琥酌 (Moved) New Location

今晚收工同朋友來尖沙咀食飯，網上見呢間啲吉列牛好多好評，於是試試佢。平日晚上唔多人，冇預約都唔怕。店內有日式居酒屋嘅氣氛，看牌上面啲字寫得好靚。🙊一開波來碟前菜沙律（$10）先，連碗都係凍嘅，有唔少菜，仲有海蜇、蕃茄仔。芝麻醬可能係店家自己撈出來嘅，同平時食開嘅味道比偏咸，個人覺得撈海蜇食又幾好食。主菜要左2款，琥酌丼大盛（$118）超級大碗！成碗舖滿晒和牛同安格斯牛肉粒，一食已經有菇同黑松露味，上面嘅藏紅花絲都唔錯，健康食物。另一個主菜係 蕎麥麵大盛（$78），我地揀左凍食嘅，有隻鵪鶉蛋另上，好得意。😂 個汁唔錯，蕎麥麵林身嘅，係咁熱嘅天氣食涼快嘅冷麵好爽。另外叫左碟小菜 鰻魚玉子燒（$68）。鰻魚好好食！冇骨嘅，大家放心食。啲蛋最入面半生熟個層同啲鰻魚一齊入口好正。推介原味食，嘅鰻魚味真係好正。唔少得壓軸嘅牛吉列盛合（$368），menu寫住係用美國安格斯肩胛肉整，吸引。有個爐仔自己動手燒，每邊燒30秒左右。肉好林，吉列炸醬分量剛好，唔會太厚皮。個人就鐘意原味唔點醬食嘅，好好味；朋友話佢中間個格喜瑪拉雅山鹽都好夾。埋單每人$350左右，食到好飽。平日晚第二朝仲要返工，我唔太識飲酒就

前排有朋友介紹我到琥酌吃吉列牛， 一路都未試過所以很想食， 於是約朋友試一試。 店內裝修座位寬闊， 坐得舒適，燈光較暗，店員親切友善，非常有禮貌。 我們點了博多明太子玉子燒， 安格斯牛吉列， 一品琥酌炒飯， 辣汁牛腩蘿蔔煱，乳酸特飲。前菜～ 沙律菜配上日式芝麻醬， 味道酸酸甜甜好開胃， 海蜇爽口彈牙，沙律菜夠新鮮。安格斯牛吉列～ 主角出場喇！ 店員上菜的時候提供一個迷你鐵板爐， 再用心地教我們怎樣烹調。 首先放一塊吉列牛在鐵板上每邊燒大約12秒， 就可以食用。 吉列牛外層沾滿了麵包糠， 肉質粉色鮮嫩， 外皮香脆， 肉汁鮮軟。 配以三款不同的調味醬， 日本燒汁，岩鹽，黃芥末， 每種口味各有不同。博多明太子玉子燒～ 這一道菜味道控制得剛剛好， 明太子不會太鹹， 玉子燒的蛋味濃郁嫩滑， 還有木魚絲令到口感更加突出。辣汁蘿蔔牛腩鍋～ 鍾意食辣嘅朋友一定要試下， 這個辣汁的味道有點像辛辣味， 牛腩炆得又淋又入味， 還有蘿蔔吸曬辣汁， 相當惹味。一品琥酌炒飯～ 炒飯有鮑魚和帶子， 帶子煎得好香，鮑魚鮮甜，正！蘋果乳酸飲品～ 酸酸甜甜開胃又透心涼。第一次到琥酌，愛上了這裏的吉列牛， 味道果然唔錯！

