極尚大瀛喜日本料理

Open Now

Now Closed

仲有唔夠一個月就聖誕，是時候約朋友開始食聖誕飯，今日大家約咗去食放題，因為大家都有一段時間沒有放肆地食。餐店環境光猛，地方非常闊落，有多行卡位和長梳化座，所有卡位都好寬敞，坐得好舒適。自助區和飲品區都集中在中間，夠方便。我地揀咗晚巿放題特價時段，係由5:30pm-7:30pm，成人($268+10%/位)可任飲任食2小時，時間充足。飲品雪櫃超大，有不同牌子的茶、泡茶、汽水、果汁、紙包飲品、自家製食品、清酒和梅酒等，還有熱飲、熱茶、熱咖啡、朱古力等，超多選擇。百香果茶：酸酸甜甜，好開胃；美祿咖啡：少甜甘苦，提神一流。自助區食品冷盤小食有生果、味付螺肉、麻辣雞腎、沙律菜、熟青口、凍熟蝦、中華沙律等；熱食有酸菜魚、豉汁蒸鱔、炸丸子、紫米椰汁糖水、草蟲花雞湯等等。中華沙律、柚子白蘿蔔：爽口入味，好味!豉汁蒸鱔：又滑又肥美，仲好入味；酸菜魚：好味，魚肉滑溜，酸酸辣辣，兩款都要再encore次；點心：蝦餃好足料，大大隻鮮爽蝦仁；燒賣好有鮮肉香，得!QRcode 落單啦! 按類別點了以下食品：刺身赤蝦：大大隻，好鮮甜，微爽黏滑；帶子：柔軟鮮甜；油甘魚：爽口，滿有魚油香；希靈魚：啖啖爽脆，鮮甜美味。火

朋友生日揀咗呢間食放題，非常多人，我哋book咗位都仲要等15分鐘先可入座，店內以QR code 落單，除咗落單食物外，出面還有前菜食物及甜品選擇，食物種類都算多，上菜速度快，整體食物質素還好，我哋食得好滿足！

好耐無食放題，今日就同好朋友去老字號「極尚大瀛喜日本料理」食午市放題啦～首先佢嘅炸櫻花蝦配小龍蝦沙律餅真係無得頂啊！櫻花蝦超級香口，炸得好香脆，小龍蝦肉鮮嫩彈牙，一齊食真係好開胃，令人食得停唔到口！仲有一個我好鐘意嘅菜式係小鮑魚配凍鵝肝蘋果杯。小鮑魚煮得剛剛好，鮑魚嘅鮮甜味道同凍鵝肝嘅濃郁口感都好夾呀。再加上蘋果杯嘅清新口感，真係一個好有層次嘅小食。最後，我就要講下佢嘅火灼左口魚邊壽司同三文魚壽司啦！魚生新鮮，火灼得剛剛好，魚肉鮮嫩多汁，配上壽司飯同醬汁，口感好豐富。我自己一個都食左 7 件！

已經無嚟瀛喜放題一段時間.唔知而家係唔係同早前咁好食.咁多嘢食.今日係星期六.價錢係258元一位.未包加一服務費.一於同家人來個痛快大大放縱.好似啲大胃王咁食！我哋一行四個人.被安排坐喺四人卡位.座位寬闊舒服.桌面都幾大.一陣可以擺設好多食物！因為放題食品太多.好難每一樣逐個簡介.總之食物一定有上下質素.因為我哋已經來過好多次.次次都係大滿足離開😍👍首先我就介紹下呢度嘅地點：🚶🏻‍♂️👉📌極尚大瀛喜日本料理 (觀塘)觀塘觀塘道414號1亞太中心5樓

當想放肆咁食嘅時候，多數會揀去食自助餐或者放題，今晚就同男朋友去咗觀塘大??喜食放題，大家都留定肚要放肆咁食。地方光猛闊落，一行行卡位和長梳化座，所有卡位都好寬敞闊落，坐得好舒適。自助區和飲品區都集中在一個地方，好方便。我地揀咗晚巿放題特價時段，由5:30pm-7:30pm時段，成人($258+10%/位)可任飲任食2小時。我地先馬上用QR code落單點定一些食品，接着就去自助區，把握時間。先去自助區拎嘢飲。一排超大的飲品雪櫃，有不同牌子的啤酒、茶、汽水、果汁、紙包飲品等，還有熱茶、清酒和梅酒等，超多選擇，好正! 男朋友要罐果汁酒，我就有杯梅酒，梅味唔算突出，但不太甜，酒味都幾濃，不錯!再去自助區取食物，熱食有炸物、章魚丸、麻辣小龍蝦、豉汁蒸鱔、糖水和雞湯；凍盆有豬耳、雞腎、沙津菜、泡菜、中華沙律、螺肉、凍青口、凍蝦、卷物等等。我地一口氣拎咗四碟，有清爽新鮮的沙律菜、四款有創意的卷物、雜錦凍盆和豉汁蒸鱔。最鍾意係豉汁蒸鱔，又滑又肥美，仲好入味，我encore了兩三次。凍盆的麻辣雞軟骨夠晒爽脆入味；雞腎亦爽嫩入味，好味!刺身隨即上枱，點咗三文魚、油甘魚、劍魚腩、赤蝦刺身、甜蝦、希靈魚等

