影片
港鐵銅鑼灣站 C 出口, 步行約2分鐘
繼續閱讀
電話號碼
28189019
付款方式
以上資料只供參考, 請與餐廳確認詳情
食家推介
講到最地道嘅香港飲食文化，實唔少得冰室🇭🇰望住夾喺玻璃枱下密麻麻嘅Menu，坐低諗好食咩舉起手，好快就有夥計嚟招呼你🙋🏻♂️ 而家係人人一部智能電話嘅年代，大部分都採用左QR code落單📱 相比之下少了一份冰室嘅人情味💬小菜套餐包一碗例湯同白飯，中湯、羅宋湯同忌廉湯，三揀一🍲 我地揀咗中式粉葛湯，顏色討好🥔維港小炒王🌱韭菜爽嫩無渣🌾 配上大大隻嘅魷魚同蝦仁，加入鮮味蝦乾、銀魚仔同腰果🦐 鹹香惹味又有層次感，完全係食唔停口😋惹味薯仔牛柳粒🥔牛柳「粒」份量比預期多得很🥹！大過又厚過個5蚊銀🪙 仲要炒得岩岩好，肉香多汁，「佬味」十足🥩 每顆薯仔及牛柳粒滿布蜜糖和黑椒汁，難怪係大排檔嘅名物之一🎖️椒鹽鮮魷🦑椒鹽香先刺激味覺😙 薄薄生粉漿炸得金黃脆口，魷魚片同鬚都好爽口，爆炒過蒜酥蔥花撈飯一流🍚菠蘿咕嚕肉🔸咕嚕肉啖啖肉，冇骨亦冇咩肥膏😌 菠蘿同紅綠椒都好甜🫑冰室黑牛 🐂年輕一代可能真係冇聽過🥲 黑牛係「黑」撞「黑」，可樂加上黑色朱古力雪糕🥤夠晒透心涼😎雪糕紅豆冰 🫘粒粒紅豆飽滿，份量都佔咗杯嘅一半有多🍷 再加上雪糕🍨 另一邪惡之選😈檸檬利賓納🍋利賓納而家係茶記都賣少見少了🍇 夥計人手夠，上菜速度快，食物夠鑊氣又熱辣辣🔥 木製沙發卡位，坐得更寬敞舒適，地下同枱面乾淨一啲都唔油👟
繼續閱讀
在香港，茶餐廳真是隨處都是，但良莠不齊，不過，今晚跟朋友來到「維港」，絕對是屬高質素的一群。餐廳地方十分之大，裝修以金色、啡色為主，但一點也不俗氣，而且，光猛整潔，卡位又闊落，以茶餐廳而言，算得上是上等裝修喔！不用多說，餐具、紙巾、調味料……等等，就放在桌旁的抽櫃內，排列整齊。餐牌就在桌面的玻璃之下，然而，我們的重點就着眼於皇牌鐵板套餐之上，因為我們都很想「鋸鋸扒」。先來餐包及餐湯，除中湯，還有「紅白」西湯，我就選了紅湯（羅宋湯），味道非常香濃，內有不少蔬菜，很美味。而餐包超級巨型，塗了牛油，入口十分軟熟，很港式的滋味。朋友就選了「美國西冷牛扒」（$119），配上黑椒汁及薯菜， 送來之時已是滋滋聲響，而且，牛扒、焗薯也十分大件，可謂份量十足，最重要的是西冷很具油香，卻不失肉味，就算是七乘熟，質感還是很嫩滑，沾上了黑椒汁，更加惹味。我的「招牌黑椒牛柳」（$129）果然不失招牌之名，單是賣相已十分吸引，厚厚一件牛柳煎得焦香，切開一看，五乘熟的狀態，呈粉嫩嫣紅，美妙之極。細嚼一口，肉質軟腍並富肉香，實在好吃到不得了。餐飲方面，我們不約而同的改選了維港特飲：椰果紅豆冰及雪糕紅豆冰，只需多加$12而已。不單大杯，還加了很多又清甜、又綿香的紅豆，此外，不論是配椰果，還是雪糕，都是非常好喝的。因為餐包的味美，從桌上無意間看到另一張小餐牌：港式麵包，其中有蛋撻（$9）及菠蘿檸檬撻（$12），倒叫來作甜品的。蛋撻雖然不熱了，但酥皮很酥脆，餡心富蛋香；而檸檬撻很清香，中間有一片薄薄的菠蘿片，很有一種港式老西餅的味道。這頓飯讓我們吃的十分飽，而且，味道真不錯，果然是一家高質素的茶餐廳。
繼續閱讀