地點方便亦旺中帶靜，餐廳環境以簡約嘅日式居酒屋設計，座位不多，座位之間算寬闊，等候期間隱約傳出陣陣香噴噴嘅燒烤味道，令人食指大動。前菜沙律非常新鮮，配上芝麻醬好開胃，海蜇爽口。～博多明太子玉子燒 ～雞蛋控嘅朋友必然會點選 「玉子燒」平實蛋液配上百搭明太子，不會過咸反而鮮味，非當適合佐酒。～燒舞茸茶壺海鮮湯～以一個小茶壺盛載湯品，感覺保溫又暖胃，配料舞茸、大蝦、蜆、魚片同元貝，令人驚喜嘅係一個小小嘅壼可以裝到咁多海鮮！首先我地試無加入青檸-原材料嘅味道已經出眾，之後再試加青檸-鮮味即時有提升，而且舞茸味道清幽令湯清而不俗 。～頂級安格斯牛吉列～外層係吉列皮，內層包住大約4-5成熟嘅安格斯牛，油脂分佈平均及帶少許嘅筋令到感覺更有咬口，放上熱石爐板每邊燒10-15秒，生熟度可以自己控制，牛嘅肉質柔軟不會韌，跟隨吉列牛嘅醬汁有三款，胡椒、芥末和岩鹽，個人比較喜歡岩鹽因可帶出牛嘅鮮味，呢款牛之前已經聽聞好味，果然聞名不如見面。～鰻魚三品茶漬飯～最開心係一個飯有三款食法，首先單食，醬油及飯口感亦剛好，配上佐料、蔥花、山葵、漬物當二食，最後加上清高湯當茶漬飯為第三食。鰻魚份量多，入口肥美甘香，鰻魚嘅

今日帶屋企人食風靡香港的吉列牛！餐廳位置就在海防道（九龍公園旁邊）都很易找到！餐廳的裝潢參照日式居酒屋設計！但我和家庭點好菜後，店員便立刻為我們送上前菜沙律（每人$10) 和熱茶。前菜沙律：雖然前菜沙律要每人$10蚊！但係沙律面鋪滿海蜇，唔似其他餐廳咁淨係得菜。沙律蔬菜新鮮，醬汁開胃。黑豚肉海鮮牛吉列御膳：御膳材料豐富，包括:海鮮（帶子及蝦），牛吉牛，鮑魚及黑豚肉。上菜時店員會清晰介紹食材及食用方法，十分貼心。 黑豚肉汁豐富，沾上醬汁後更是惹味。燒好的帶子依然很厚身，入口鮮甜。吉列牛：吃過海鮮和黑豚肉後我們就開始燒期待已久的吉列牛！吉列牛的生熟程度可以自己控制，我自己就比較喜歡5成熟，家人就一定要燒至全熟。燒至5成熟比較鬆軟！肉汁也比全熟的更爲豐富，另外餐廳提供了三款調味料包括柚子檸醋，燒汁及和沙律醬提味。但令人驚喜的是即使是燒至全熟的吉列牛外層都依然很鬆脆清酒煮蝦：清酒煮蜆聼得多，清酒煮蝦還是第一次聼！很有新意的一道菜。 大蝦爽口彈牙，加上餐廳煮蝦的時候加入了昆布調味！令到蝦的鮮味更出，吃完後也可能當湯飲！很鮮甜。七味魚翅：其實是燒魚乾，味道都幾鲜美而且也不腥，部分更是燒到脆脆的，很

這天友人帶我去吃想試很久的琥酌 之前就聽說是高質版本的吉列牛，而且是間除了牛以外還有很多選擇的日式居酒屋！一進去環境真的很有日本風味首先來了個前菜 — 是海蜇、青瓜、玉米、車厘茄、沙律菜再伴以日式芝麻醬，開胃又美味！不消一會，店員就為我們準備爐具，而是晚主角安格斯吉列牛也徐徐送上！吉列的外皮非常吸引，薄薄的一層卻很酥脆！ 而安格斯牛的肉質果然非常有水準，肉質鮮嫩軟稔！脂肪平均分佈，接近入口即溶！逐片吉列牛放在熱辣辣石板上，發出滋滋聲音，兩邊燒大約十至十二秒就可以了！嚐了幾口牛加入岩鹽和芥末，味道都很配！ 不過其實不加任何調味，都已經非常好吃！接著我們就點了博多明太子玉子燒！明太子的份量很多，咬一口就有超多粒明太子湧出來 ！另外再加了汁燒安格斯牛肉串！牛肉燒至7成熟，肉質非常軟稔又有嚼口，醬汁甜甜的很入味，同時又有豐富的牛味！最後應明太子控朋友的要求再來了個明太子舞茸大江戶炒飯！熱辣辣的炒飯裡有很多的明太子、牛肉粒、菇、雞蛋、青蔥和木魚碎 ！整個飯炒的很香口惹味，再加上明太子帶了點微辣，非常開胃，每人很快就KO了兩大碗呢！

