千鍋居 (Closed)

復活節假期的第一天, 街上明顯冷清清與三位好友相約聚一聚, 友人介紹到千鍋居食雞煲七時半到達, 餐廳只有數枱客, 我們被安排坐卡位, 望向街景店員推介 : 南乳粉絲蝦煲蝦鮮甜而粉絲好入味(有南乳汁) 乾鍋肥腸我不食肥腸, 友人們說: 肥腸煮得不好!唯一沒吃光的一道菜 九制豬手豬手炆得剛好, 帶少少酸 (用了酸梅) 招牌胡椒豬肚雞鍋 湯有少少胡椒的辣味, 雞好滑嫩食完雞鍋可以加火煱配料之後店員會加雞湯做火煱湯底!餐後: 送木瓜雪耳糖水千鍋居 總結: 值得一試!

與朋友暢聚歡送2013, 到千鍋居試試其知名的招牌鍋煲, 其實它都有火鍋供應, 但大部分客人都為招牌鍋而來。地方&座位寬敞, 見各枱都坐得頗舒適, 枱夠大可同時放幾個鍋亦無問題, 服務員招呼也算周到; 食物方面, 雖不是有好大驚喜, 大致上都沒有失望。(1) 九制豬手 - 酸酸甜甜, 好開胃, 豬手做得軟綿, 幾乎入口即化 (2)招牌醬油碌鵝 - 也是輕微酸甜的, 整鍋滿滿的,初時大家都以為應該墊了些蘿蔔或芋頭之類的, 怎知全鍋都是鵝, 絕不欺場, 反而發現鍋底有些酸薑, 解膩一流, 鵝肉幾有咬口,可惜肥膏多了些(3)胡椒豬肚雞煲 - 胡椒辣味恰到好處, 湯有胡椒香味之餘,卻不會太辣, 豬肚&雞輕輕滲了胡椒香味, 非常Good, 接受到少辣的,也可試(4) 煎魚咀 及 啫啫芥蘭煲 - 魚咀大大個但太少肉, 啱送啤酒, 芥蘭煲太正常太普通(5)炒糯米飯 - 每粒飯都炒得上色, 飯質不同一般糯米飯的質地, 不是黏黏的,可多吃幾碗也不太膩, 幾香味, 不過油落得重手了點喇。價錢輕微貴了一些, 幸好味道搭夠, 也不失望。

男朋友之前食過一次後就成日掛o係嘴邊話好好味. 是夜決定同佢與及佢個朋友仔一齊黎睇下係咪咁有料.入到去. 環境幾寬敞. 一行3人. 因為之前已經book左. 佢畀左卡位我地. 男朋友o係book既時候已經order定佢既招牌粉葛鯪魚豬肉湯.招牌粉葛鯪魚豬肉湯男友極力推介. 確係好飲. 無味精. 用料十足! 推!九制豬手本身我唔係好食豬手. 試完一舊都忍唔住食多2舊. 皮肉鬆軟. 又甜甜地. 送飯一流啫啫芥蘭鍋上菜時阿姐會o係旁邊兜幾野. 感覺好似再惹味D忘記了是什麼名堂的bowl仔飯.初時我地諗住嗌. 阿姐remind我地尼個係4-6人份量. 好似怕我地食唔晒. 我地話唔緊要. 反正有2位男士在場. 應該食得到. 點知中伏. 原來岩岩好3碗飯. 無多無少=.= 下次一定唔會再叫. 一來口感唔特別. 二來唔值尼個價錢 ($128 or $138)總括而言: 係男人既高級飯堂. 唔岩我尼D甜品當正餐既人

