鐵牛台灣牛肉麵 (希爾頓大廈)

Open Now

Now Closed

星期日尖東有活動，忙到2點幾搵嘢食。之前都有食過鐵牛下午茶，感覺還不錯，所以今次再食鐵牛。尼間鐵牛係中銀隔離，行落去，無乜人，好嘢。侍應安排咗座位，要自己落單，並且先結帳後上菜的。先上飲品杞桂圓紅棗茶飲到桂花味，紅棗味，入面有2粒圓肉，感覺幾健康嘅，但太甜，如果可以減少少甜就啱啱好。跟住，上麵主廚私房牛肉乾拌麵碗好大，麵比較少，尼碗嘢79蚊，略貴。材料：2片午腩，2條牛根，2片牛展味道：無乜唔好，都無乜特別好，中規中矩問題：麵未煮熟透，扣曬分麵條中間仲有白點，未熟透服務：完全欠奉，三個女店員仲係度大大聲講嘢，夾雜住粗口字眼。唔通客人唔多時可以咁放肆？總結，不會再來尼間鐵牛食

這間位於尖沙咀加連威老道的鐵牛，每次經過也都會被它的名字和外貌吸引著，今天經過冇人排隊立即沖入去試一試😆招牌紅燒牛肉麵 - 麵質Q彈，味道香濃而不鹹加上小小辣椒油立刻把味道提升不少，金錢𦟌炆煮得十分軟腍，入口即溶主廚私房牛肉乾拌麵 - 乾拌麵味道帶甜和紅燒牛肉麵完全是兩種味道而秘制牛腩煮得爽脆和金錢𦟌完全不一樣，而香滑牛筋煮的時間剛好完全沒有過火過腍有少少咬口，美中不足的是麵煮的時間不夠竟然沒有煮開，還是一嚿嚿真的有點可惜😒芋香珍珠奶茶 - 芋香濃郁加上煙韌的珍珠，不錯😋

原本朋友約定今晚晚餐。但放工後，要到尖東購買海洋公園門票，所以先約定在尖東區集合。順道去拍一拍＜２元特惠站＞，為求慳得一蚊得一蚊囉！當時肚子很餓，剛離開該拍咭的商場，就看到餐廳招牌。還有一列的食物圖片。真係引死人！反正朋友對台式麵ＯＫ，一於在這裡晚餐吧！來到地庫餐廳，職員呈上點菜紙，並講解是：點選食物後，先到收銀枱付款，食物就會送到。要開始計劃點哪款了。肚子很餓，每人要一碗麵及飲品，再配一份小食。份量應該夠吧！我倆都很喜歡牛肉，看到＜主廚私房牛肉＞系列，有牛腩，牛展及牛筋。　一次滿足三個願望，所以大家都想要＜主廚私房牛肉＞。朋友想要拌麵，自己則要湯麵。　　　　　　主廚私房牛肉乾拌麵　真的有牛腩，牛展及牛筋呀！表面有青瓜絲及鹹酸菜。先將麵條與醬汁撈一撈，朋友分了一碗給我。又真是少少甜，少少鹹，不太熱，保証不會流汗，很適合夏天品嚐。　　主廚私房牛肉(湯)麵　　　與拌麵一樣份量的牛腩，牛展及牛筋，按著既定的角度，排在上方。這三款主廚私房也許是品質的保証。　　先嚐牛筋：軟棉棉，滑LUT LUT，無需太多牙力，似食啫喱。再到牛展：這是直切的牛展，有別於平時横切的金錢展。直切的牛展，更能感受到鬆軟

老婆上堂，知道今晚得番一支公食飯，所以，就趁機約埋保險經紀傾嘢，又一次過搞埋其他私事，待完晒之後就搵間餐廳舒舒服服食番餐。因為完晒事時身處尖東，順便到半島中心拍卡慳兩雞，出嚟見到對面好似有間新開嘅台灣麵店「鐵牛」，望入去都幾人氣 ，喺值搏嘅指標。雖然佈局屬「大眾食堂」格，全部都喺自由席，但一入門口都會有侍應招呼及安排入座，而且，裝修倒喺幾骨子。一張點菜紙就睇晒有咩選擇，台灣湯麵、便當、特色乾拌麵、鮮蕃茄麵、台式麻辣湯麵 、小吃、小菜、台式特飲、汽水、啤酒……等等一應俱全 。雖然另備有印刷精緻嘅餐牌，不過，無太多菜式嘅相片佢參考，覺得未有好好利用嚟吸引客人嘅眼球。而依度點餐有啲特別，晌點菜紙剔好食物後，要到門口櫃位俾錢，之後，就由侍應將食物逐一送上，每送上一樣嘢都會劃一劃單，直至送好晒所有食物佢哋就會收走張單，以表示依枱客無欠未出嘅食物，個管理系統又幾好喎 。食完又唔晒嗌埋單，即閃走人！ 黃金梅子脆薯 $32 晌台中食過一次，新鮮即炸嘅蕃薯，灑上金梅粉，超正。今次再遇，即成為心水必叫嘅小食，蕃薯炸得金黃，入口粉香唔油，不過，熱度差少少，但灑上大量金梅粉，酸酸甜甜，一樣覺得好