Video
Read full review
2011-09-09
309 views
引言︰失蹤人口離奇現身，仲要係大壽日子，緊係要諗諗食乜好。大壽既選擇係中餐，好唔簡單就決定左黎得龍，電視節目介紹左N次，堅係想黎食好耐，就今次攪大壽黎呢到食。食物︰鴨腳包，係今次我覺得最好的一款，除左有第一次食既驚豔，味道其實都好唔錯，餡料有叉燒，肝，同鴨腸，食落層次真係幾豐富。當然睇睇餡料都知呢舊野同另一名物金錢雞一樣邪惡，不過真係好唔錯。舊野又邪惡，又唔係到到有得食，一場黎到真係要試試。金錢雞，叉燒同冰肉都夠爽脆，好有咬口。雞肝就有點滯，三個味都做得好平均，好食的。早前係澳門8餐廳食過的鵝肝金錢雞，個人就更為喜歡，可能鵝肝比雞肝更吸引吧。佛跳牆，係失蹤人口指定要食的，四人份量料都一大兜，應該都夠足料，味濃濃，不過我真係唔識欣賞亦唔識咩係佛跳牆，唔再多講。脆鱔炸奶，有兩款炒奶，一係炒牛奶一係炸奶，今次試左個炸鮮奶，炸得幾唔錯，皮薄薄，入面奶又剛好，好食的，出奇的係非常配合自帶的甜酒。鱔真係好脆，脆得有點過份，不過乾身了點，食落真係麻麻地。咖哩牛尾，好似係到食有點混吉，不過今次就混左個驚喜，牛尾膠膠地，帶點鹹香，冇俾咖喱味蓋過，真係幾好味。咖喱就真係唔好當食印度式咖喱，個味係預計得到的
失蹤人口離奇現身，仲要係大壽日子，緊係要諗諗食乜好。大壽既選擇係中餐，好唔簡單就決定左黎得龍，電視節目介紹左N次，堅係想黎食好耐，就今次攪大壽黎呢到食。
食物︰
鴨腳包，係今次我覺得最好的一款，除左有第一次食既驚豔，味道其實都好唔錯，餡料有叉燒，肝，同鴨腸，食落層次真係幾豐富。當然睇睇餡料都知呢舊野同另一名物金錢雞一樣邪惡，不過真係好唔錯。舊野又邪惡，又唔係到到有得食，一場黎到真係要試試。
金錢雞，叉燒同冰肉都夠爽脆，好有咬口。雞肝就有點滯，三個味都做得好平均，好食的。早前係澳門8餐廳食過的鵝肝金錢雞，個人就更為喜歡，可能鵝肝比雞肝更吸引吧。
佛跳牆，係失蹤人口指定要食的，四人份量料都一大兜，應該都夠足料，味濃濃，不過我真係唔識欣賞亦唔識咩係佛跳牆，唔再多講。
脆鱔炸奶，有兩款炒奶，一係炒牛奶一係炸奶，今次試左個炸鮮奶，炸得幾唔錯，皮薄薄，入面奶又剛好，好食的，出奇的係非常配合自帶的甜酒。鱔真係好脆，脆得有點過份，不過乾身了點，食落真係麻麻地。
咖哩牛尾，好似係到食有點混吉，不過今次就混左個驚喜，牛尾膠膠地，帶點鹹香，冇俾咖喱味蓋過，真係幾好味。咖喱就真係唔好當食印度式咖喱，個味係預計得到的，個咖喱牛尾跟個蒜蓉飽，上枱唔係熱脆，蒜蓉亦唔夠多，多少少蒜蓉會更好的。
砵酒焗桶蠔，蠔食落麻麻地，個味都好普通，印象中跑馬地彭慶記做呢味幾精彩，睇黎都要搵日去會一會佢。
咕嚕肉，見好多人都介紹呢到既咕嚕肉，食落特別位係幾少了一般既醋酸，肉係穩陣地脆，食落亦鬆軟，不過始終食開味濃濃既咕嚕肉，如果山楂下得重手點可能會更岩我。
啫啫芥蘭，要點菜食下，其實無咩好講，通常都係叫店方介紹是日咩菜，簡簡單單就好。招呼我地位阿哥，介紹咩菜都係要啫啫上，話多點惹味，啫啫菜確係幾惹味。
服務及環境︰- 環境係老店一間。
- 服務真係可以俾滿分，又換碟又主動加茶，仲要放好位俾我地影相，係滿意的。仲要專招呼我地位阿哥，我地同佢開玩笑，都同我地講句唔緊要，最緊要開心，呢句我buy。
抵食度︰
- 上面係四位食，每位$250，自己計計抵唔抵。水準很好，我就覺得幾抵。
- 另一抵係免開瓶。
總結︰
最緊要開心，食物好，人腳好，高高興興食餐飯。
Post
