名家韓國餐廳

Open Now

Now Closed

黎過名家都唔止一次，今次一行四人黎食😊😊有時黎都坐唔到海景位，今次就安排到啦🙌🏻叫左個set menu B (2人）同埋其他野食☺️☺️🔸Set menu B $720▪️精選美國牛肋骨（醃）▪️五花腩片（無醃）▪️鮮帶子（兩隻）及大蝦（兩隻)▪️生菜盤（半份）▪️炒牛肉粉絲（半份）▪️人蔘雞湯或滑豆腐海鮮辣湯 （我地揀左人蔘雞湯）🔸另外叫左：▪️牛舌 $138▪️豬頸肉 $190 ▪️海鮮煎餅 $140最後埋單 4位$1306總括黎講，d野食都可以，未去到有一款覺得驚喜😂所以今次就唔每樣寫啦😃😃勝在有靚景睇，坐得舒服😊😊抽風好，食完冇油煙味👍🏻值得一提卡幫妮覺得佢最好食係前菜😂😂😂仲可以refill 👍🏻👍🏻👍🏻但今次去人手好唔夠，服務比之前爭左好多🥲🥲🥲

近來因為元朗一間好味嘅韓國菜餐廳，引致去到其他地方都鍾意搵間韓國菜食。今次去到尖沙咀iSquare嘅名家韓國餐廳，呢度最出名唔係食物，而係個view，所以如果大家真係想食呢間餐廳，最好出發前Book定窗邊位。環境☑️☑️☑️☑️☑️餐廳環境乾淨，闊落好坐，再者窗外有維港靚景，一定正㗎！味道☑️☑️☑️☑️晚膳時間，可能呢度出名韓燒，所以每枱都係韓燒，賣相幾好。不過由於連食幾日燒肉，真係放屁都係燒肉味，所以今次唔食燒肉，叫咗3個菜。同女朋友分別點海鮮大醬湯同石鍋辣八爪魚雜錦拌飯，仲有辣泡菜豚肉煎餅。首先講下個煎餅，大size $130有6塊，細size $110得4塊，煎餅味道一般，但問題係煎餅唔脆，又淋又鬆。至於大醬湯，湯夠辣好味，只係啲海鮮肉奇細；石鍋飯夠熱有飯焦，加上辣醬好好味，近乎當日最好。3道菜都講哂何來「近乎最好」？有呀，就係前菜，好好味。性價比☑️☑️☑️☑️雖然味道一般，但有靚景，埋單只係$448，唔貴喎。

今次黎到尖沙咀食韓國午餐❣️餐廳好大 而且景觀開揚💘 午市有好多選擇 一落單仲會比六款前菜 夠晒地道🥰.🌟前菜全部醃得好入味🥳南瓜好淋 帶微甜🎃芽菜夠爽口🥰.🌟 人蔘雞湯 $105人蔘雞有半隻 雞肉夠嫩滑💝雞內釀有糯米但人蔘雞湯味道偏淡🙈

多年前曾經在這店吃過一次，味道不是很好，不過環境清靜又有海景看，補償了食物味道的不足。今天路經此地再次惠顧，海景依然吸引，但午市人多了，而且食物質素仍然是一般。午市沒有訂檯要等15分鐘，有位後跟隨待應入內，餐廳人山人海，位與位之間也安排座得很密，我們兩人座在一張長形的六人檯的中段位置，兩旁就是其他客人，人家說什麼也聽得清楚。幸好仍能夠望到大窗，今天天色甚佳，心情不錯。我們叫了人蔘雞湯和烤牛肋骨套餐。主菜未到，先品嚐韓式六小碟前菜，這是吃韓餐必有的配搭。甜黑豆、沙律菜、泡菜、芽菜、菠菜、辣醬菜。我最喜歡甜黑豆，與潮州菜的蜜餞黃珠豆口感相同，都是又甜又可咀嚼。泡菜不鹹不辣，沒有什麼味道，辣醬菜又太鹹，其他菜式就正常好吃。人蔘雞湯來了，一個大鍋內有半隻雞，湯很熱，不過味道非常淡，人蔘的味道不足，湯內找到的人蔘只是少少的幾條細鬚和薄薄幾片蔘片。雞內釀有糯米，黏性好，不過味道也是淡淡的，幸好雞肉嫩滑不鞋口，容易弄開，幾粒紅棗有甜味。雖然賣相是人蔘雞，但味道與在韓國當地吃的差遠了。烤牛肋骨套餐，配水冷麵。牛肋骨先上，水冷麵後上，要同步一齊吃就要等一等。牛肋骨用鐵板上，保存熱度，雖是骨但以肉為主，只

