一鳴拉麵

Open Now

Now Closed

太掛住日本啦，每次見到拉麵店都忍唔住，呢間拉麵店唔喺大街，本來應該見佢唔到，但因為門口嘅人群太吸晴，心諗咁多人有咩好食呢？行近一睇……拉麵!!! 好彩見到人群，如果唔係就差d錯過日本的味道。由門面到裝修，根本就係地道日本風，暗暗地嘅燈光，突然諗起深夜食堂🇯🇵呢度唔賣花巧，簡簡單單，就只得四款湯底拉麵。基本湯底都係豬骨濃湯，再加入不同自家製醬料就變左幾種不同層次嘅味道。自己手剔落單，麵嘅粗幼、軟硬度、配料、辣度都有得揀。點左一鳴拉麵，一場嚟到，當然要食主打嘅原味豬骨濃湯啦，果然湯如其名，個湯底好厚身，非常濃郁，入口都好滑。另外仲點左赤辛，係豬骨濃湯再加秘製地獄醬嘅湯底，揀左較粗身嘅太麵，兩隻辣椒嘅辣度。嘩!成碗湯紅卜卜，仲有堆類似辣粉，未食以為會辣到食唔到，但食落原來幾好味喎，好香嘅辛辣味，但食落口又唔會覺得勁辣(利申:本身只係可以接受小辣程度)午市套餐加$20，仲可以有飲品及小食，餃子同雞都係炸嘅，炸得勁金黃，夠乾身，非常脆口。😃又一次回味日本味道成功。

最近冇得飛去旅行，想回味一下去日本之旅，就去食個拉麵啦！我同老公兩個人去食，鍾意佢嘅裝修似足日式小店。一坐低梗係要叫返兩碗拉麵，一人一碗先。我就食返原味：一鳴拉麵，因為想飲啖豬骨濃湯，真係好濃郁喎！而我老公就食咗辣嘅拉麵，佢話最欣賞啲櫻花蝦好夠蝦味，同埋好足料。另外我哋仲叫咗一個鰻魚玉子燒，啲蛋好甜，又夠厚，相信起碼用咗五六隻蛋去包住舊鰻魚，但上面有啲鰻魚汁，香氣撲鼻。呢個係牛肉串，軟綿綿，熟的程度剛剛好，另外仲叫咗一串甜番薯，好正，當甜品食一流。呢個又係好鬼香嘅炒豬肝，啲豬潤夠口，所以食入口唔會好乾，好有咬口、彈牙。幾欣賞佢除咗拉麵之外仲有好多小食可以叫，拉麵亦有得揀返面嘅軟硬度同埋配菜，同日本食嘅一樣咁正！會再嚟食

呢間拉麵店真係由中學食到而家價錢都冇乜點變 非常親民學生喺午市時段仲有優惠所有配料(e.g 蔥)都可以揀多或少麵亦可以選擇曲麵或直麵麵嘅軟硬程度都可以揀同埋佢哋嘅午市真係好抵食!!⭐️黑蒜一鳴拉麵 ($58)喺四款拉麵之中呢款最重蒜味🤤湯底由豬骨濃湯配以自家製黑蒜油熬製 味道非常濃郁 絕對冇味精⭐️一鳴拉麵 ($58)湯底由豬骨濃湯熬製而成同樣味道非常濃郁跟拉麵嘅仲有溏心蛋同埋紫菜呢個價錢來講性價比絕對非常高！⭐️總括而言 呢間拉麵店真係親民至極無論價錢定質素都冇得輸喺大埔來講真係數一數二🌟

大埔墟火車站附近幾分鐘就到既 日式拉麵店 之前 試過佢地個一鳴食堂都唔錯 今次就試埋個拉麵先拉麵可以由湯底 麵款 麵質 配料 都可以自由選 價錢唔貴 好貼心 一鳴拉麵 湯底係豬骨 一啲都唔係死咸 質地好濃好厚 好掛麵 溏心蛋好有醬油味 黑蒜鳴拉麵 黑蒜油豬骨湯底 黑蒜油好香濃 豬軟骨 好淋好入味 鰻魚串燒 醬油唔咸帶少少甜香 食落鰻魚味好香 唔會得醬油味禁 肉質好滑好嫩 唔錯士佐豆腐 雖然 細細粒 但千祈唔好一啖放入口 因為 裡面個豆腐好滑好熱既 記得咬一半 放凍食 門面裝潢好日本風 但係 整體拉麵到小食一啲都唔伏 仲幾好味 價錢又唔係貴 性價性高

