海魂燒 (Closed)

忙碌辛苦咗大半個星期，緊係要對自己好啲，睇完餐牌，見到燒物以外，仲有啲 fusion 菜式，想試吓啲新奇有趣嘢，於是同朋友決定喺呢度dinner。門神孫悟空琥珀啤 - 呢款係本地生產嘅手工啤，飲落有好濃嘅麥味，仲有少少果香，汽泡都好豐富，唔錯。青檸話梅梳打 - 話梅酸酸甜甜，配埋青檸，好 refreshing!一口帆立貝海膽 - 帶子表面輕輕燒過，好厚肉，中間夾住海膽，真係鮮上加鮮，仲可以用紫菜包嚟食，一碟有幾種食法，啱晒我。灸燒和牛他他配水牛芝士、自家牛油果醬 - 牛肉表面燒過，增添一份香氣，水牛芝士好香濃，牛油果醬就酸酸哋，好開胃，再配埋個和風沙律，中和返牛肉嘅油膩感。店員教首先牛肉配水牛芝士同牛油果醬，食吓個原味先，之後食嗰陣就再加洋蔥同番茄，果然係唔同感覺，前者食到牛肉鮮味，後者就食到豐富味道同口感。迷你鵝肝漢堡 - 鵝肝好大塊，有油香，好味。迷你飛驒牛漢堡 - 同時夾有牛肉同 parma ham，令味道食落無咁單調，多一份咸香。黑松露溫泉蛋和牛海膽石鍋丼 - 飯底本身已加黑松露同黑椒調味，食落陣陣香味，店員話可以將溫泉蛋、海膽同飯拌勻，就會更 creamy，果然撈完個飯係更好

上個禮拜於契妹哥哥個生日會上，表妹提到最近去過天后一間酒吧餐廳「海魂燒」度食宵夜，大讚新派菜式又正又抵，契妹聽到當然係心郁郁啦，中秋過後即約同小肥契哥睇吓係咪咁堅。店子門外擺出大大頁彩圖餐牌，方便途人參閱。當中亦不乏酒牌及宵夜特價優惠詳情。XO仔收咗工由灣仔行到去天后都只需半個鐘左右o既時間，啱啱好餐廳正在開門，細佬可以任影唔嬲。樓底高高o既小店後方為廚房，圍繞水吧有幾個吧位，其餘兩邊則為二至多人o既合併式散座，簡潔整齊。其中一邊牆身有個大大o既IG相框，睇真啲先知原來係新開張時俾啲貴客玩自拍o既，又幾棧鬼喎。契妹一到步，兩口子先每人點咗杯野飲，歡樂一番！然後就應靚女姐姐推介，點選咗多道招牌菜。不得不提o既就係食店選用最好揸o既五角形筷子，包保大肥爸爸見到又要講多次佢買筷子的故事。燒蘇格蘭蟶子皇（$58/隻）：從店名已估到餐廳主理燒物，二人亦決定由此食起。揭序o既蟶子皇長而厚肉，由於燒煮時間恰到好處，效果爽脆潤甜，表妹真係好介紹！一口帆立貝海膽（$58/隻）：小食單睇外表已夠鮮美。喺輕輕燒過o既帆立貝夾入金黃艷麗o既海膽刺身，再以紫菜包製，一口食落去，口腔即散發出帆立貝同海膽濃厚o既鮮

清風街開了間新餐廳，去探朋友順便試試，實在太熱了，一坐底就係睇drink menu，叫在兩杯凍飲先慢慢睇餐牌青檸荔枝梳打 ($28)檸檬同荔枝都係我最愛，加埋實在太完美，兩樣嘢加埋好夾，仲有幾粒荔枝添，大熱天時，透心涼青檸話梅梳打 ($28)另一杯都好特別，兩樣酸嘅加埋又唔會太酸，好開胃一口帆立貝海膽 ($58*2)起初以為係帆立貝上面放些海膽，原來唔係咁簡單，係將厚厚嘅帆立貝開邊，再釀入海膽，仲要海膽量比想像中多，再輕輕一燒，又香又鮮甜！迷你鵝肝漢堡及迷你飛驒牛漢堡($48+$48)細細個漢堡，賣相可愛，一碟試齊兩款漢堡，又唔會太飽，鵝肝軟滑，飛驒牛juicy，兩個都好好味燒魂炸拼盤 ($58）有雞翼、雞軟骨及鴨舌，分三個藍上，每個藍都放咗紙吸油，無咁油膩，又香脆，絕對係送酒良伴川香清酒煮花甲 ($78)花甲好大隻，又清甜，難得嘅係無沙，個湯仲好清甜，仲有陣陣酒香燒蘇格蘭蟶子皇 ($78*2)肉質鮮嫩又大隻，而且仲好重蒜茸，好香好野味，喜歡蒜頭嘅一定好想食多隻燒韓式五花腩 ($28)肥瘦分明，又嫩滑，好多肉汁，kimchi 爽脆又不太辣，酸酸哋，好好味黑松露溫泉蛋和牛海膽石鍋丼 ($