iSQUARE 在尖沙咀港鐵站樓上, 可方便朋友行少D,  我11 幾便到, 所以可以早D 去 site search,  是緣份的安排, 我來到「名家」, 女服務員很親切, 雖然12:00noon 才營業, 但讓我在門內的椅子坐,  我表示要window seat, 12:00 未到, 安排入坐時, 她主動問我喜歡房內的window seat 嗎 ? 比較靜。 嘩 ! 超喜歡啊, 包房的感覺太高貴了,  無敵維港景, 不是每間餐廳都咁大方比walk-in 的食客的, 再加上比我入房坐了唯一一張房內的window seat。一般餐廳索性不開房啦 ! 女服務員(安排我入坐的她) 很快來給我茶飲, 我優閒地飲住茶享受無敵維港景, 朋友工作忙,  我獨自佔了成間房半粒鐘, 真係爽爆,  之後我們order 了石鍋拌飯和鰻魚辣湯套餐, 上菜前, 前菜6 小碟先上, 男服務員很禮貌地介紹泡菜很好味, 今日是老闆自己腌製的,  前菜可以再加添三碟, 又主動幫我們拌勻個飯,  很好的服務啊 ! 午餐份量超大, 我們兩人真係食唔晒。 環境及服務真係無得輸,  感覺便是賓至如歸。

之前朋友聚會黎過呢間　對個泡菜煎餅念念不忘今次朋友生日話想食韓國野　第一時間就決定去呢度！上次多人就坐房　今次兩個人就坐出面始終係食燒肉多　所以有少少煙　不過可以接受　餐具都無話油笠笠朋友不愛食牛所以就無揀到燒肉嗌咗三色煎餅，辣汁拌冷麵同炆豬手入到去就有8款前菜任添　個茶都幾好味煎餅依舊出色三隻味都清楚食到係咩味唔會好似食麵粉咁冷麵我就略嫌唔夠辣　同埋個麵淋咗啲　因為我食開硬麵炆豬手絕對物有所值二百幾蚊勁大碟仲有舊豬骨夾起就feel到勁多骨膠原呀塊豬皮痴住哂食嘅途中waiter keep住有倒茶周圍又唔會話好嘈燈光我覺得適中　唔會太暗扮有feel咁！　又唔會光到玻璃反光睇唔到景最後打包返去畀男朋友做宵夜個侍應見到我地用筷子雞手鴨腳　仲主動畀咗個鉗我地添男朋友勁讚　仲放埋入返工飯盒　諗下都知幾抵食！可惜就係兩次都無食到燒肉希望下次黎可以試下

朋友慶祝生日選了名家，這次安排在窗邊位置可好好欣賞尖沙咀夜景。先送上前菜，沒有驚喜，只有黑豆做得比較出色。點了喜愛的馬格利酒配前菜。送上五花腩，名家燒肉一向有保證，光看未燒的豬腩真身，已想像到有多肥美。由待應代為燒烤果然保持水準，烤得剛好的五花腩，外脆而保留肉汁，豬肉味美。送上友人喜愛的泡菜煎餅，煎得不油膩，剛好，淡淡的泡菜味不會過濃，不錯韓式餃子是看到鄰坐的才點，煎得脆脆的，內有粉絲，可以試試韓式豬手，大大份的，豬皮略微硬，吃不到豬皮彈口QQ的質感，但味道確實不錯，滷水咸淡剛好。4位女性食量不多，份量剛好。烤肉出色，記得要吃！

位於isquare 27樓名家，可以睇到維港靚靚海景環境舒適部分staff應該係韓國人，so要用english落order~sunday有special set lunch，而且選擇種類都幾多，價格唔算太貴由於睇緊中醫要戒口，就點個清淡的人參雞湯~餐牌寫得半隻，不過人參雞唔係應該一隻先可以塞到d飯入雞裡面咩？!

