泰廚泰國菜館

Open Now

Now Closed

次次嚟金魚街買完寵物用品，食嘢都唔駛諗，一定喺去就近嘅泰廚，價錢仲大件夾抵食😎尤其一定會叫1蚊之選，我就多數嗌生蝦，有時就嗌青木瓜沙律🤤沙嗲串燒 ⭐️⭐️⭐️⭐️⭐️我稱呢度嘅沙嗲串燒為「金魚街名物」，以前佢哋有個爐擺喺門口燒，每次經過都忍唔住買嚟食🤤今次叫咗豬頸肉、雞肉、豬肉各一串，豬頸肉超厚超大件，沙嗲汁係比較杰身，味道好濃郁，誠意推介一定要叫！和牛串燒 ⭐️⭐️⭐️⭐️和牛串燒唔係用沙嗲醬，係用綠色嘅泰式醬汁，好似暫時未見過有其他餐廳咁樣做🧐和牛易咬好有牛味，比起用沙嗲醬更加有泰式風味👍🏻炸蝦餅拼春卷 ⭐️⭐️⭐️⭐️⭐️炸蝦餅炸得香脆、蝦滑好彈牙，一定要點少少泰式辣雞醬😎春卷一向係我嘅至愛，食泰國菜一定會叫，春卷餡料好豐富，炸得香脆乾爽啱啱好！馬拉盞炒椰菜苗 ⭐️⭐️⭐️⭐️食泰菜必食椰菜苗🥬呢度嘅馬拉盞味道極度濃郁，椰菜苗火候剛剛好～冬陰功明爐烏頭魚 ⭐️⭐️⭐️⭐️⭐️明爐烏頭可以揀清湯或者冬陰功，我鍾意濃味啲當然揀冬陰功😆冬陰功酸酸地唔算太辣，咁樣反而仲好，唔會蓋過晒烏頭嘅鮮味，又可以過到飲冬陰功嘅癮😁芒果糯米飯 ⭐️⭐️⭐️⭐️⭐️份量超大嘅芒果糯米飯，糯米飯暖笠笠好軟糯，椰漿份量可以自己控制，配埋芒果味道唔會太甜，水準好高

每次系旺角想食泰國菜，都會諗起通菜街天橋附近的泰國菜，因呢間門口有個阿姐專門系門口燒串燒好香。香茅豬扒撈㩚，豬扒炸到好香口又夠淋，撈㩚淋上醬汁撈埋酸酸甜甜地好好味。泰式扎肉冬陰公湯河，冬陰公湯底酸酸甜甜辣辣好好味，河粉又索埋冬陰公湯的味好正，扎肉又爽彈。和牛串燒燒到剛剛好，牛味農肉質又淋配上醬汁好入味豬頸肉串燒燒到好香又可以逼到油脂出來不肥膩，豬肉和雞肉都燒到好香口，配上沙嗲醬好香濃，呢度沙嗲醬又唔辣甜甜地好好味。扎肉鳳爪沙律鳳爪好入味又系無骨又爽彈又唔會辣。馬拉盞炒椰菜苗，椰菜苗炒到好爽口又夠味道。龍眼冰又夠味又有龍眼肉。

與朋友午餐在「泰廚泰國菜館」，原本在晚市供應的招牌美食品，午市也特價，那麼，就要嚐嚐泰式咖哩大頭蝦與薄餅。餐湯湯水清晰，湯味帶胡椒微辣味道，湯水中有肉碎、唐芹菜材料。兩串和牛串燒，和牛肉串，間有綠椒與洋蔥來燒，綠色的醬汁與和牛肉，吃起來更鮮甜美味。色香俱備的泰式咖哩大頭蝦很快便端上枱面來，咖哩汁有很多配菜烹調，綠與紅椒 、西芹、洋蔥、滑蛋、韭菜、薑片.....所以咖哩汁味道清香、清甜中帶少許微辣，汁液香滑，用薄餅沾咖哩汁吃，十分美味可口！泰式咖哩大頭蝦打卡後，我們就不客氣了！穿戴透明手套後齊齊分享美味大頭蝦，大頭蝦共有三大隻之多，肉質爽甜。我的咸檸梳打與朋友的珍多冰，吃過香濃泰式咖哩大頭蝦，再喝這樽有氣梳打水，遇上咸檸是無敵的配合，清新解膩。椰汁、西米與清甜粟米粒，構成是極具泰式風味的椰汁糕，是滿足的餐後小甜品。「泰廚泰國菜館」是街坊泰國菜館，菜館劃分地面鋪與閣樓，裝置平實，我每次用膳都在地面鋪享用，食物與招待挺好，價錢合理。

最近我都少咗出街食飯，因為肺炎嘅疫情越鬧越大，令到我減少與朋友嘅聚會今日約咗一個朋友出嚟食飯，咁耐冇見梗係要去一間有質素嘅菜館啦呢間泰國菜我已經唔係第一次過嚟食，我成日過嚟嘅原因係，食物有質素，價錢又實惠👍《每滿$200加多一$1款餸》呢個項目我真係覺得好抵，加上生蝦嘅肉質鮮甜😍簡直相當於每$200就俾個七折你豬皮入口即溶，份量都唔少👍唯一缺點肉質有少少乾（可能煮得太耐）《燒和牛串》我每一次你都會叫，因為真係好好食入口有牛味，加上有少少和牛脂肪嘅分布，肉質又嫩滑，推介《燒豬肉串》又係正嘢，大大塊嘅豬肉用泰式醬汁去燒到佢香噴噴，而且燒到啱啱好，豬肉嘅肉汁仲保留喺入邊，鮮嫩爽口👍，推薦必試👍《咖喱軟殻蟹》軟殼蟹上枱嘅時候仲係能夠保持鬆脆👍咖喱汁香濃（唔知係咪加咗蛋黃醬）好香、好奶，用嚟送白飯一流蒜蓉包非常香脆，脆到好似一咬就自動散開晒嗰種呢個時期個個都咁注重衛生，佢哋個廁所都算幾乾淨👏呢間都算係多年嘅食店，水準保持倒👏整體質素加埋價錢，絕對抵食👍

