牧羊少年咖啡館 (葵青劇院)

Open Now

Now Closed

公司搬咗去牧羊少年葵芳店附近，難得地有藉口去『純粹食飯』。點解咁講? 因為牧羊少年一直畀我『好好HEA』嘅感覺，久而久之，唔係約咗朋友去傾偈（年代再久遠D，我哋真係會去打書釘）基本上覺得去牧羊少年『食飯』係浪費：浪費咗個氛圍，浪費咗團隊嘔心瀝血撰寫嘅雜誌式食譜。今次二人食飯，簡單地點了慢煮BBQ 醬美國豬仔骨(加威士忌風味)配番薯條，同千島香芒牛油果雞肉薄餅。豬仔骨對我嚟講最緊要腍，骨肉分離就最岩！我哋揀咗哩道菜加威士忌風味，希望用酒精，可以令豬仔骨肉質更腍身，同埋更入味。事實證明，豬仔骨的確做到腍身效果，而且吸收到醬汁味道，味道都唔錯。唯一係我希望有嘅威士忌麥香味就欠奉，反而偏甜咗少少。薄餅係其中牧羊少年最SIGNATURE嘅菜式，今次叫咗個千島香芒牛油果雞肉薄餅，出乎想像地夾，講真本身我唔好千島醬，硬係覺得佢有『嘔吐物』氣味，不過隔籬個位好鍾意，咁就下佢食啦！估唔到哩個薄餅雖然重千島醬，但係因為配搭咗芒果，芒果嘅甜味中和咗千島醬嘅酸味，而牛油果同雞肉味道本身唔算濃，所以整體味道平衡得幾好；口感上，基本上所有食材都係偏腍，個人而言，如果可以加少少脆口食材更佳！原來今年已經係牧羊少年十

常常見到啲朋友去呢間咖啡館食嘢，見到朱薰都會去幫襯，所以去試吓，今次選咗喺葵青劇院嗰間，有outside 亦有inside，今次選擇了inside，因為天氣實在太熱，餐廳內環境和氣氛都好好，我和友人點選了四樣食物加兩杯飲品，有千島香芒牛油果雞肉薄餅，是拉差醬法國雞翼，蒜蓉牛油炒鬼佬雜菜，法式蘋果撻配雲呢拿雪糕，飲品方面，我和友人都叫咗乳酪飲品，藍莓奶酪，蜜桃奶酪，飲品可選少冰或走冰，我都都選了走冰，原味一啲，因為點餐是用QR code，非常方便。食物味道非常好，但有一樣較不滿是服務，用餐時間一個鐘頭四十五分鐘，但食了一個鐘就已經提示我哋，仲有侍應不停在我們抬邊徘徊，最終用餐只係一個鐘頭三十分鐘