吉列豬扒己流行多年🐽，吉列牛又有沒有試過呢🐮？在尖沙咀就有一家專門店喔📍~食店是一家樓上店⏫，位於尖沙咀核心位置🛍，非常方便🚉。🔹前菜沙律🥗麻醬配上爽脆鮮甜的蔬菜🌽，作為開胃前菜🍢，非常合適😋。🔹芥末山藥秋葵🥒秋葵一向被譽為『植物界的黃金』👑，好處多不勝數✨，能美肌👼、補鈣🍼、降血糖🍭等；而山藥更是有健脾補腎👍、益腎固精的功效💪，絕對是營養豐富之選🌟。🔹地獄和牛大根煮🌶牛肉口感軟腍😌，蘿蔔則完全吸收了醬汁🥕，味道香辣🤩，入口油而不膩😋。🔹松露牛油焗舞茸菇🍄入口清甜🍃，口感爽脆彈牙😍，加上了牛油的香氣🧀，滋味十足👍。🔹牛吉列盛合🐮店員先準備好小火爐🍲，再端上了一碟吉列牛🐮，以切件形式上碟🔪，外層金黃脆皮💛，內層嫩紅❤️️，放於爐上加熱至理想生熟度便可🔥。💭總結不用去日本也能品嚐到🇯🇵，還須要妒忌日本人了嗎😏？

今日係九龍公園做完gym, 要吸收番D 蛋白質增加肌肉,比男朋友拉左去食吉列牛。BF 話午市套餐比晚市平一半, 所以非食不可, 如是者我地就叫左兩個午市套餐share 食。元祖吉列牛定食前菜沙律沙律菜新鮮, 面層有青瓜蕃茄和海哲, 加入日式芝麻醬汁, 清新開胃舞松茸湯菇味重, 味清不過濃, 細細碗有點不夠喉呢~吉列牛上檯時叫人眼前一亮, 十數件吉列牛排得整體, 只有一兩成熟, 然後用熱石小火爐把牛每邊燒10-12秒就食得，紅肌白理，脂肪分佈均衡, 入口外脆內嫩，甘香得黎肉質幼嫩, 酥香腴美。另外仲有番茄仔、粟米芯同埋蘆筍可以燒tim。另外我地叫左串燒物盛, 黎居酒屋唔係唔食串燒ar ma~串燒物盛有牛柳粒,手羽先,牛舌,廣島蠔同冬菇,串燒火候控制得剛好，尤其是牛柳同冬菇都保留到肉汁,唯一美中不足的地方是手羽先有點太乾,但整體黎講已經好好的了整體黎講都幾唔錯,餐廳坐得舒服, 店員服務快速, 下次想食吉列牛都應該會再黎

今日同朋友出尖沙咀，睇左場早場，睇完餓餓地，緊係要補充能量先可以再去行街街啦。一向係牛魔王嘅我，有樣牛，我咁耐都未試過，就係吉列牛啦！所以我決定今日要去會一會佢！呢間 琥酌 裝修得都幾有日本居酒屋嘅感覺，全木枱枱櫈櫈，再加埋一面清酒牆，好有feel呀！難得週末黎到，遇上假日午御善，唔洗諗，吉列牛定食係必需，另外叫左個炒飯。首先前菜有個沙律啦，基本上都有蔬菜啊同埋呢個粟米粒嘅咁，加埋個沙律醬，酸酸甜甜，其實係非常之開胃。元祖吉列牛定食($208)之後就到重點，吉列牛！員工教我地呢個吉列牛每邊最多煎15秒就好啦，岩岩好夠7成熟，煎完之後牛肉嘅脂油咪非常濃郁，再配上岩鹽又或者芥末醬就更加能夠吊出個牛嘅鮮味！果然吉列牛係名不虛傳！燒完個吉列牛呢，仲有呢個BB粟米、車厘茄等既蔬菜，記得唔好浪費，因為當你啲蔬菜吸收左d牛油嘅時候，食落係非常之好味道，油香陣陣！明太子舞茸什錦炒飯定食($168)呢個飯第一口食落去係好惹味，而且佢入邊嘅配料其實係好豐富嫁，例如有雞蛋有海鮮同埋有肉，一口食落去好似食左好多野咁，好滿足，必食之選。最後佢個溫泉蛋呢，整得非常之好，外邊呢就係蛋白啦，但唔係硬嘅蛋白，係軟林林嘅