鴨仔冰室

Open Now

Now Closed

星期六近近地去咗觀塘食個晚餐，我同呀媽揀咗愛琴坊入面間「鴨仔冰室」，因為之前經過見幾多人食，價錢又大眾化😊。我哋晚上六點鐘去到，時間尚早無乜人，但坐多陣都開始多其他食客。佢算係Food Court入面唯一有店員送餐嘅餐廳，其他均係自助形式，不過佢都唔洗收加一服務費👍。餐廳主要提供全日套餐All Day Menu🍽，即係主食加是日餐湯／沙律同飲品，價錢介乎$65-$188。燴飯餐平啲，招牌鐵板扒餐就貴啲。另外，仲有前菜小食可以散叫，圖片中嘅食物好吸引🤤。環境方面，餐枱夠大，坐得舒服，而且仲好懷舊咁用上紅白格仔枱布，幾有特色😜。個場燈光偏暗，所以每枱都有盞枱燈，懶有情調。我哋一人叫咗一份套餐再額外另加一個小食，食到勁飽勁飽😋。是日餐湯係忌廉粟米湯🌽，湯品熱辣辣送上，並用個好似壺嘅碗裝住，飲到有好多粟米蓉。小食要咗鵝肝配多士Pan-fried Foie Gras($48)，哇兩塊鵝肝都又厚又大塊，簡直係巨無霸Mega-size😧，仲大件過多士。雖然佢就唔係煎到入口即溶嘅口感，但都唔錯嘅，加上佢落咗黑醋汁吊味同有沙律菜伴碟。我媽係咁話勁抵，因為自己買都唔止呢個價。L08焗三文魚柳配薯蓉Bake

前菜點了香醋汁沙律，醋汁不太多，我 Like，撈起味道剛好。芥末汁雞胸意大利飯，飯汁Creamy，入口味道不錯，本來還怕雞胸”鞋口”，食落又唔會喎，我傻傻地，將雞胸𡁻多幾啖，雞肉甜甜的👍🏻唔錯！芥末淡香，食落好舒服。Risotto 好有咬口，好味道！再食埋甜品就滿足喇！今晚食丹麥朱古力餅，好似朱古力磚，不太甜，連餅食不錯。

傍晚時，看到天色稍為轉好，在觀塘逛街的我立即和男朋友到海濱長廊吹吹海風，呼吸一下新鮮空氣。下完雨的空氣特別好聞，慢步着而吹着涼風，心情特別輕鬆。散步後又到晚飯時份，我們就在牛頭角附近尋覓一下餐廳，走到鴻圖中心內看到這間「Ugly Ducking Cafe」，就被這隻「醜小鴨」吸引了。「醜小鴨」是一間平民價的西式餐廳，位於牛頭角工廠大廈附近，可以想像到平日一定非常多人。Dinner Set 都是$100 左右就有交易，我和男朋友就當然唔執輸。☍ 1. 白酒忌廉藍青口Ugly duckling 的頭盤非常抵食，一份青口都是__。青口煮得非常入味，蒜蓉及忌廉味將青口重重包圍，好味得要連青口殼都要吸乾。☍ 2. 是日餐湯Dinner Set 的前菜可以選擇餐湯或者沙律，向來愛湯的我當然要點一份粟米忌廉湯。餐廳的份量足夠，而且濃郁，非常開胃。☍ 3. 丹麥豬扒配薯蓉看到醜小鴨上披着丹麥國旗，我們就當然要試一下這裡的丹麥豬扒。果然，豬扒的肉質爽口彈牙，而且燒得恰到好處，完全不會過韌。加上豬扒的肉汁豐富，一塊高質的豬扒絕對不能看少。另外，薯蓉的份量亦非常大份，必須要二人分享才能夠完全吃掉，非常邪惡。

過觀塘搵朋友收工聚一聚，唔駛自己諗當然由地膽帶我去搵食啦～行吓行吓嚟到一棟棟工廠大廈？入到鴻圖中心裡面好似個food court咁，有唔同嘅種類嘅餐廳選擇，我哋就揀咗呢間有可愛鴨仔吉祥物嘅西餐廳。招牌西冷牛扒$158跟薯菜🥩，叫五成熟嚟到掛住影相搞到熟晒哈哈！嘩可以加鵝肝$28成件事即刻高級咗十倍，鵝肝仲有返咁上下份量！朋友就叫咗焗三文魚柳配薯蓉$108🐟，件三文魚好厚兼大件而且焗得啱啱好，滴晒汁好好味啊！晚餐會跟埋餐湯/沙律同飲品。想讚吓服務係好周到的✨，食完一道先上一道，唔會chur住上晒全部，可以每一碟慢慢品嘗幾抵讚！