作為一個近貼OPENRICE嘅新晉食家，難得今晚一班中同聚首一堂為一個朋友「慶生」，仲唔拉佢地去位列OPENRICE「餐廳排行榜」三甲嘅千鍋居試吓菜？話說我早前BOOK咗10位，一去到就有位，唔須要等。由於新開張不久，地方好新淨而且寛敞，可算係一個同一大班朋友們用餐嘅好地方。******************************好，入正題。重慶麻辣雞煲（半﹣＄138），雞煲配料有莞茜､大蔥､辣椒碎､花椒粒，而花椒味特別突出，所以整個雞煲都麻麻辣辣，令人流哂口水，相當惹味；不過雞件比較細少，唔夠啖啖肉，如果可以改善呢一點，呢個雞煲值一百分！酸菜桂魚鍋（＄238），我首先食桂魚就被俘虜咗，真係好美味！酸菜、芽菜同桂魚片可算係絕配，桂魚片非常軟滑，由於魚片冇骨，我食得安心又放心！魚片的酸菜味令人胃口大增，朋友們對魚片都讚口不絕；不過湯水味道過份地濃烈，酸到有點苦味，我接受唔到。花蛤蒸水蛋（＄88），呢個花蛤水蛋真係欺騙我嘅感情，首先花蛤同水蛋兩種味道根本沒有融會貫通，好似硬生生地放埋一齊，水蛋蓋過花蛤嘅鮮味，花蛤得幾隻，有幾隻入邊更係空殼！唯一安慰係水蛋煮得滑，我食咗成碗白飯都係因為個

作為一個近貼OPENRICE嘅新晉食家，難得今晚一班中同聚首一堂為一個朋友「慶生」，仲唔拉佢地去位列OPENRICE「餐廳排行榜」三甲嘅千鍋居試吓菜？話說我早前BOOK咗10位，一去到就有位，唔須要等。由於新開張不久，地方好新淨而且寛敞，可算係一個同一大班朋友們用餐嘅好地方。******************************好，入正題。重慶麻辣雞煲（半﹣＄138），雞煲配料有莞茜､大蔥､辣椒碎､花椒粒，而花椒味特別突出，所以整個雞煲都麻麻辣辣，令人流哂口水，相當惹味；不過雞件比較細少，唔夠啖啖肉，如果可以改善呢一點，呢個雞煲值一百分！酸菜桂魚鍋（＄238），我首先食桂魚就被俘虜咗，真係好美味！酸菜、芽菜同桂魚片可算係絕配，桂魚片非常軟滑，由於魚片冇骨，我食得安心又放心！魚片的酸菜味令人胃口大增，朋友們對魚片都讚口不絕；不過湯水味道過份地濃烈，酸到有點苦味，我接受唔到。花蛤蒸水蛋（＄88），呢個花蛤水蛋真係欺騙我嘅感情，首先花蛤同水蛋兩種味道根本沒有融會貫通，好似硬生生地放埋一齊，水蛋蓋過花蛤嘅鮮味，花蛤得幾隻，有幾隻入邊更係空殼！唯一安慰係水蛋煮得滑，我食咗成碗白飯都係因為個

今次同學聚會揀了左敦的千鍋居，平時我地的聚會都好難搵位，次次十幾人，一係要等好耐，一係要分台坐，今次來到千鍋居居然吾洗等。上到去經理幫我地搵左張大圓台，台與台之間條走廊超闊，真系成條走廊甘，坐得好舒服。周圍的裝修都好有心思，見到D舊相片，仲有好大隻gie雀籠，好有意境阿。呢度大部分的菜色都系鍋物，因為第一次來唔知叫咩好，就叫經理介紹下。經理首推蟹雞煲，食落D雞好滑，雖然隻蟹吾係好大隻，但都好肥，好實肉，真係估吾到雞同蟹原來咁夾。食到咁上下，經理行埋來，話幫我地勞烏冬。原來D蟹同雞只係配角za，湯先係精華所在。烏冬索晒D汁，真係好正。我地仲叫多左一碟烏冬，一滴汁都冇浪費。另外一樣值得推介的係九制豬手，單係聽個名都覺得好開胃阿。D話梅酸酸甜甜，豬手煮得好入味，一D都吾肥膩，我平時吾食肥肉，今次都忍吾住食多件。不過份量吾係好多，最適合3,4個人食。我地咁多人，真係手快有，手慢冇。其他菜都好好味，不過吾係好記得D名，哈哈。總之我地碟碟清晒。服務都幾好，時不時有人幫我地換骨碟，添茶。可能係開張，埋單果陣經理叫我地俾下意見，話遲D仲會推出新菜式，叫我地記得來試。下次聚會有多左個地方囉。