凍飲一向不是我杯茶, 然而步行了20分鐘, 也想喝得涼快點, 於是點了一杯少冰的青檸話梅梳打, 溫度剛剛好, 甜中帶酸, 絕對夠開胃, 用來配搭燒烤食物也甚為得宜. 竟然打算去吃, 就把熱氣兩字豁出去, 難得的放肆. 從菜單上找到一口帆立貝海膽, 名字及賣相也吸引, 帶子輕輕燒炙, 是兩邊不到岸, 或許燒得燶一點, 外層添一份焦香也較吸引. 海膽較為水感, 味亦較淡, 對於這道菜, 或許我是抱了過高的期望.燒烤後的珍寶大元貝依然有份量, 裙邊爽口, 元貝肉身厚, 醬汁很惹味！蟹籽的點綴是加分之作.繼續燒海鮮，同樣有份量的是燒蘇格蘭蟶子皇，火喉及時間要控制得好，才能把海鮮的美味發揮到極致. 海魂燒的蟶子皇燒得爽口，鋪滿蒜泥，好惹味！燒海鮮可不便宜，大元貝及蟶子王各200多元，雖是美味，但適可而止. 來一個非常熱氣的組合，燒魂炸拼盤，有炸雞軟骨、炸雞翼和炸鴨舌，佐酒一流，最讚是炸鴨舌沾辣醬，很酥脆；單骨雞翼滲出淡淡美極的獨特滋味.要論香辣，可數秘製醬燒 BB 豬肋骨，燒得非常出色，就是要等也值得！肉質鬆軟，本身已帶少辣，想加辣的話，亦有辣汁另上.以上所吃的也不錯, 明白食物需要時間準備,

清風街是近年變了食街，最近得知開了間新店，主打燒物的小店，就和朋友過來一試。餐廳坐位不多，最好提前定位。食物選擇繁多，有海鮮、肉類、蔬菜、主食、小食等，其中不少自創的特色菜式。青檸檬話梅梳打：是我喜歡飲品之一，在这悶熱的晚上，呷一啖如此清涼的飲品真是為之一爽。😀燒蘇格蘭蟶子：蟶子皇大大隻， 火候控制得宜，没有過韌。肉質爽甜，蒜茸味濃惹味。炙燒和牛他他配水牛芝士：A4和牛炙燒後，夾水牛芝士、沙律菜、番茄、洋蔥搽一點自家制牛油果醬，令味道層次升級。😋燒魂炸拼盤：拼盤有單骨雞翼、雞軟骨和鴨舌，每款份量都很多，雞軟骨和雞翼兩者都炸得香脆可口，加檸檬汁可消膩，佐酒一流！👍一口帆立貝海膽: 厚肉的帆立貝鮮甜美味，中間放入甘甜海膽，用紫菜包來吃，口感豐富。👍迷你鵝肝漢堡 /迷你飛驒牛漢堡(可愛い)。鵝肝外脆內軟，飛驒牛牛味濃肉鮮嫩，各有千秋，大口仔隨時一啖一個。😊黑松露溫泉蛋和牛海膽石鍋: 集合多款滋味的食材。黑松露香氣撲鼻，溫泉蛋流心討人愛，增添白飯吸引力。雨停了，又食飽飽，又是回歸時。

今晚走嚟呢間新開嘅燒烤店食飯，成間餐廳都好有工業味道，坐得非常舒服。menu上有燒海鮮、肉類、菜、沙律及小食，以天后嚟講價錢唔算貴，所以唔expect佢會好大碟，加上超級肚餓，叫多啲野食先！青檸荔枝梳打 ($28)熱到咁，二話不說叫杯野飲先。隻杯好特別，原來係貓頭鷹呀！仲有幾粒原粒荔枝，徘徊在似酸又甜之間，好好飲青檸話梅梳打 ($28)又係有幾粒話梅喎！篤篤粒話梅味道更突出一口帆立貝海膽 ($58*2)都多食呢兩樣嘅，不過通常都係將海膽放上面，但呢個非常特別，係將帆立貝開邊，再釀啲海膽入去，好過癮呀！帆立貝好厚身，輕輕燒過帶有啲焦香，海膽份量慷慨，香味濃郁又滑，加塊紫菜包住一齊食，又脆又滑層次太好了，滿足！！！！迷你鵝肝漢堡及迷你飛驒牛漢堡($48+$48)細細個漢堡賣相可愛，不過有難啲切開，一切就散咗了，可惜。不過鵝肝非常軟滑，一啲都冇臊味；飛彈牛冇乾爭爭，咬開入面仲好juicy燒魂炸拼盤 ($58)有雞翼、雞軟骨及鴨舌，每款都炸得好香脆，上菜前似乎吸過油，所以感覺上唔油膩，而且份量大，用嚟送酒真係啱晒。感覺就咁食好單調嘅話可以落少少檸檬汁或點蛋黃醬川香清酒煮花甲 ($78)咪講笑，