上星期行行下見到一間閃閃生光嘅茶餐廳「維港冰室」最重要係有一個勁吸引眼球嘅飽餅櫃，匆匆吃過雞批，奶茶，印象唔錯，於是決定擇日重賽。餐廳新開張，所以裝修都新淨、地方也乾淨，燈光足，店員多，梗有一個系左梗，而且吾系西面人，客人食得更開心也更樂於消費。果然是香港人的港式茶餐廳，餐牌內，無論中西菜、小炒、鐵板餐、酸菜魚等，睇到我睇都花，可謂完全乎合國際化口味。點完菜，店員先送來一紅一中湯我喜歡紅湯「羅宋湯」料頭足，也夠酸；可惜兩碗湯溫度都爭啲。秘製古法羊腩煲$158 這個羊腩煲絕對拍得住洒樓出品，食材足料有支竹、冬菇、冬荀、馬蹄和生菜、當然還有主角羊腩肉，我喜歡羊肉仍保留少許羊騷，肉炆得夠稔亦入味，醬汁濃而不咸，加小許腐乳可令羊肉的肉味更富層次，更鮮香。整體來說味道和賣相也高質，如支竹煮稔啲就更高分。因為我們也在減飯中，只要求一個飯，否則這個濃汁送飯應該不得了。西蘭花炒魚塊 $99估唔到份量一啲都吾細，抵讚！魚塊仍然保留一片片，沒有炒到散晒，我喜歡吃到啖啖肉；因為打左個薄獻令西蘭花吃落有啲汁感，口感亦不硬，味道也不錯，不咸，合乎健康飲食口味。兩款主菜份量也十足，其實我吃左一半已經飽飽了。凍檸賓凍鴛鴦朋友話杯央幾好，茶啡味道balance ，花奶足，口感夠滑。
繼續閱讀
約咗個 friend 嚟銅鑼灣買衫換季，shopping 完就順便喺附近食埋飯先返屋企。喺謝斐道搵到間新派冰室，門面光鮮，環境乾淨企理，今晚就一於喺呢度開餐。餐牌包羅萬有，由全日早餐、特色炒粉麵、西式燴飯、秘製馬來咖喱，以至皇牌鐵板套餐、精美小菜、小食類、出爐麵包等，一應俱全，滿足到唔同食客嘅需要。我哋點咗幾款小菜，全部都配有明火例湯及絲苗白飯，熱飲+$6、凍飲+$8、特飲+$10、維港特飲+$15。是日中湯為合掌瓜豬骨湯，味道清甜又滋潤。去骨水門海南雞 ($129/半隻) 碟海南雞賣相好吸引，色澤金黃，雞皮爽薄不肥，雞肉嫩滑富彈性，加上已經全部去晒骨，入口啖啖肉，食得出有雞味。豉汁蒸倉魚 ($99) 條倉魚好新鮮，蒸煮時間掌握得啱啱好，魚肉極之嫩滑，豆豉份量夠多，加上香濃惹味嘅豉汁，佐飯一流！香蔥韭黃蝦仁炒蛋 ($99) 雞蛋炒得好滑溜，火喉控制得很不錯，味道剛剛好；韭黃清爽又唔油膩，蝦仁大大隻，爽彈有鮮味。菜心炒牛肉 ($87) 牛肉分量十足，多到成座山咁，而且水準甚佳，唔單止厚身大片，肉質亦非常鬆軟，鑊氣十足。菜心選用了菜遠部分，入口翠綠清甜。另外點咗 2 個雞批，外皮酥香鬆化，入面包住火腿、蘑菇同雞肉，入口非常 creamy，但食完又冇膩滯感，味道唔錯。
繼續閱讀
平時都好鐘意幫襯茶餐廳😋係香港的味道。今日經過銅鑼灣，一家人黎左維港食晚飯，因為見到餐廳裝修新淨企理，門口有新鮮出爐麵包櫃，感覺不錯。餐廳menu 超多選擇，仲有每日精選晚餐，我地每人叫左一個set share 食。餐湯中湯係青紅蘿蔔湯，西湯係羅宋湯同忌廉湯去骨水門海南雞(半隻)肉質嫩滑，份量超多，啖啖肉😋連雞胸位都不會乾👍🏻海皇雜菜煲比出面的多好多海鮮配料👍🏻有魚柳，蝦，魷魚，蔬菜類都好豐富，有木耳，草菇，金菇，娃娃菜，西蘭花。湯底都不錯，清清的魚湯，幾鮮味。日式照燒鰻魚雞扒鐵板上😍重量級。鰻魚燒得好香，雞扒腌得入味，煎得香口😋鮮茄炆黃花魚黃花魚走油再用鮮茄一齊炆，酸酸甜甜好開胃。魚肉嫩滑，好少骨😋西班牙咖啡賣相好浮誇😍面頭有大量棉密的cream, 配上咖啡好香滑！柚子梳打好清新，柚子蜜份量好多！總括嚟講，餐廳食物種類超多！而且份份都重量級😂職員超級有禮貌，服務周到。係銅鑼灣以呢個價錢黎講，真係超值👍🏻
繼續閱讀