Video
1-min walk from Exit B3, Sai Ying Pun MTR Station
continue reading
Telephone
55968180
Introduction
Yakitori is the signature item of this Japanese restaurant. In addition, it offers grilled dishes with A4 wagyu and local fresh seafood too. The Japanese izakaya style interior design and bar seats bring you a comfortable atmosphere. You can enjoy meals with friends with different kinds of sake here.
continue reading
Opening Hours
Today
18:00 - 00:00
Mon
Closed
Tue - Thu
18:00 - 23:00
Fri - Sun
18:00 - 00:00
Above information is for reference only. Please check details with the restaurant.
About Reward Scheme
❝發掘新店!✨近期食過最高質 Yakitori串燒居酒屋🍢🍶世一厚切牛舌🐮👅茶味甜品作結🍵🍮❞位於西營盤地鐵站一出就係既串燒居酒屋🏮🍺係近期食過最高質既串燒店 仲要係炭燒🔥!好推介👍🏻平日夜晚都full晒😳walk in都冇位要坐室外(咁熱仍有不少客人坐室外!🔥)要黎一定一定要訂位😚仲有勁多酒 酒鬼岩晒😎一定要食厚切牛舌 係食過數一數二好食🥹❤️好厚身粉嫩 中間軟腍又帶點爽口 燒得好香 價錢仲要好抵食✨另外炭火地雞充滿炭香 嫩滑多汁! 雞皮又薄又脆😍月見雞棒沾蛋黃醬油好正🥰白鱔超爽口彈牙!亦有多款助酒菜式🍶好推介吞拿魚蓉配魚香脆片 另外慢煮雞肝都相當不錯 粉嫩軟腍入口即溶 充滿酒香 不過份量多同都較膩 建議多幾個人share食🤣呢度既甜品係對面cafe @wako2ffee_house 出品😳❤️主打茶味布丁/Tiramisu😍要留肚試下! 抹茶tiramisu竟用上梅酒🍵好濃酒味 (另外仲有焙茶清酒tiramisu!) 焙茶布丁質地滑溜動L 走濃茶路線☺️🍂很不錯~▪️吞拿魚他他 $98 (4.5/5)❤️▪️慢煮雞肝 $68 (4/5)✨▪️厚切牛舌芯 $88 (5/5)❤️❤️❤️▪️炭火地雞 $68 (4.5/5)❤️▪️雞皮 $38 (4.5/5)❤️▪️自家製月見雞棒 $68 (4/5)✨▪️雞髀肉(柚子胡椒) $48 (4/5)✨▪️雞翼 $42 (4/5)✨▪️雞軟骨 $38 (3.5/5)▪️白鱔 $128 (4/5)✨▪️粟米 $32 (4/5)✨▪️茄子田樂 $68 (3.5/5)▪️燒明太子飯團 $38 (4/5)✨▪️雞湯烏冬 $38 (3/5)▪️抹茶梅酒提拉米蘇 $72 (4.5/5)❤️▪️靜岡焙茶布丁 $58 (4/5)❤️꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍本炭火燒鳥西環西營盤忠正街1號藝里坊・2號地下8-11號舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_西環🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦/𝘧𝘰𝘰𝘥…#joys_日本菜
continue reading
西營盤隱世燒鳥居酒屋，店內充滿日系氣息，全店以木系裝潢為主，簡潔又充滿日系風情，主打雞類各部位, 以備長炭製作串燒💫坐下來先送上熱湯，喝下可以暖暖胃，很貼心💫再點飲品之後就等吃喔💫🍹完熟白桃梳打🍹信州蘋果梳打▪️佐酒小食