大埔平民美食雲集，今次我就揀左間日本拉麵店，價錢相當經濟，午市時間一個拉麵都只係$68咋!!! 令人相當好奇，到底呢個價錢可以食到咩質素既拉麵小店日式既裝潢，由趟門到店內既枱櫈都以木為主，並且擺放住藝妓公仔，再配上柔和既燈光，有種令人放鬆既感覺😌本身想試埋呢度既大阪燒、章魚丸子，但原來晚市先有😣…咁今次唯有試左拉麵先啦。其實我係想試香菜鳴既，不過由於朋友唔中意食芫茜，所以揀左再普通既一鳴拉麵，而好辣既朋友就揀左焰鳴拉麵一鳴拉麵 (普通麵質太麵、多蔥、豬軟骨、豬骨濃湯) $68第一眼望去感覺配料幾多，唔單止蔥多，連豬軟骨都幾多，完全見唔到麵!! 😯溏心蛋非常誘人，蛋白滑嫩，蛋黃香😋；湯底唔會好杰，食完唔會有黏口感，個人覺得咁樣岩岩好。由於食少少辣，所以點左一隻辣椒仔既唐辛醬；未撈之前D湯比較清淡，撈左之後，覺得有提味既效果🤤豬軟骨份量都唔少，不過就碎左D，而且感覺炆得未夠耐，軟骨位仍然硬得制😐；焰鳴拉麵 (硬麵質太麵、普通蔥量、叉燒、秘製地獄醬豬骨湯) $68一直我都比朋友食得辣，但佢呢碗兩隻辣椒既拉麵，真心頂唔順，真係好辣!! 😣而且佢既辣嗆過豬骨既味，飲落除左辣之外，就無其他嚕，所以

🐰專業感想🍜06 April 2018💮住開大埔既朋友會知道 多數附近都係茶餐廳 搬字號鋪 而嗜食拉麵既就一定會想一試大埔人氣店既一鳴拉麵 餐牌入面有5款味道既拉麵而今次就揀左豬骨既一鳴同芫荽味既香菜。鳴 仲叫左一個小食名物Jumbo芝士玉子拌 🌕🌕🌑🌑🌑本來好大期望既jumbo玉子燒 黎到果然仲大過我個拳頭👊🏻！😳不過等左都幾耐 面頭既芝士蛋好嫩 味道係平時章魚燒入面亦好多章魚🐙饀 芝士偏小 粉漿偏厚 唔夠鬆軟 比較大粒所以個皮都比一般既章魚燒硬一鳴拉麵 🐖骨濃湯拉麵湯:🌕🌕🌗🌑🌑豚骨湯飲落好香滑 不過味道就唔算好濃 比起一般既豚骨湯底佢偏向乳白色 唐辛醬揀左2度 辣度好微 十分惹味 同叉燒好夾料:🌕🌕🌑🌑🌑一般拉麵既料不外乎係紫菜 味玉 荀 葱 等 但一鳴既拉麵仲包含一隻帶子 實在好驚喜🤔雖然係有啲奇怪 但幾有新意 因為多數拉麵鋪可能係特定既味道先有 e.g.帆立貝拉麵？叉燒既口感腍身 味道不過不失 但脂肪比例過多 肉位得好小隻溏心蛋做得唔錯 食落罕有地入味 而且食得出微微既酒味 好清新 唔錯麵:🌕🌕🌗🌑🌑麵有2款 揀左直麵 硬度揀左軟 食落似普通硬度 口感比較煙韌 麵既分量啱啱好

lunch time想食拉麵o既關係與同事們選了這間頗隱蔽的拉麵店下午1點的時間可能店舖位置比較難發現只有兩圍枱客人不用等位與其他日式拉麵店一樣是用剔剔紙 選定自己喜歡的湯底、麵質、味道等等今次選了原味豬骨湯叉燒拉麵（直拉麵）入紙後親切的店員姐姐先上每人一隻半熟蛋給我們再補充 蛋是送的 吃完可以再叫（我和同事都有點suprise，真的嗎？）不久就上了我的 一鳴拉麵湯可以再濃一點半隻糖心蛋味道夠叉燒 有點焦香麵身都剛好不過麵份量其實不多店員姐姐上菜時又跟我們說拉麵不夠的話 是可以免費加麵底的不是吧 太抵了不過 最後都沒有再加蛋或者拉麵因為已吃了一隻半蛋有點over了整體來說以這個價錢可以re fill 的話真的十分抵店員亦十分友善不過忘記了問店員姐姐是否限定promotion呢

突然好想食拉麵，於是就搵咗呢間一鳴唻食個午餐一睇menu 有啲失望，本來有四款拉麵但午市只可以揀兩款，店員解釋因為午市做唔到咁多款，最想試既焰鳴無得試於是就各叫咗一碗湯都算濃郁，麵叫咗直麵，豬軟骨比叉燒味道好，總括唻講不過不失店既裝修就好有日式拉麵店既味道，值得欣賞

第一次到此光顧老公點了一鳴拉麵,,最基本的豬骨湯底,,配木耳﹑叉燒﹑紫菜&溏心蛋我則點了酷鳴拉麵,,是墨魚汁湯底,,配木耳﹑叉燒﹑紫菜,,生蝦,,蟹籽&溏心蛋我點了直麵,,老公則點了曲麵~~先飲一口湯,,墨魚汁味很香很濃,,喝到底也不覺太鹹~~麵的軟硬度適中~~且掛湯~~叉燒稔滑,,不會太肥~~生蝦可能浸得太耐,,慢慢變熟...吃不出蝦的鮮味!!蟹籽混進湯裡...不是平時脆脆的口感..不加比較好!!我和老公覺得最最最最最正之處是原隻溏心蛋!!!一來外層滷得入味,二來就是一咬開,,蛋黃從內裡流出來,,超好吃>0<!!!平時吃的拉麵都是半隻的,,想不到全隻的如此美味!!