘅芝士奶蓋效果，視覺味覺同樣帶來衝擊！抹茶香濃，巴斯克蛋糕唔會太漏，再加埋入面煙靭嘅麻糬，平息咗我嗰日睇唔到美斯嘅怒氣🤣🤣💚Matcha Espresso Latte 夜媽媽飲一杯Matcha espresso latte😎因為呢杯嘢唔會間間Cafe都有，所以一見到嘅時候我多數都嗌😆😆有齊我最鍾意嘅matcha同埋咖啡🥹飲品外觀好靚，明顯嘅漸層顏色。飲落去明顯飲到抹茶同埋咖啡嘅味道，完美💚🤎💛焦糖燉蛋咖啡 又係賣相非常精緻的一杯咖啡🤎鋪喺面嘅Crème Brûlée 蛋香十足💛

staff無論覆whatsapp訂座或安排入座效率有待改善。用餐時間90分鐘，若沒人等候，不會摧埋單。室內坐位枱與枱分隔空間感不足，友聚傾不到密計。食物質素合格，味道沒有驚喜感，無論服務，食材質素，整體仍需努力改善。--- Vol.1拼盤/FRIED Platter --- $98脆辣雞翼，天婦羅炸蝦，魚手指，炸薯角，整體外皮口感酥脆--- 藍芝士煙肉手工圓粗麵/ Pancwtta and Blue cheese--- $158芝士超鹹，煙肉粒超肥，似中國臘味肉，手工意粉口感也乾粗，感覺麻麻--- 番紅花蟹肉配手工意大利餃/Safford Ravioli ---$158味道不錯，但份量略小

Vol.1 Cafe係位於銅鑼灣鬧市中嘅休閒樓上Cafe，氣氛輕鬆有戶外露台!當時去餐廳嘅時候咁啱撞正聖誕節亦都有個好得意嘅大聖誕老人裝飾！小食炙燒白松露雞翼 $58 ⭐️⭐️⭐️⭐️炙燒白松露雞翼共有四隻，火候焗啱啱好，雞肉鮮嫩多汁🍗Fresh Pasta 自家製龍蝦汁蟹肉手工寬條麵 $178 ⭐️⭐️⭐️⭐️餐廳以自家製手工闊條麵為主打，口感適中偏硬身，配上濃郁嘅龍蝦汁同埋蟹肉，再加上竹炭麵包，層次感滿分😋卡邦尼手工圓粗麵 $138 ⭐️⭐️⭐️自家製嘅手工圓粗麵口感彈牙，麵條大細似烏冬配上忌廉芝士汁加上煙肉碎，味道唔錯，中規中矩👍🏻Risotto 白松露雞胸南瓜意大利飯 $138 ⭐️⭐️⭐️雞胸用慢煮方式，肉質鮮嫩，但係松露味唔太突出，配上南瓜汁，意大利飯口感creamy 🤤🤤Drink焦糖燉蛋咖啡 $54 ⭐️⭐️⭐️⭐️焦糖燉蛋咖啡非常特別，上面有一層焦糖燉蛋醬，加上火槍燒到焦糖脆卜卜，咖啡嘅苦澀中和咗焦糖燉蛋嘅嘅甜漏味，一啖焦糖燉蛋一啖咖啡層次感滿分☕️