因為父親生日book咗七大一細食放題,一嚟到就食刺身,刺身質素都幾高,刺身蝦好爽,又有希靈魚,又有帶子,又有甜蝦同吞拿魚刺身,款式都好多.另外海膽手卷一口size都幾好,反而太大舊仲浪費,一口就啱曬!另外出面熟食自己攞嘅有個鱔魚都幾林嘅好食！另外下單熟食方面,羊架都幾好食,另外酒煮花螺同埋鮑魚都幾淋幾入味！另外牛舌串燒都幾好味！如果其中有人生日,佢地會送movenpick雪糕,有四款畀你揀,唔錯！

一般新界的朋友都選擇元朗的極尚大瀛喜，但聽朋友說觀塘店食物種類更多，所以一定要嘗一嘗。人均$200左右的午餐放題，確實值回票價！前菜、刺身、壽司、熱食料理、甜品樣樣非常給力，連清酒也提供實在驚喜。全場多個坐位，桌與桌之間又有足夠空間，人多也不覺得擠擁。刺身除了有我最愛的油甘魚，想不到貝殼類同樣出色，非常甘甜！小碟料理中，醉鮑魚和蒜蓉扇貝最受歡迎，我們也忍不住一再encore！肯定是一定會再回頭的餐廳😆🏠極尚大瀛喜日本料理 (觀塘)觀塘觀塘道414號1亞太中心5樓

收工好肚餓時，食放題絕對係不二之選。一坐位，當然點番盆刺身先😋。刺身選擇都唔小，有13款，三文魚、油甘魚、吞拿魚、北寄貝、帶子、希靈魚等等。刺身都好肥美同新鮮，特別推介海蜇刺身，好爽口。醉鮑魚：浸得入味，鮑魚size ok，而且唔韌鹽燒牛舌：其中一樣我必叫既野食，水準依然很好。蜜汁蒜香牛柳粒：份量都唔小，牛柳粒唔會overheat. 金銀蒜蓉醬蒸扇貝：爆多蒜蓉，元貝都好大粒。金湯酸菜魚：抱住中伏既心態食，竟然有驚喜，酸味同麻味加埋，好惹味，魚片亦都好滑。牛油炒粟米🌽+燒菠蘿：好平凡既兩道菜，但我次次都必叫。牛油粟米上菜時熱辣辣，而且撈滿牛油。燒菠蘿解滯最岩，而且好juicy。放題當然唔小得飲品，甜品同自助吧任飲任食。座位都寬敞，而且店員收碟速度都快。

疫情下的生日Lunch 🙈又大一歲啦，雖然今日回南天，濕濕哋咁，但都無阻我一個人去食日式放題既決心 😂對我而言，刺身不過不失，其中赤蝦，赤貝最鮮味，而最估唔到既係冰鎮花海蜇刺身，有口感(其實即係平時食開既海蜇頭)壽司方面，三文魚腩，油甘魚腩都唔錯，三文魚親子軍艦好食 😋 海膽手卷比較失望，除左海膽冇海膽味之外，最差既地方係塊紫菜淋左，咬落去個心真係好難受 😭今次放題，最出色既非熟食系列莫屬，當中最好食既三樣分別係：鐵板京蔥燒汁牛柳粒，吉品鮑汁扣花膠鮑魚，燒紐西蘭香草羊鞍，都係必食之選。其他既熟食都好唔錯，例如：古早味和牛丸湯，醉酒鮑魚，金銀蒜粉絲蒸扇貝 😘 至於天婦羅就不太推薦最後，甜品方面，朱古力蛋糕👍豆腐雪芭幾得意，一試無妨 😉