哈哈3年無出食評，太懶了!!專登上返黎因為朋友請大家食左餐好味東東，要表揚一番!! 餐廳開業短短1個月，已經聽聞過此店水準唔錯，仲上埋雜誌添，所以朋友一話請我地黎千鍋居，就滿心期待了啊。餐廳裝修簡潔企理，每枱均設一個電磁爐，仲有卡位可以自成一閣，坐得幾舒服的。大良蟹雞鍋 $278不愧係招牌菜，一上枱就香噴噴而且雞肉嫩滑，雖然蟹唔大隻, 但蟹鉗相當鮮甜入味! 最後加入烏冬，索晒D湯汁超好味啊，一個烏冬實在唔夠喉!!花蛤蒸水蛋 $88自細鐘意食蒸水蛋，但係加入花蛤既水蛋真係第一次食啊! 花蛤鮮甜味完全滲入嫩滑水蛋，簡單美味，係全晚最受大家歡迎既菜式!!醬油碌鵝砵 $148另一招牌菜亦頗受大家歡迎，碌滿秘製醬油既鵝肉非常肥美而且軟腍惹味。椒鹽蝦 $128蝦肉新鮮爽彈配上蒜香椒鹽當然十分美味! 食剩2隻時驚覺碟上既椰樹圖案原來係師傅用醬油畫的!!! 好有心思啊!清湯崩砂腩煲 $148湯極清甜，牛腩非常軟腍且帶脂香，蘿蔔又入味，大家都好驚喜。九制豬手 $88向來唔太鐘意食中式豬手，俾面淺嚐一口haha。豬手炆得軟滑，店員聲稱甜味全來自話梅，絕不額外加糖。個人認為醬汁偏甜，如果酸D可以更開胃美味。

平時睇食評睇得多, 今次第一次有衝動上黎openrice自己寫黎篇星期六晚同成班朋友7個人黎左呢間餐廳食飯~ 因為本身未聽過呢間餐廳, 陣係知道係粵菜, 所以無乜expectation. 到左餐廳之後, 覺得餐廳既裝修設計都好簡潔好清新, 有的"竹林深處人家"既感覺, 而且服務人的態度好親切, 又helpful, 抵讚!!更抵讚既係d 食物!! 一睇餐牌已經有好多野想試la! 可能平時出街食飯唔係食日本野就係食西餐, 同埋打邊爐, 所以覺得粵菜ge 菜式原來都幾多花款, 同埋冇我想像中咁傳統, 都幾特別~~~ 朋友介紹左好多招牌菜, 但係因為我地呢班朋友好多都唔食魚頭, 就無叫到呢樣。最後我地都叫左好多餸大良蟹雞鍋初初唔知雞同蟹點可以煮埋一鍋, 原來的味可以咁夾!! 蟹肉又甜又嫩, 的鮮味入晒雞肉度~~~ 最後加左烏冬的汁索晒, 好入味好正!!! 果然係招牌菜~~~ 如果隻蟹大隻的就好LA~~花蛤蒸水蛋呢個係全晚我最鐘意既菜色, 真係好好好好好好味... 的蛋好滑, 仲有花蛤既海鮮味, 我想一個人食晒成碟!九制豬手用左當歸呢D對女性好既材料, 仲有啖啖骨膠原既豬手, 煮得好夠林, 而且