豚勝

Open Now

Now Closed

在葵芳新都會廣場行到差不多晚飯時間，就去搵嘢食，今天想食日本丼，搵搵吓就見到 “豚勝”，在店外望完餐牌幾吸引，於是就入內，店內差不多 full house (只剩餘2張枱)。我哋 order 咗一個 “吉列厚切里肌豬扒定食” 及 “吉列大海老定食配湯烏冬” ，另外，order 咗一客小食 “土佐豆腐”。而在豚勝 社交平台 內點讚就送 “一客枝豆”，份量都不少。厚切豬扒份量，除標準 size (180 gm )外，亦可 order 大份量，隨你自己食量來選擇，我哋就沒有特別加大份量，豬扒的外層脆衣好鬆脆，而豬扒充滿肉汁、質嫰，非常美味👍🏻😋，飯及椰菜絲亦是無限添加。吉列大海老（大蝦），隻蝦真係好大隻，食得好滿足，外層脆衣與吉列豬的一樣鬆脆，而蝦就炸得剛剛好 👍🏼😋 不會太老；配餐的烏冬 🍜份量亦不少，麵質保持煙韌，不會太淋，而且還可選擇 “冷” 或 “熱”。小食的土佐豆腐很嫰滑，豆腐味濃，醬汁又不會太咸。😊結尾就 order 咗一球雪糕作甜品，味道就一般啦！今晚的用餐體驗很好，無論食物味道及賣相、整體服務、餐廳環境及衞生都不錯，值得再嚟👍🏼👍🏼

🎏好耐都冇同過卡肥食飯，今日熊妹等佢放工，揀左間卡肥愛吃的吉列豬扒店🐷氹吓佢開心啦！📌香港專門食吉列豬扒店嘅餐廳唔多，搵吓搵吓發現原來喺葵芳新都會廣場新開咗《豚勝》，聽個名就知夠哂覇氣💥！📌上到新都會廣場5樓，中間位置就係《豚勝》。門口一個個bar枱位，係日本餐廳好常見的格局。📌餐廳內有三四個熊妹最愛的窗口梳化卡位🖼️，另外，中間仲有一張多人長枱，可以圍爐取暖。📌午餐時間來到，當然食午餐！定食除了吉列厚切里肌豬扒款，仲有滑蛋🥚同咖哩口味選擇🍛，另外，主食仲有雞、牛、野菜為可選，可以試多幾樣食材！每款定食都會跟上白飯🍚、味噌湯🥣同漬物🥡，白飯仲可以無限添食，真係岩哂大食卡肥。滑蛋吉列厚切里肌豬扒定食，$168咁多款口味，卡肥選了最愛的滑蛋款。標準size的厚切里肌豬扒一開五件，放上滑蛋鍋上呈上，可以保持住滑蛋的熱力🔥。剛剛炒起的滑蛋連鍋上🍳，感覺熱辣辣好新鮮。滑蛋滑得黎又好實在，日本蛋香味濃，連埋洋蔥🧅一齊炒，帶點鹹味，送飯一流！夾起一塊厚切里肌豬扒，真係好厚切，目測有2cm厚度！外皮炸到非常香口酥脆，咬落去時，真係食到「咔咔」聲！厚切豬扒肉口感厚實，啖啖里肌豬肉位無根無渣無肥，好有咬口，

啱啱去完日本返黎，話咁快又開始掛住日本美食。搵左呢間係日本都有分店既豚勝食吉列豬扒定食～佢地係圓方都有分店，今次就黎左食最近係新都會廣場開既新分店。 1️⃣ 吉列大海老配豬柳定食（$228） 佢地既炸豬扒係先用低溫慢煮豬肉，然後先再油炸，可以令到豬肉食落保持肉嫩多汁既狀態，外皮就食落酥脆😋炸蝦好大件好厚！炸蝦同炸豬柳都好好食！另外係炸豬扒上台前會奉上一份芝麻比客人自己磨，一路磨一路聞到陣芝麻香🤤磨好後加入豬扒醬可以用黎點豬扒食，勁香同炸豬排勁夾！  定食仲有包白飯同椰菜絲無限添加，同埋有泡菜同麵豉湯。  2⃣️吉列厚切里肌豬扒配冷蕎麥麵（$178） 店鋪主打炸豬扒，所以叫左炸豬柳之外，叫埋佢地既炸里肌豬扒食！兩款係食到唔同既特色，呢款就邊邊帶有啲筋同油脂位，食落更加重肉香👍一樣可以點豬扒醬食，另外仲有期間限定既紫薯醬，紫薯醬係帶微甜沙律醬既味道，幾特別都幾好食。冷蕎麥麵可以先單食，然後再試下將鵪鶉蛋、蔥、wasabi倒入冷面汁到沾麵食，好清爽！  3️⃣吉列芝士野菜豚肉卷（$62） 新品黎，炸豬扒中間係半融芝士，最特別係中間既野菜餡料，有啲甜椒同蔬菜，唔鍾意食椒既我都覺得非常可以🤩夾埋一齊食係好食