一向對鐵板餐有種情意結，這晚就來到位於觀塘的The Ugly Duckling鴨仔冰室鋸扒。餐廳環境開揚，坐得舒服自在。全晚一直播著The Beatles 的黑膠唱片，營造出懷舊的氛圍。餐牌選擇雖然不算多，不過價錢親民，而且不收加一服務費。天花板還掛著胖胖的黃鴨，可愛又趣緻。所有套餐包括是日餐湯或沙律，油醋沙律口味清新，健康又開胃。忌廉粟米湯口感柔滑，調味不過鹹，更能突出本身的甘甜味。丹麥肉丸 $38肉丸一口一粒，形狀圓潤飽滿，煎得外皮焦脆。肉丸口感紮實不鬆散，一口咬下立即溢出豐富肉汁。印度烤雞配薯條 $98烤雞size 頗巨型，色澤豔紅，舖滿微辣香料，別具異國風味，味道濃郁而又辣度適中。烤雞燒得夠乾爽，尤其是雞脾位夠啖啖肉，肉質嫩滑，沒有絲毫雪味。厚切薯條炸得外脆內軟，不會過於油膩，完全吃到停不了口！美式什扒 $158上菜時，鐵板熱氣逼人，倒下醬汁時，接觸到鐵板的一剎那，滋滋咋咋，煙霧瀰漫，即時香氣四溢。而且最欣賞這裡的鐵板夠熱，吃到最後依然保持熱盪溫度。什扒就是肉食大包圍，有齊火腿、司華力腸、煙肉、豬扒和雞扒，肯定可滿足各食肉獸，重量粒份量極之飽肚，配上黑椒汁尤其惹味。丹麥朱古力餅

今日早左一粒鐘收工，即興約左個係官塘返工既舊同事食飯，佢推介左呢間丹麥菜話食過一次覺得唔錯，但lunch hour行過去太遠所以平時無乜機會食，今晚一於同佢試下啦！😀我叫左個大蝦牛柳拼薯蓉，朋友叫左個丹麥豬扒拼薯條，另外跟餐加左個丹麥朱古力餅share～我嘅大蝦牛柳薯蓉分量都幾大，勁多薯蓉，入口幾滑，重奶味同幾creamy，但又唔會話好膩👍牛柳都好有份量，外層香脆裡面juicy，唔錯唔錯😁 不過就略嫌隻蝦有啲啲唔夠爽😅朋友話丹麥既豬出名靚，而且佢係一個薯條精，所以呢個餐岩晒佢🙈 豬扒幾嫰滑，薯條好厚實，佢話食完勁飽😂 好抵食，而家呢間餐廳係極少數唔駛收加一既西餐👏👏最後就係個丹麥朱古力餅，連個碟都係凍嘅😁 裏面嘅朱古力入口細滑，中間係夾左層酥餅，味道係好食！不過我自己唔太食得甜食到後尾就覺得有啲“漏”，但我對面果個食得非常滋味清晒😂😂 我強烈推介呢個甜品俾chocoholic👏👏👏

行完山黎到觀塘食晚飯，被鐵板扒吸引左入左去食，而且免收加一。我叫左大蝦牛柳，男朋友叫左招牌西冷牛扒，加左$20要丹麥朱古力餅。每個套餐可以揀餐湯或沙律，包一杯餐飲。我揀左沙律，好大碟，份量好多。餐湯係忌廉粟米湯。大蝦牛柳要左燒汁，淋落去咋咋聲，真係好耐冇食啦。我揀左意粉，有唔少蔬菜，有大蝦又有牛柳，好豐富。牛柳要左五成熟，唔會好韌。西冷牛扒好大塊，邊邊有條肥膏，五成熟配黑椒汁。男朋友揀左薯菜，炸到好脆，好食。丹麥朱古力餅食落好似食緊朱古力磚甘，朱古力味濃，但幾硬。最後飲埋凍檸茶。