早幾天，去了名家，價錢不算太貴（比起其他真．韓國菜館），一個海鮮鍋都是5××元，但是真是新鮮海鮮料，如果多人去食，計落同平價本地偽．韓國菜館差不多。環境方面，入去都已徑見到很多韓國人光顧，我想應該不太差，店員帶我們到窗邊的枱，可以欣賞維港景包，雖然當天下兩，境色還是不錯呢!講番食物，當日叫左豬肉拼盤(友人不食牛)，芝麻葉盤，辣黑鱈魚湯；點菜後，上左8碟前菜，除左泡菜，仲有韓國魚蛋，薯仔粒，波菜，什菜沙律，青瓜，芽菜同小魚！雖然每碟分量不多，但是可以無限量添加，而且店員都唔會黑面。 （請記住：可以無限量添加前菜，在韓國人傳統，我唔係一定要食好多碟，只是如果你間餐廳咁小家，不如你做返偽．韓國菜館吧，唔好收咁貴啦！）首先來個拼盤，唔好以為得好少，其實食落都幾飽，每一款豬肉真是不同的味道，而且豬肉無臭味，是高質素的豬肉；餐廳抽氣系統做得非常好，他們是用爐邊抽氣方式，燒的時候真是無比煙味。什麼是芝麻菜？睇韓國飲食節目就會聽過，其實即是紫蘇葉，菜盤其實都有好多片，而且很乾淨同新鮮，連蒜頭，豬肉一拼食，芝麻菜的香味唔會蓋過肉味，反而加多了風味，更清爽同冇咁油膩。黑鱈魚來到，至少有兩至三片鱈魚片，每件

今年慶生選擇韓燒,友人提議iSQUARE名家,地點夠方便喎。訂海景枱要最低消費$600,都ok啦! 維港夜景+韓燒,冇得輸。Order咗2人套餐$880,有我最Like嘅牛肋骨，澳洲和牛肉眼扒，大蝦&帶子，韓式炒年糕及石頭鍋飯。 有肉有海鮮,夠豐富!燒牛肋骨味香濃,肉眼扒夠junice👍,份量也不少。大蝦及帶子鮮甜爽口。但炒年糕及石頭窩飯相對味道一般。沒有甚麽驚喜。遠望維港兩岸璀璨燈飾,胃口都好D!

今晚約左小學同學聚會地點選擇左I-SQUARE的《名家》，同學仔一早就BOOK定位，真係唔該哂安排了坐房內的全海景房，一行11人可以叫好多野食，人多真好先來餐前小吃，款式都算多，味道都很不錯韓式炆牛肋骨~~~牛肋骨炆得好入味又好軟林，底下的蘿蔔的好好味呀，吸收哂牛的精華，YUMMY燒牛肋骨(無醃)~~~牛的肉質好好，因為冇醃就吃到肉的味道，都係好好味泡菜煎餅~~~餅煎得好香脆，但細碟左D囉，一碟只係得4件......煎蝦餅~~~蝦好明顯係雪藏的，一點蝦味都冇，這碟4件要$188大元，抵嗎？見人見智 部隊窩~~~都係OK的味道，但底下竟然有通粉......太奇怪了豬手~~~豬手肉好爽口，味到好入味這店的食物唔會好出色，但以這食物質素的話一點都唔抵食，但如果計埋窗外的景色就算OK啦這餐飯真係食得好受氣，為我們服務的侍應，只懂韓語，其他的都好似唔識(包括：粵語、英文)，侍應唔係放錯野就漏單，都唔緊要，我們會原諒，要加水都叫了不入10次都好似唔係好理，這就過不去吧！最嬲的就是那位亦是全店唯一一位的女經理，她不但沒有服務可言，可以說係冇禮貌添見到熟客就落力的招待，我們的部隊窩半個鐘都未來都唔會跟

與女朋友仔和雙料師弟齊來點了個最少的餐︰炒粉絲、五花腩肉、牛肋肉、石頭飯，另外添加了炒年糕及辣豆腐湯鍋（實際名字記不了，各家韓式餐廳都有各的名字）。窗外景緻其實都是次要，雖說來 iSquare吃飯動輒都要>$100，較高樓層更多，但食物質素始終最重要評分標準。溫馨提示，若早早想吃韓國菜又想看遠景，早點打來訂座吧；店員聽電話亦不會問你要不要窗邊位，本人主動問，方才知道可以留窗邊座位，沒有額外收費、最低消費，當然窗邊風景更好。餐前小吃，黑豆黑的，青菜青的，黑豆較為特別，至少是平日到中式餐廳很少機會吃到。芽菜、泡菜，瓜就正正常常，原味。薯仔及沙律挺美味，薯仔甜而軟林入味。席間聽到鄰桌有人指這個鹽很特別很美味，其實我用了點在肉上，沒有感到真的「味道昇華」。炒粉絲，本來看來沒甚特別，像是很公式很普通的，但嚐嚐，粉絲挺韌，炒得帶點鑊氣，有鑊氣則顯得油而不膩，美味。魷魚石頭飯（沒拍照），魷魚很少，我吃了三兩條，友人吃了一兩條，女朋友仔幾乎吃不到。沒有特別香、特別熱的感覺。可能hungry korean 5、60元的質素也可與比個高低。炒年糕（沒拍照）貴價的始終比起韓點$25的年糕，顏色差得遠

