金牌小龍 (Closed)

金牌小龍在The One時期經常拍拖光顧，貪其抵食見稱~ 今次趁喺i Square睇完戲，再次黎晚餐!睇睇餐牌，當然少不了小籠包~本想點黃油蟹小籠包，但原來過了時令季節，沒有供應。只好改點蟹粉小籠包。一客5個，皮唔算薄但軟滑，唔會一夾就穿。一啖入口肉汁跟蟹粉流出~紅燒豬手係每件計，$10件好經濟，豬手係豬既前爪位置，軟身入味，豬皮充滿彈性，滿滿骨膠原!脆皮松板豬($52)，即係豬頸肉。煎得外層乾身香口脆邊，肉質爽口紋路如霜降。加入雪菜既黃魚麵，如黃魚用碟分開上檯會更好。紅紅的水煮牛肉，薄切的牛肉吸收了花椒油既香麻味，分外嗆口。底下放有芽菜，幼身既瀬粉比平時食既水晶粉更滑更入味，有質感~一客六隻既九層塔鍋貼，底部煎得非常香脆，醉雞，花雕酒味濃，酒香滿溢，帶點人參既清香，香而不太辣既酸辣湯，木耳、滑豆腐、肉絲、筍絲等等，用料頗多，芡汁調得剛好。流感高峰期喝一盅養生燉湯就最好不過，點了健脾胃的原盅茶樹菇排骨湯，清清甜甜，補而不燥。

今晚和男友出外晚餐，經過ISQUARE發現一間不太貴的上海菜，所以即管入去一試*金牌小籠包 ($38)$38/5個小籠包，定價不會太貴；小籠包皮厚薄適中，沒有一隻是穿的；中間的湯汁和肉團很鮮甜。*九層塔鍋貼 ($38)鍋貼就吃得多了，不過主要用香草來做餡的就很少見；九層塔的味很香濃，配上豬肉都沒有違和感。*炸排骨 ($38)豬扒可以再炸得脆一點，不過尚可接受。*鮮蝦紅油抄手 ($45)鮮蝦雲吞很爽滑；紅油汁醋味都算濃，不會太辣。*蟹黃麵 ($138)蟹黃汁上枱的時候才淋上麵條上；麵條偏軟身；蟹黃汁很香濃，鮮甜。*炸醬拌麵 ($38)上海式的炸醬，不會太辣，味道都算開胃。*豉汁蒸黃花魚 ($62)黃花魚蒸得剛剛好熟，魚肉很嫩滑。*熔岩小籠包 ($34)來到甜品時間，點了一個這裡獨有的熔岩小籠包；熔岩小籠包裏面是朱古力醬，很特別，可以一試。

今期美食巡禮推介的特色小食包括：微辣酒味不算太濃，入口剛剛好。口感有彈性，如同吃醉豬手一般。但就再矝貴一點，因為一隻豬只有一條豬尾，但有兩隻手。鍋貼煎到金黃香脆，配上九層塔新香的口感，比韮菜更香濃。它已即時登上榜首，成為鍋貼界的盟主。蟹黃小籠包，差一點點也可登上推薦榜，即叫即蒸，熱騰騰又皮薄，帶著一點蟹黃味。可惜，師傅扭皮技術還是差了一點，皮尖一點空間也沒有，不能從頂放醬汁入皮內。黑芝麻包在坊間也少見，餡料主要有黑芝麻和糖。可能由於黑芝麻油關係，覺得有點油膩。我估計這是真正手工製作，搓皮時力度有點不均勻，大部份口感鬆軟，但有一兩口覺得太煙韌了。總體而言，它就是差了一點點才值得推介。其他主食，就比較平平無奇，酸菜肉絲麵，淡而無味。如果只按小食評分，它應獲得好評；以總體性評分，只能說是一般。