💢吞拿魚他他 $98
💢吞拿魚他他口感軟綿細緻，魚肉與脂肪均勻結合, 再配上香脆鱈魚片, 加添香脆感
💢慢煮雞肝 $68
慢煮雞肝綿密甘香
申燒
💢自家製月見雞棒 $68
免治雞肉棒加入雞軟骨, 食時沾上蛋汁同燒汁更顯香甜
💢炭火地雞 $88
以炭火燒製, 入口有陣陣炭火焦香
💢雞翼、雞皮、雞尾、雞胸肉
雞翼大大隻，皮脆肉嫩、雞皮咬落卜卜脆，好香口惹味、雞尾油脂甘香、雞胸肉口感彈牙💫
💢白鱔 $128
鹽燒後外層香脆，油脂甘香肥味💫
💢厚切牛舌芯 $88
份量是暫時見過量大碟😂😂 厚切爽口彈牙💫
💢茄子田樂燒 $68
茄子香滑軟綿💫💢粟米 $32醬油燒後粟米🌽更香甜💫
💢明太子飯團 $38
外層香脆, 中間軟綿💫💢雞湯烏冬 $38湯底微辣，烏冬彈牙💫
整店都非常熱鬧，是越夜越熱鬧💫
continue reading
日前升中放榜，油麻地天主教小學 (海泓道) 一名姓陳學生成功獲派入華仁書院，其受訪時稱周一至周五都有補習，讀書是他的「本份」，其後一名方同學露出「O嘴」的驚訝表情，在網上爆紅，更引起海外媒體報導。以下的串燒店絕對有「做好本份」，無論是想享受美食，或與朋友把酒歡聚，都絕對是理想場地。位於西環的「本炭火燒鳥」由在倫敦長大的Will、同為土生土長兼機師的Simon及Vincent創辦，主打以備長炭炮製的各款日式串燒及美食，以及各式下酒菜餚和小食。本炭火燒鳥均採用日本雞入饌，除了十餘款常備部位，亦有提供特別部位，望能將日本地道鄰家燒鳥店、輕鬆熱鬧的氣氛帶到香港，打造特別燒鳥體驗。環境：✨還未踏足店內前，訪客或途人均可透過小窗一窺師傅製作串燒的模樣。✨新店地方寬敞，室內設計裝潢以傳統日式木系示人，結合和煦溫暖的胡桃木及原始則樸的清水模，配合清酒瓶、餐牌、掛畫、燈飾、金黄色燈光等，隨處都看見店家的小心思，氣氛輕鬆舒適；看着聽着師傅燒製食物時的滋滋作響和嗅着食物香氣，特別有食慾！服務：✨當日剛踏入晚市，人流不斷，職員態度積極友善，常面帶笑容，上菜速度及用餐時間令人滿意。食物：🐔 焼き鳥✨炭火地雞 ($88)：雞件只用鹽作簡單調味，在於炭火上烤熟，每口都「啖啖肉」，柔嫩爽彈。✨提燈 ($88)：每日供應數量有限。賣相有如燈籠般可愛，非常「打卡able」！將已受精的雞蛋黃拼配雞內臟，味道極濃鬱特別。✨自家製月見雞棒 ($68)：由師傅每天親自手製，外層燒至微焦，軟硬度適中，香氣撲鼻，蘸上蛋黃同吃，更豐富惹味。✨雞髀肉 ($48)：每口都「啖啖肉」，口感軟嫩，蘸柚子胡椒同吃。✨白蔥雞肉 ($42) ：厚厚的汁燒雞肉及甘甜白蔥被梅花間竹地串起，一口飽滿肉感一口清新感。✨雞翼 ($42)：外表帶少許焦脆感金黃，肉質實在，沒有雪味。🐟 魚介✨白鱔 ($128)：肉質肥美紮實，帶鹹香。🐮 焼き物✨厚切牛舌芯 ($88)：可以輕易咬斷，質地綿密爽彈，在口腔內散發出穿透力強的牛香，鹹味恰到好處。🍆 野菜✨茄子田樂 ($68)：師傅將茄子開邊，塗上自家製味噌再烤製，蔬菜有助平衡營養。✨粟米 ($32)：香甜多汁。🥢 酒き餚✨慢煮雞肝 ($68)：口感順滑結實，有點像鮟鱇魚肝，軟腍甘香，沒有帶難嗅的內臟味✨吞拿魚他他 ($98)：粉嫩的吞拿魚蓉放疊在脆片上，絕不會錯。✨雞皮薯片：被炸到金黃焦脆的雞皮，香氣十足，好惹味！🍺 Suntory白啤 ($68)
continue reading