沙華dee給突然想吃泰國菜，路過通菜街見到這一間泰國菜館門口貼滿相片，很吸引便走進去一試，以為餐廳很少座位擔心要排隊， 職員一指2樓也有雅座。職員大叔很風趣，很快就點好炒粉絲及湯河炒菜等。跟餐還有兩碗冬瓜湯送，很不錯，可以清熱解毒！我點的青檸梳打那一罐梳打是泰文！很少見，應該是泰國貨，很多碳酸泡泡，非常好喝!最快上枱的是馬拉盞炒通菜，馬拉盞有少許鹹香味聞到都肚餓，通菜都很新鮮脆嫩，而且份量也很多！這碟炒菜有鑊氣，每一條菜都可以平均有少許馬拉盞醬的味道，也不會太咸肉碎炒粉絲有點微辣，炒得很乾身，也看不到碟上有太多的油漬，非常有鑊氣！而且粉絲不會糊在一起，可以看到一絲絲一條條的香茅豬扒份量比想像中大塊，味道比平時的再偏甜少許。最令我驚訝的是這碗冬陰公湯河！它是二人的份量吧？！超級大碗！豬扒加湯河才$65，性價比極高。酸酸辣辣的冬陰公湯十分開胃，喝完湯吃完麵會飽得不得了雖然有點飽但忍不住還是想吃一些串燒！豬肉及雞肉串燒是沙嗲味，這個沙嗲醬調配的味道夠濃夠香！串燒的肉質也很嫩滑。另外和牛串燒原來醬汁是有點不同的，感覺就像偏酸一點的甜酸醬，食串燒也有兩個口味推薦要點串燒! 大串抵食又好味! 我最

這間泰國菜每次夜晚行過金魚街都會俾佢既串燒吸引左，今日5點呢個時間黎到，下午茶同lunch原來都好抵食！呢啲時間未需要開上層，所以客人主要坐地下果層，因為我們當晚餐吃，所以點了多款上次黎冇食到既食物試下！和牛串燒($20/串)，上次夜晚黎到賣哂，今次終於食到！和牛鬆軟多汁，仲配埋泰式辣醬，酸酸辣辣幾特別！雞肉串燒($12/串)，雞肉除了食到有燒過的味道，雞肉嫩滑，再配有唔會好重花生味既沙嗲醬，食得很滋味！香茅牛肉撈檬($35)，下午茶時段都幾抵，呢個價錢仲有杯飲品！牛肉香茅味濃，撈檬內還有酸蘿蔔、花生，加埋酸汁一齊食口感豐富！泰式酸辣椰汁雞湯($65)，呢個湯看上去白色以為椰汁味會好重，點知一啲都唔係，飲落似飲緊冬蔭功湯的味道，內裡還有些雞肉，令人一飲再飲！明爐烏頭配白飯($99)，呢個係lunch的價錢，真的很抵，而且仲包一杯飲品呢！烏頭的湯底酸酸地辣辣地很惹味，還有些肉碎和椰菜！烏頭鮮甜！泰式生蝦($1)，只要叫滿$200就可以$1換購，好抵呀！生蝦唔會好求其，有辣汁同埋生蒜，能夠刺激味蕾！總括黎講，餐廳食物質素高，但又好平，一定會再黎食！

今天和朋友放工後，行經旺角，經過此處發現鬧市一角的泰國餐廳。看見門口有位姨姨正忙著燒烤串燒，陣陣肉香飄散，甚為吸引。和朋友商量後就決定到此醫肚。餐廳門外大約有十人在等位，我們最後等了約30分鐘才可進入。餐廳共有兩層，裝潢簡約，門內外四周張貼了各種推介菜式。雖然人多，但上菜的速度尚算快。第一碟上菜是串燒，分別有牛肉串、雞肉串和豬肉串。牛肉串肉厚度適中，中間夾有青椒、洋蔥，牛肉味濃郁。豬肉串，肉質比較乾了點，但是肉厚，味道微辣。雞肉串肉質滑嫩、味道有點辣。醬汁與串燒很夾。話說以前在屯門食過一間泰式餐廳，當時是被菠蘿炒飯吸引了，來到此當然少不了要吃。菠蘿炒飯用料十分豐富，有肉鬆，菠蘿肉、洋蔥、青椒、西蘭花、火腿、蝦仁、西芹、青豆、鮮魷等等。米飯呈現誘人的金黃色，味道酸甜中帶點微辣，非常適合夏天食，很開胃。黃咖喱相當於日本的咖喱，微甜而不辛辣。咖喱煮得濃稠，每樣配料也很入味。咖喱裡有海鮮和蔬菜。有蝦仁、青口、鮮魷、紅蘿蔔、洋蔥、青椒等等。用來送飯一流，海鮮都很彈牙，很美味。其實這道菜式，還可以選擇配青咖喱或是紅咖喱。喜歡吃辣的朋友，可以挑戰一下。原隻椰青份量十足，內里滿滿是清甜的椰青汁，內則有