燒鳥屋本 (Moved) New Location

同幾位朋友仔想chill吓食串燒，就揀咗呢間開咗唔係好耐嘅日式串燒店😌舖仔細細但裝修得好和風，都坐得非常舒服☺️主要都係食啲小食、串燒、飯糰同飲吓酒咁😆啱哂我哋一路食一路傾😆店員見我哋望住menu咁煩惱都幫手推介吓啲食物😋我哋叫咗兩三round都算食咗唔少嘢😌當中都有幾樣食物係好深刻～吞拿魚他他好有驚喜，下面係類似魚乾咁嘅薄片，加埋肥美嘅魚蓉，非常好味😋雞橫隔膜係店員高度推介🤣食落又真係比普通雞肉更好味，口感好爽，而且肉味更濃😆牛舌好濃牛味，而且燒得啱啱好，香口得嚟又唔會韌，仲有肉汁👍🏻其他串燒都好有水準😋仲有一個好特別嘅係茶漬飯團😆喺香港真係好少食茶漬飯，本身飯團表面係脆嘅，浸軟咗口感更豐富，感覺亦都好清新😋呢間小店感覺好warm，同朋友好輕鬆咁過咗一晚，係一個好好嘅體驗😌

晚市重開後約埋幾個friend食飯飲嘢，朋友喺附近返工嘅話呢間新開嘅串燒居酒屋ok於是就去試吓。舖頭地方唔大只有四張四人枱，不過我哋幾個男仔吹水飲酒就啱啱好，舖頭係新裝修地方都算乾淨企理。一坐低首先叫番round啤酒飲，佢哋係用suntory嘅生啤，而且仲有黑啤可以選擇，對於非常鍾意飲日本生啤嘅我就好似返咗鄉下一樣，非常開心。其中一個朋友就叫咗杯highball，佢話味道唔錯起碼唔會水汪汪好似飲水一樣，下次都可以試吓。啤酒嚟到就叫咗幾個前菜送吓酒，其中最好味同埋特別嘅係吞拿魚他他，佢係吞拿魚蓉下面放咗一塊烤咗嘅魚干，口感同味道好唔錯，值得一試。其他居酒屋嘅經典小食例如枝豆同埋魚干都係有心機之作，雞皮餃子送啤酒一流不過口味清淡嘅朋友可能會覺得偏鹹。飲到咁上下就開始食串燒，串燒等嘅時間比較耐不過佢係即叫即燒都冇辦法啦，店主推介幾款特別嘅雞串燒我認為都值得一試(唔記得咗影相🥲)：雞尾：即係雞patpat，本身都半信半疑怕會有怪味，點知一啲臊味都冇，而且燒到好香脆，油香十足非常好食，本身叫咗一串試味食完即刻一日要多一串雞橫膈膜：本身以為係內臟，原來係一塊比較有咬口嘅肌肉，而且肉味香濃比起平常用