未夠六點就未正式開門，諗住早少少到費事遲。就撞著一班同事喺門口煲煙。其實就無話唔可以嘅…但係做食肆，最好唔好畀人見到啦。嗰頭見同事報完煙掉開支煙頭，呢頭就見同事趁住煙咁問我幾多位。有啲嘢，寧畀人知莫畀人見。一單還一單，食物嘅未道就正常偏好嘅。個人覺得好多串燒店都會選擇落多啲調味嚟遮咗食材唔新鮮呢間舖冇咁做，調味都算做得剛好。一坐低就有一杯仔雞湯飲，個人覺唔太好味。點咗燒牛舌心，炭火地雞，鱈魚乾，明太子山藥，柚子胡椒串燒雞腿肉，甲羅燒，雞頸肉，月見雞棒，雞軟骨。整體嚟講佢哋燒雞嘅調味都做得唔錯。燒雞嘅都可以做到外脆內軟兼juicy，仲要食到雞原本雞味無雪水味。試過咁多間串燒店嚟講都算係幾唔錯。牛舌心本身調味都處理得幾好，唔理解佢伴碟嗰啲冇乜味嘅醬汁有咩用，因為佢燒得幾好嘅關係，借用咗燒雞腿嘅柚子胡椒，另外餐廳有提供山椒粉，都已經幾好食。月見雞棒，細舊咗少少，不過不失，會推薦其他嘢多啲。有讚就一定有彈。鱈魚乾，唔係唔好食。但係其實只係X發鱈魚香絲(有一片片裝)放入氣炸鍋焗再加啲沙律醬，唔值呢個價。因為我自己都試過咁樣整嚟食。喺廣X興度買$26有18片。其實小弟一路都唔建議喺居酒屋叫鱈魚乾、雞泡魚乾、味淋魚乾呢類嘢。但最老土係呢幾樣嘢都係出色嘅下酒菜，你去得居酒屋或串燒屋呢啲地方飲酒，唔叫呢幾樣嘢又爭緊啲。甲羅燒，斷估應該加咗料理酒，去腥用。甲羅燒就一定係入貨先有啦，見佢都加工咗有落隻鵪鶉蛋同飛魚子。不過應上面嗰兩樣嘢就後落嘅，其實建議落咗酒之後再煮一煮去一陣間先，等佢唔使咁水汪汪同埋唔使咁濃酒精味，鵪鶉蛋唔落蛋白會好啲，太多，水汪汪，撈咗好耐，終於叫做扒到上塊多士。題外話，我想影個清酒list嘅時候發現侍應已經收返，礙於唔想打攪咁忙嘅兩位，我亦冇問佢哋攞。小弟望到佢哋清酒list入面全部都係果香比較多嘅薰酒，當然有其中一支佢有介紹話係有米香但係老實講，清酒係米酒，一般嚟講都具有米香同旨味只係多與少嘅分别，鹽燒串燒，同有醬汁嘅料理都係分别地用偏香氣較清新酒酒體薄身爽快嘅爽酒，同帶米麥香、陳年(醬油或菇菌)香、旨味等而酒體偏醇厚嘅醇酒會比較適合。當然因為呢兩類酒一般成本較低而賣到嘅價錢亦都唔似純米吟釀及純米大吟釀呢類清酒高，加上市民大眾都會誤以為有花果香氣先叫做傳統清酒。大部分香港嘅居酒屋都費事入咁多爽、醇、熟酒。清酒，邊有咁多香港人識欣賞。導致香港大部分進口商，都情願賣多啲薰酒，有價有市，先有得賺。但有趣嘅係，日本人係鍾意飲啤酒，其次係燒酎(讀音：就，唔係酌)。基本上佢哋去得居酒屋都係飲啤酒多。不過其實睇大家入咩酒同點sell啲酒嘅啫。
continue reading
❀ 本炭火燒鳥 #西環 ❀❗近期最愛的燒鳥居酒屋 原來有「天梯」呢個部位❗——————————————————就喺西營盤B2出口附近，開咗間新嘅燒鳥居酒屋🏮入去就見到開放式廚房，用備長炭熊熊烈火製作嘅串燒特別香口😋而且仲有提燈、豬天梯、豬脷軟骨等特別部位，強烈推薦💖.✷𝑀𝑒𝓃𝓊✷☞ 吞拿魚他他 $98☞ 慢煮雞肝 $68前菜推薦吞拿魚他他🤩吞拿魚他他口感軟綿綿，作了日式twist，特意配上香脆鱈魚片，份外香口。.☞ 提燈 $88☞ 豬天梯 $58☞ 豬脷軟骨 $48 真係必試呢三款罕見串燒，而且價錢合理👍🏻提燈雖然係雞嘅生殖器官，但係卵巢口感彈牙，與肉分別不大。兩顆橙黃色係未孵化嘅蛋黃，呢間更做到爆汁口感呢💦而天梯則是豬嘅上顎，口感好似爽骨咁，幾特別😙.☞ 自家製月見雞棒 $68☞ 炭火地雞 $88☞ 雞腎 $38☞ 雞心 $38 ☞ 雞肝 $38另外當然唔少得叫一系列嘅雞肉串燒，推薦雞蛋及雞心。.☞ 白鱔 $128☞ 厚切牛舌芯 $88☞ 茄子田樂燒 $68☞ 明太子飯團 $38燒物亦非常出色🔥甚至比雞肉串燒更有驚喜。白鱔皮脆油脂香，燒得恰到好處✨仲有勁喜歡牛舌芯，厚切非常彈牙，係perfect嘅口感🥰就連茄子都好出色，塗上特調味噌醬，加上大量肉碎，非常多汁充滿焦香😋.☞ 靜岡焙茶布丁佢哋仲有同對面Cafe合作，售賣其甜品。焙茶布甸動L，而且焙茶味突出，都幾好味😚——————————————————✨整體味道: 4.2/5 ✨環境裝修: 4/5✨服務態度: 4/5✨性價比: 4/5✨再訪興趣: 4/5.💞整體來講好喜歡呢間燒鳥居酒屋🏮，有唔少特色部位選擇，而且啲燒賣亦非常出色，環境價錢都唔錯，係近期印象最深刻嘅居酒屋。
continue reading