午市放題做緊優惠，當然要食下先得😍而家星期六日及公眾假期2點後入座，第二位半價👍🏻出面自助區都好多野食可以拎甜品區，有蛋糕，軟糖，雪糕雪條中式湯超足料，味道好濃郁😍飲品區：冷飲熱飲一律都有，罐裝紙包飲品，自家製飲品，仲有清酒梅酒任飲空位闊落夠舒服由於食物太多，未能全部介紹得晒，重點介紹部分刺身：食親放題一定全部都點晒，勁豐富😍有三文魚、油甘魚、劍魚腩、甜蝦、赤蝦、虎蝦、北海道帶子、酒煮榮螺片、貴妃蜜汁仿鮑片、赤貝、冰鎮花海蜇，種類多，整體質素唔錯👍🏻帶子同赤蝦幾鮮甜😋酒煮榮螺片同冰鎮花海蜇唔係間間餐廳有，都幾好味殿堂宴客醉鮑魚、吉品鮑汁扣花膠鮑魚：放題連鮑魚花膠都可以任食，真係好難唔食到回本🤪醉鮑魚食落彈牙，而且D酒香幾入味，而花膠大大塊好有口感🤤北海道黄金醬燒海虎蝦：已經開左邊唔使剝殼夠方便😆金銀蒜粉絲蒸扇貝：扇貝幾大粒，而且係用我中意嘅金銀蒜粉絲黎煮，勁惹味😍壽司/卷物：選擇眾多，揀D想食或者特式嘅黎食下，點左油甘魚腩壽司、黑松露赤蝦壽司、蒜香牛肉火灸壽司、醬燒極尚帝皇蟹棒火灸壽司、忌廉芝士大蝦卷、牛油果軟殻蟹巻、芒果龍蝦沙律卷、蔥粒吞拿魚蓉軍艦、辣味三文魚軍艦，質素唔錯，唔會D飯

今次電話訂枱訂左星期六5:30pm可以食兩個鐘$220加一、星期六嚟講又唔算貴。佢應該五點鐘開始因為上到去已經有人食緊，啱啱開始唔算多人但去到七點幾已經差唔多爆場。⬇️出面飲品小食區好似多選擇過以前、有凍蝦同埋凍青口仲有煙燻鴨胸。仲有我最鍾意嘅蠔油豆苗帶子仿鮑片不停新鮮出爐任拎，老火湯應該係蟲草花都飲咗兩三碗。刺身同埋壽司都同以前差唔多、炸物熟食都係好快上枱，等得最耐係炸榴槤。今次遇到嘅收碟同收錢姐姐都好有禮貌、佢仲話我哋嘅戰鬥力好低好快就好似飽咗！送嘢食嚟嗰啲哥哥係冇乜反應可能已經行左幾百轉攰到喊。⬇️花膠、咖喱炒蜆、白酒煮花螺、天婦羅、炒牛柳粒、香煎銀雪魚、切件鰻魚、冷烏冬或者肥牛煲都仲有 ⋯ 甜品除咗嗰個熱食嘅椰汁乜鬼之外、出面啲雪條雪糕飲品都可以塞爆你個肚。都食得開心嘅 ⋯ 真係飽左成晚。不過阿媽有一樣野唔滿意佢話女廁全部冇廁所板、如果係阿婆嗰啲去廁所就唔知點算 😩 個個扎馬到腳軟。

一早訂了午餐，店舖位於亞太中心，與APM並不相通，如果由商場過去，要搭升降機到地面，再走過去。11:50am已經可以入座。可惜二人位太窄，放不下太多食物，建議坐二人枱，一次點餐不能點太多，又忙著要清空枱面，吃得很匆忙。自助區食物很多選擇，由於胃部體積太小，甜品區的甜品幾乎都沒有吃過。食物高質素，總覺得百多元的價錢，店舖能賺錢嗎？平常去吃元X壽司，平均也要兩百多一個人，這裡真是超級超值！飲品也超級多款式，連無糖茶也大概有四款，三款解茶和韓式龍井茶。水果則有西瓜和蜜柑。

四個人在星期日下午12時，不用等位就可進場，不知是否疫症的緣故。首先，有自助吧，提供日式沙律、飲料（大約十幾款，茶都有4-5款，好適合我）、生果、日式海帶、螺肉、炸物、章魚小丸子等等前菜。刺身：有三文魚、吞拿魚、希靈魚、墨魚片、鮑魚片、甜蝦、虎蝦、玉子、帶子、螺肉、北寄貝。其中我認為鮑魚片、希靈魚、三文魚、帶子比較新鮮及鮮甜。相反，吞拿魚不夠肥美、螺肉較腥，有欠新鮮。壽司：味道大小適中，保持水準，沒什麼特別。手卷：只吃了海膽手卷，紫菜不脆在預計之內。熱盤：大致所有熱食都保持熱溫度，尤其天婦羅、燒菠蘿、炸（榴槤、香芋、芝士）球、熱烏冬等煲類食品都熱。唯獨羊架及鯖魚常溫。甜品：這間放題有不少甜品，有蛋糕、乳酪、啫喱、提拉米蘇、不同類型雪糕（mega/ melon/Coco)等等。總結：結帳不用$200一位，而且儘管星期日，但進食時間為1200-1500，這間放題既提供寬敞座位，又給予充裕時間，價錢尚算不俗。為衛生情況欠佳，尤其自助吧，每人都會用共同的餐夾去夾食物。如果擔心疫情，可能要犧牲不去吃前菜了。