前菜共有6碟，份量也不少 有菠菜、大豆芽，小棠菜，泡菜、青椒＆青瓜、生菜整體都很好吃，特別是大豆芽比很多地方的好吃，不會過鹹過油，新鮮爽脆～烤牛肉定食 $85這是爸爸的穩陣之選，牛肉份量充足，鐵板散發出來的香味滿溢～金菇、蘿蔔、洋蔥亦很入味，特別是金菇很新鮮！配上海帶湯及白飯一碗～韓式海藻拌飯 $80雜錦拌飯吃得多，海藻拌飯則是第一次！中間有相當多的蟹子及白芝麻，旁邊則是４種不同種類的海藻及生菜絲飯是另上的，一大碗整碗都是海藻！十分足料＞ｖ＜底下加入了麻油，再加入滋味的辣醬一起拌勻，每一口都很豐富美味！而且感覺很清新，一路吃都不覺滯～特別要提一提的是辣醬裡加入了黑芝麻及白芝麻，感受到廚師的心思烤鯖魚+辣豆腐湯定食 $138 很豐富的一個定食～鯖魚很新鮮！比很多日本餐廳的燒鯖魚優質，相當厚身之餘肉質鮮美而且亦燒得兩面金黃，很多餐廳會燒得太乾或太油，而這裡的卻剛剛好～我和媽媽極力大讚！但辣豚肉豆腐湯卻令人頗失望可能吃過新羅寶很出色的豆腐雜錦湯而有所比較新羅寶的豆腐鍋是鮮味十足的，吃得出不只是用辣粉、豆腐、豬肉這裡的卻沒有層次，就是單純的辣湯，有待改善店員為我增添了６碟小菜～超感謝她啊～＞

有動力打食評，一就是很差勁，二就是很完美。7 個人已預訂，提早到場沒有拒絕，而且場地很空，沒有太多的顧客。服務員幾乎都是韓藉少女，操一口流利韓語，使用發音不準的英語和簡單的廣東話與我們交流。（只有個別的經理能以一般廣東話溝通。）服務態度極佳，有空閒時間便會幫我們倒酒及烹調，全晚聽得最多就是「So sorry」另外餐廳內有播放音樂及提供韓國報章。最後以接近二千元結帳，人均近三百，還是比自助餐抵食的。

另一半出糧後的第一餐, 早幾日已經book左檯, book左6:30pm, hold檯10分鐘, 8點要交檯, 因為係海景位, 最低消費$600。其實時間有d趕, 但都照book左先。我早到左15分鐘, 侍應帶檯時, 竟然沿途一排侍應好有禮貌地用韓文打招呼。坐低後, 另一半打黎話仲未放工 (工作地點往尖沙咀大概30分鐘), 到最後, 7點後先到。就係我等緊既呢段時間, 侍應倒茶至少5次。我提早點菜, 然後侍應好聰明咁話:「你想等埋朋友嘛, 無問題」。點茶後, 侍應呈上前菜, 有9款前菜, 全部味道都唔錯, 由其係個款加左橙汁既生菜, 係一個驚喜。其他主菜係另一半到達後再上, 主菜有大蔥海鮮煎餅, 韓式生牛肉, 炆牛肋骨, 牛肉石頭鍋飯大蔥海鮮煎餅 - 味道幾好, 蔥略嫌太長, 同埋可以再煎燶少少 (但純粹個人喜好)韓式生牛肉 - 雪梨牛肉新鮮炆牛肋骨 - 牛肋骨炆得軟熟, 有大概6大舊牛肋骨牛肉石頭鍋飯 - 味道無問題, 份量係一人一大碗。值得一提既係侍應幫我地撈既時候, 另一半多次提出想要多點辣醬, 侍應來回三次, 仍然笑面迎人, 值得一讚!埋單後有甜品, 波蘿及冰凍柚子茶飲品 -可